 for web4.jpg)
 for web3a.jpg)
2022-01-21 07:59:59
ဇန်နဝါရီလ(၂၂)ရက်(စနေနေ့)
ရှင်မာကု(၃:၂၀-၂၁)
စစ္စတာရ်ထရီဇာ(ISR)
၂၀။ကိုယ်တော်သည်အိမ်သို့ပြန်လာတော်မူ၏။ထိုအခါလူတို့သည်တစ်ဖန်စုဝေးလာကြသဖြင့်ကိုယ်တော်နှင့်တပည့်တော်တို့သည်အစာကိုပင်မစားနိုင်ကြချေ။၂၁။ကိုယ်တော်သည်စိတ်ဖောက်ပြန်လျက်ရှိသည်ဟုလူတို့ကဆိုကြသောကြောင့်ကိုယ်တော်၏ဆွေမျိုးများသည်လည်းကိုယ်တော့်ကိုထိန်းရန်သွားကြ၏။---ပျော်ရွှင်ဖွယ်သောဘဝအဓိပ္ပါယ်များနှင့်ပြည့်ဝစုံလင်သောအသက်တာကိုမိသားစုဝင်များ၏ချစ်ခြင်း၌တည်ရှိသည်ဟုဆိုစမှတ်ရှိကြပါသည်။မိမိ၏ဘဝတာ၌သိနားလည်သည့်ပညာရပ်များဖြင့်အသက်မွေးဝမ်းကြောင်းပြုနေရစဥ်အရွယ်ငယ်နုပျိုချိန်နှင့်ကျန်းမာရွှင်လန်းနေချိန်များ၌အောင်မြင်မှုများ၊အများ၏ချစ်ခင်လေးစားခြင်းများကိုခံစားရမည်မှာအမှန်ပင်ဖြစ်သည်။သို့သော်နာမကျန်းဖြစ်သောအခါ၊အခက်အခဲပြသာနာများနှင့်ကြပ်တည်းဆင်းရဲမှုများနှင့်ကြုံရသောအခါမိသားစုဝင်များသည်သာအနားတွင်ရှိနေပေးနိုင်ကြပေမည်။ယနေ့ကြားနာရသောအသက်ပေးသည့်နှုတ်တော်ထွက်စကားတွင်အခြားသောဘာသာရေးခေါင်းဆောင်များနှင့်မတူသတင်းကောင်းဟောကြားပေးရင်း လူအများ၏လိုအပ်ချက်များကိုဖြည့်ဆည်းပေးကာစားသောက်ရန်အတွက်ပင်အချိန်မပေးနိုင်သောခရစ်တော်သခင်ကိုစိတ်ဖောက်ပြန်နေသည်ဟုဆိုခြင်းကြောင့်ကိုယ်တော်ကိုထိန်းရန်ဆွေမျိုးများသွားကြသည့်အကြောင်းကိုနှုတ်မြွက်ထားပါသည်။မိဘနှစ်ပါး၏မေတ္တာအရိပ်အောက်တွင်လုံခြုံစွာရှိနေရသောသားသမီးများအနေဖြင့်အများ၏အထင်အမြင်လွဲမှားခြင်းခံရသောအခါကျွန်ုပ်တို့ကိုဖေးမကူညီမည့်သူများသည်ကျွန်ုပ်တို့၏မိဘဆွေမျိုးများသာဖြစ်ပေမည်။ယခုကဲ့သို့နာဖျားနေသောကျွန်ုပ်တို့ပြည်အတွက်သက်ဆိုင်သည့်ကျွန်ုပ်တို့သာပူဆွေးသောကရောက်နေကြရပါသည်။မသေချာသည့်မနက်ဖြန်များအတွက်ကြောက်ရွံ့ထိတ်လန့်ခြင်းများနှင့်ရှိနေရသောယနေ့အချိန်အခါများဝယ်မိသားစုကြီးများအဖြစ်အတိဒုက္ခရောက်သောကျွန်ုပ်တို့ကိုလက်ကမ်းကြိုသောသူများရှိနေခြင်းသည်ကျွန်ုပ်တို့၏ကမ္ဘာ၌ချစ်ခြင်းမေတ္တာမခမ်းခြောက်သေးကြောင်းသက်သေပြနေခြင်းပင်ဖြစ်ပေသည်။ဘုရားရှင်ကိုကျွန်ုပ်တို့မေ့လျော့သော်လည်းကျွန်ုပ်တို့ကိုမည်သည့်အခါမျှစွန့်ပစ်မည်မဟုတ်သောသူ၏အနန္တချစ်ခြင်းများသာဖြစ်ပေသည်။-အိုသခင်စိတ်နှလုံးအတွင်း၌ခံပြင်းလှသော်လည်းမာန်လျှော့လျက်ကျွန်ုပ်တို့၏အရာရာကိုကိုယ်တော့်လက်ဝယ်အပ်နှံပါသည်။အလိုတော်အတိုင်းဖြစ်ပါစေသော်။-
