 for web4.jpg)
 for web3a.jpg)
2023-11-13 09:16:51
32nd Week in Ordinary Time, Tuesday
၂၀၂၃ နိုဝင်ဘာလ (၁၄) ) ရက်၊ ၃၂ ကြိမ်မြောက် သာမန်အင်္ဂါနေ့
Luke 17: 7-10, ရှင်လုကာ ၁၇း၇-၁၀
Reflection by Rev. Fr. Paschal Thi Ko Shin(SDB)
Posted by Sr. Benedetta Myat Hnin Nwe(ISR)
မိသားစုအတွင်းမှာ တစ်ယောက်ယောက်ကလုပ်ပေးတဲ့အကူညီအတွက် အသေးအမွှားလေးပဲဖြစ်ပါစေကျေးဇူးတင်တတ်ပါ၊ ကျေးဇူးတင်စကားပြောပါလို့ပုပ်ရဟန်းမင်းကြီးဖရန်စစ်က မိန့်မှာဖူးတယ်။ တစ်ခုခုလုပ်ပေးလိုက်လို့ကျေးဇူးပါလို့အပြောခံရရင်အနည်းနဲ့အများကြည်းနှုးပီတိဖြစ်ကြတာပဲ။ ကျေးဇူးတင်စကားမပြောတတ်ရင်လူမှုရေးနားမလည်ဘူး။ ကျေးဇူးတရားမသိဘူးလို့ ထင်တတ်ကြတဲ့ဒီခေတ်ကြီးမှာ စားသောက်ကုန်တွေကအစ ကံစမ်းမဲတွေမှာ ကျေးဇူးတင်ပါတယ်ပြောတတ်လာပြီ။အဆင့်အတန်းအနေအထား ဘယ်လောက်ကွာကွာလူကြီးလူကောင်းတွေဖက်ကစပြီး ကျေးဇူးပါပြောတာ ယဉ်ကျေးမှုတစ်ခုလိုပါပဲ။ ဒါပေမဲ့ ဒီယနေ့ကြားရတဲ့ကျမ်းစာမှာသခင်ကအစေခံကို မိမိစေခိုင်း သည့် အတိုင်း ဆောင်ရွက်ပေးတဲ့ အစေခံကို ကျေးဇူးတင်စကား ဆိုရမှာလား။ ဒီစကားကြားရတာအောင့်သက်သက်နဲ့။ ဘယ်လိုအဓိပ္ပါယ်ကြီးလဲ။ အလောတကြီးကိုယ်လိုရာကိုဆွဲပြီး ကျမ်းစကားကိုအနက်မဖွင့်မိဖို့လိုတယ်။ ကြည့်ရအောင်။သခင်ခိုင်းတာကိုအစေခံကို ဖြည့်စွက်တယ်။ အဲ့ဒီအတွက်ကျေးဇူးတင်လည်း ရတယ်။ မတင်လည်းကိစ္စမရှိဘူး။ကျေးဇူးမတင်ချင်နေ၊ မစော်ကားနဲ့ဆိုတာမျိုး၊ဒီကိစ္စမှာ သခင်က ကျေးဇူးစကားမဆိုပေမဲ့ အစေခံကို မစော်ကားဘူး။ အဲ့ဒီတော့ပြသနာမရှိဘူး။ ခရစ်တော်သွန်သင်ပေးနေတာကအစေခံတစ်ယောက်မှာဘယ်လိုစိတ်နေစိတ်ထားမျိုးရှိရမလဲဆိုတာကိုပြသခြင်းဖြစ်တယ်။ ခရစ်တော်ကကာနန်အမျိုးသမီးကိုလည်း ခွေးနဲ့နှိုင်းဖူးတယ်။ ခွေးနဲ့အနှိုးင်းခံရလို့လည်း ကာနန်အမျိုးသမီးက ဘာမှမဖြစ်ဘူး။ သူက စော်ကားခံရတယ်လို့မမြင်ဘူး။ နားလည်အောင် ရှင်းပြတယ်လို့ခံယူတယ်။ နောက်ဆုံးတာ သူလိုရာရသွားတာပဲ။ အစေခံကိစ္စမှာလည်း စိတ်နေစိတ်ထားက အရေးကြီးတယ်။ကိုယ်ဘယ်သူလဲဆိုတာ ကိုယ့်ကိုကိုယ်သိရပါမယ်။ အစေခံဆိုတာသခင်ခိုင်းတဲ့အိမ်မှုအကုန်လုပ်ရတယ်။ တာဝန်ကျေရတယ်။ဒီအတွက် ဘာကို ထပ်မျှော်လင့်ဖို့လိုသေးလို့လဲ။ခရစ်တော်က ကျမ်းတတ်ဆရာ ဖာရီဇေဦးတွေကို ခပ်ပါးပါးလေးပုပ်ပြီးဆုံးမတဲ့ပုံစံနဲ့ ဒီစကားကို ပြောလိုက်တာပါ။ ဖာရီဇေဦးတွေက ဘုရားနဲ့ သူတို့ကြားမှာ ရှိတဲ့ဆက်ဆံရေးကို သခင်နဲ့အစေခံလို ယူဆတယ်။ သခင့်အတွက် အကောင်းဆုံး လုပ်ပေးတယ်။ ဒီအတွက် ထိုက်သင့်တာကို ပြန်ရသင့်တယ်လို့မျှော်လင့်တယ်။ အပေးအယူစိတ်ဓါတ်နဲ့အလုပ်ကျွေးပြုတာမျိုးဘုရားသခင်ကမလိုလားပါဘူး။ တခါတလေကျွန်တော်တို့ လူတွေကအကောင်းတစ်ခုခုများလုပ်ပေးလိုက်ခဲ့ရင်ကိုယ့်ကိုကိုယ်ဂုဏ်ယူလို့မဆုံးတော့ဘူး။ ငါကွဆိုတာမျိုး မဏ္ဍပ်တိုင်တက်ပြတယ်။ ဘုရားရဲ့စကားကို ဒီလို ငါကနားထောင်ခဲ့တာ။ ဘုရားကငါ့ကိုပြန်ပေးမှာလို့ မျှော်လင့်လို့မရဘူး။ ကိုယ်ကတစ်ခုခုပေးဆပ်လို့ ဘုရားကပြန်ပေးဆပ်ရအောင် ဘုရားကကိုယ့်ရဲ့အကြွေးသည်မှ မဟုတ်တာ။ ဘုရားဆီမှာသာ လူကအကြွေးတင်နေတာ။ တကယ်တမ်းက ဘုရားက အကြွေးရှင်ပါ။လူဟာဘုရားရဲ့အစေခံဆိုတာ ဘယ်တော့မှ မေ့ထားလို့မရဘူး။ ငါကြွလာတာ ခိုင်းစေဖို့မဟုတ်၊အစေခံဖို့အတွက်လာတယ် ဆိုတဲ့ခရစ်တော်ရဲ့စကားကို အသည်းစွဲအောင် မှတ်ထားရပါမယ်။ ကိုယ်ခံစားရမယ့်အကျိုးရလဒ်ကို အရင်မကြည့်ပါနဲ့။ တစ်ခုခုလုပ်ပေးတယ်။ အဲ့ဒီအရာအတွက် ဘုရားပေးမယ့်ဆုလဒ်က ထိုက်တန်လား မတန်ဘူးလားဆို တာ ဘုရားကိုယ်တိုင်ပဲ ဆုံးဖြတ်ရမှာပါ။ ကိုယ့်လုပ်တဲ့ အကောင်းတစ်ခုခုပေါ်မှာ အာရုံပြုရင် ကိုယ့်ကိုကိုယ်ဗဟိုပြုတာပဲ။ ဘုရားကိုအစေခံတာမဟုတ်ဘူး။ ကျွန်တော်တို့တွေဟာမထိုက်တန်သောအစေခံတွေပါ။ သခင်ခိုင်းတဲ့အမှုကို အကောင်းဆုံးပေးဆပ်ခွင့်ရတာကိုကဂုဏ်ယူစရာဖြစ်နေပါပြီ။အစေခံတစ်ယောက်ရဲ့ စိတ်နေစိတ်ထားနဲ့လုပ်စရာရှိတာ ဆက်လုပ်ရအောင်။ဘုရားသခင်သူဟာသူကောင်းချီးပေးပါလိမ့်မယ်။
