 for web4.jpg)
 for web3a.jpg)
2021-04-19 21:58:34
အနာသိလျှင် ဆေးရှိသည်။ လူတိုင်းလူတိုင်း ကိုယ့်အနာကိုသိရန် အရေးကြီးသည်။ မည်သို့ခံစားရကြောင်း ဆရာဝန်အား သဘောပေါက်အောင် ပြောပြနိူင်မှသာလျှင် ဆရာဝန်က ဆေးပေးရ လွယ်ကူမည် ဖြစ်သည်။ ထိန်ဝှက်ပြီး အကုန်မပြော၊ အမှန်မပြောလျှင် ဆရာဝန်က ခန့် မှန်းပြီး ကောင်းနိုးနိုး တစ်မျိုးပြီးတစ်မျိုး ဆေးပြောင်းပေးနေရလျှင် လူနာက မလိုအပ်သော ဆိုးကျိုးများ ခံစားရမည်သာ ဖြစ်သည်။ တစ်ခါက လူနာတစ်ဦး ဆေးခန်း ရောက်လာသည်။ ဆရာဝန်က အကျိုးအကြောင်း မေးသောအခါ ..ဆရာဝန်ဆိုတာ လူနာကိုကြည့်တာနဲ့ ဘာရောဂါဖြစ်လဲ သိတယ် မဟုတ်လား.. ဟု ဆရာဝန်ကို ပြောသည်။ ဆရာဝန်က ..ခင်ဗျား ဆေးခန်းမှားနေပြီ။ အကျိုးအကြောင်း မပြောချင်ရင် တိရိစ္ဆာန်ဆေးခန်း သွားပြဟု ပြောသည်။
လမ်းဆုံတစ်နေရာတွင် လောကဧည့်သည်ဖြစ်သော လူသားအားလုံး ထာဝရငြိမ်းချမ်းသော ကောင်းကင်သုခလမ်းကို ရွေးရန်နှင့် ထာဝရအံသွားခဲကြိတ်ရသော ငရဲလမ်းကိုရွေးရန် လူတစ်ဦးစီ၌ မတူညီသော အသက်အကန့်အသတ်ကို ပေးထားသည်။ သတိနှင့် အသင့်ရှိရန် လိုအပ်သည်။ စိုက်သည့်အတိုင်း ရိတ်ရမည်ဟု ခရစ်တော် ဟောခဲ့ပြီ။ ရောဂါကပ်ဆိုးကြီးကာလ၊ ခေတ်ပျက်သော ကာလကို ဖြတ်သန်းသော ကျွန်ုပ်တို့အားလုံး အသိနှင့်သတိ တွဲကြစို့။
အမျိုးသမီးတစ်ဦးက (ကျမဟင်းရွက်ရောင်းတယ်၊ အမြတ်ရအောင် လိမ်ညာပြောရတယ်၊ သားသမီးကိုလည်း နေ့တိုင်းဆူတယ်၊ ပြီးရင်အပတ်ဖြေတယ်၊ အခုဘုရားကျောင်း သွားခွင့်မရ၊ အာပတ်ဖြေခွင့် မရတော့ နေ့တိုင်း အမှားနည်းအောင် ကြိုးစားယူရတယ်) ဟု ရိုးသားသော ဟင်းရွက်သည် အမျိုးသမီးက သူမ၏ဝိညာဉ်ရေး အခြေအနေကို ဝေမျှပါသည်။
#Sister Dominic Ah Paing (Sdp)
