 for web4.jpg)
 for web3a.jpg)
2022-01-15 07:53:56
ဇန်နဝါရီလ (၁၆) ရက်
ဒုတိယသာမန် တနင်္ဂနွေနေ့
ရှင်ယောဟန် (၂ : ၁ - ၁၁)
Sr.Theresa (ISR)
၁။ သုံးရက်မြောက်သောနေ့တွင် ဂါလေလေးယနယ်၊ ကာနာမြို့၌ လက်ထပ်ပွဲတစ်ခုကျင်းပပြီး ယေဇူး၏မယ်တော်သည်လည်း ထိုနေရာ၌ရှိ၏။၂။ ယေဇူးနှင့်အတူ တပည့်တော်တို့သည်လည်း ထိုလက်ထပ်ပွဲသို့ ဖိတ်ကြားခြင်းခံကြရ၏။၃။ထိုအချိန်၌ စပျစ်ရည်ကုန်သွားသောကြောင့် ယေဇူး၏မယ်တော်က သူတို့တွင် စပျစ်ရည်မရှိဟု ကိုယ်တော်အား ပြောလေ၏။၄။ယေဇူးကလည်း အချင်းအမျိုးသမီး၊ သင်သည် အကျွန်ုပ်နှင့် မည်သို့သက်ဆိုင်ပါသနည်း။ အကျွန်ုပ်၏အချိန် မရောက်သေး ဟု သူမအား မိန့်တော်မူ၏။၅။ကိုယ်တော်၏မယ်တော်ကလည်း သူစေခိုင်းသမျှကို ပြုလုပ်ကြလော့ဟု အစေခံတို့အား မှာထားလေ၏။၆။ ထိုနေရာ၌ ဂျူးလူမျိုးတို့၏ဘာသာရေး ဝိနည်းအရ စင်ကြယ်ခြင်းအမှုပြုရာတွင် အသုံးပြုသော ဂါလံနှစ်ဆယ်၊ သုံးဆယ်ခန့်ဝင်သည့် ကျောက်ရေအိုးကြီး ခြောက်လုံးရှိ၏။၇။ယေဇူးက အိုးများကို ရေဖြည့်ကြလော့ဟု သူတို့အား မိန့်တော်မူလျှင် သူတို့သည် ၎င်းအိုးတို့ကို နှုတ်ခမ်းတိုင်အောင် ရေဖြည့်ကြ၏။၈။ထို့နောက် ယေဇူးက ယခုအနည်းငယ်ခပ်၍ ပွဲအုပ်ထံသို့ယူသွားကြလော့ဟု သူတို့အား မိန့်တော်မူသဖြင့် သူတို့သည် ယူသွားကြလေ၏။၉။ပွဲအုပ်သည်လည်း စပျစ်ရည်ဖြစ်ပြီးသောရေကို မြည်းစမ်းကြည့်သောအခါ ရေခပ်လာခဲ့သောအစေခံတို့သည် ယင်းအား အဘယ်ကရခဲ့သည်ကိုသိကြသော်လည်း ပွဲအုပ်မှာမူ မသိသောကြောင့် မင်္ဂလာဆောင်သတို့ သားကိုခေါ် ပြီးလျှင်၊၁၀။လူတိုင်းသည် ကောင်းသောစပျစ်ရည်ကို ဦးစွာတည်ခင်း၍ လူတို့၀အောင်သောက်ကြပြီးမှ စပျစ်ရည်အညံ့ကို တည်ခင်း လေ့ရှိကြ၏။ သင်မူကား ယခုအချိန်တိုင်အောင် ကောင်းသောစပျစ်ရည်ကို သိမ်းထားလေပြီတကားဟု ဆိုလေ၏။၁၁။ မိမိ၏ တန်ခိုးလက္ခဏာများတွင် ပထမဆုံးဖြစ်သော ဤတန်ခိုးလက္ခဏာကို ယေဇူးသည် ဂါလေလေးယနယ်၊ ကာနာမြို့၌ ပြလျက် မိမိ၏ဘုန်းတော်ကို ထင်ရှားစေတော်မူ၏။ တပည့်တော်တို့သည်လည်း ကိုယ်တော်၌ ယုံကြည်ကြလေ၏။
● ဖြစ်ခြင်း၊ ပျက်ခြင်းများနှင့် မတည်မြဲသည်သင်္ခါရလောက၏ တရားများ၌ စီးမျောပါကာ ကမ္ဘာကုန်ဆုံးနေသကဲ့သို့ ခံစားနေရပါက လူဖြစ်ခြင်း၊ ဘုရားရှင်၏ယုံကြည်သူသားသမီးဖြစ်ရခြင်းသည် အချည်းနှီးသက်သက်ဖြစ်နေပေလိမ့်မည်။
●အကြောင်းမူကား ကျွန်ုပ်တို့၏ဘုရားသည် မနေ့၊ ယနေ၊ နောင်ကာလအစဥ်အမြဲတည်သောဘုရားဖြစ်သောကြောင့်ဖြစ်သည်။
● လက်ရှိကျွန်ုပ်တို့ဆုံးရှုံးရသော အရာရာသည် အတိတ်၏အပြစ်ကြွေးကိုဆေးကြောရန်အတွက် ဖြစ်နေပေရာ သာ၍ကောင်းသောအနာဂတ်ကို ဘုရားရှင်ပြင်ဆင်လမ်းခင်းပေးခြင်းဖြစ်ပေသည်။
● ဆိုးရွားသည့်အဖြစ်အပျက်များနှင့် ထိတ်လန့်ကြောက်ရွံ့နေရသည့်ကျွန်ုပ်တို့အတွက် အရာရာသည် ရပ်တန့်၍မသွားပါ။ ဘုရားရှင်၏ချစ်ခြင်းကောင်းကြီးတော်သည် ကျွန်ုပ်တို့အပေါ် အစဥ်စီးဆင်းလျက်ရှိနေပါသည်။
● နေ့ရက်တာများ၏စိတ်ပျက်အားငယ်ဖွယ်ရာများ၌ မျော်လင့်ခြင်းရောင်ခြည်များဖြင့် အသက်ဆက် ရှင်သန်နေကြသည်။ ချစ်ခြင်းမေတ္တာအိမ်လေးများတည်ဆောက်ရာ၌ အကျဥ်းချုံးကျင်းပကြသည်။
● သန်းခေါင်ယံထက်ညဥ့်မနက်တော့သည့် အချိန်ကာလဝယ် အာရုံဦးအပိုင်းသို့ ကူးပြောင်းရောက်ရှိနေပြီးဖြစ်ရာ တောက်ပသည့်အလင်းရောင်ကိုမြင်နိုင်ရန်မှာ တက်ညီလက်ညီဖြင့် ဆက်လက်ရုန်းကြရန်သာလိုအပ်နေပေသည်။
● စိန်ဩဂတ်စတင်းမိန့်ဆိုသည်မှာ ဘုရားရှင်သည် ကျွန်ုပ်တို့၏အကူအညီမပါဘဲ ကျွန်ုပ်တို့ကိုဖန်ဆင်းခဲ့ပါသည်။ သို့သော်ကယ်တင်ခြင်းအတွက်မူ ကျွန်ုပ်တို့၏အကူအညီမပါဘဲ ကျွန်ုပ်တို့ကိုကယ်တင်မည်မဟုတ်ပေဟူ၍ဖြစ်ပါသည်။
● ယနေ့ကြားနာရသော အသက်ပေးသည့် နှုတ်တော်ထွက်စကားတွင် ကာနန်လက်ထပ်ပွဲ၌ ခရစ်တော်သခင်နှင့် တပည့်တော်များနှင့်အတူ မယ်တော်သည်လည်း ပါဝင်တက်ရောက်၍ မင်္ဂလာပွဲတွင်လိုအပ်နေသောအရာများအတွက် မယ်တော်၏ကြားဝင်တောင်းလျှောက်ပေးခြင်းဖြင့် အဆင်ပြေလှပသွားရသည့်အကြောင်း နှုတ်မြွက်ထားပါသည်။
● တောက်ပသောအနာဂတ်ကို ရရှိရန်အတွက် အသက်သေကြေရခြင်းနှင့်အတူ လောကပစ္စည်းဥစ္စာများပျက်စီးဆုံးရှုံးရခြင်းများဖြင့် ဘေးလွတ်ရာရှောင်တိမ်းနေရသော ကျွန်ုပ်တို့၏ဖြစ်စဥ်၊ ကျွန်ုပ်တို့၏ပွဲအခြေအနေသည် ရိက္ခာပြတ်လတ်ခြင်းများနှင့် ကြုံတွေ့နေရပါသည်။
● ကျွန်ုပ်တို့မည်သူ့ထံ အကူအညီတောင်းရမည်နည်း။
● ကျွန်ုပ်တို့ကို မယ်တော်မြင်တွေ့နေပါသည်။ ကျွန်ုပ်တို့အတွက် သားတော်ဘုရားထံတောင်းဆုပန်ပေးနေပါသည်။
● "သူစေခိုင်းသမျှကိုပြုကြပါ။"ဟူ၍လည်း ကျွန်ုပ်တို့ကို ပြောဆိုနေပါသည်။
● ဤခါးသီးမှုများမှ ကိုယ်တော်ရှင်အမြန်ဆုံးကယ်နှုတ်တော်မူပါမည့်အကြောင်း စိတ်နှလုံးတစ်လုံးတစ်ဝတည်းထားပြီး တောင်းဆုပြကြပါစို့။
