 for web4.jpg)
 for web3a.jpg)
2022-01-24 05:31:56
ဇန်နဝါရီလ၂၅ရက်(အင်္ဂါနေ့)
ရှင်မာကု၁၆:၁၅-၁၈
စစ္စတာရ်ထရီဇာ(ISR)
၁၅။ထို့နောက်ကိုယ်တော်ကသူတို့အားမိန့်တော်မူသည်ကားကမ္ဘာအရပ်ရပ်သို့သွားကြ၍ဝေနေယျသတ္တဝါအပေါင်းတို့အားဧဝံဂေလိတရားတော်ကိုဟောပြောကြလော့။၁၆။ယုံကြည်၍ဆေးကြောခြင်းခံယူသောသူတို့သည်ကယ်တင်ခြင်းခံရလိမ့်မည်။မယုံကြည်သောသူမူကားအပြစ်စီရင်ခြင်းခံရလိမ့်မည်။၁၇။ယုံကြည်သောသူတို့၌ဤနိမိတ်လက္ခဏာများဖြစ်ပေါ်လိမ့်မည်။သူတို့သည်ငါ၏နာမတော်ကိုအမှီပြုလျက်နတ်ဆိုးများကိုနှင်ထုတ်နိုင်ကြလိမ့်မည်။ဘာသာစကားအသစ်များကိုလည်းပြောဆိုကြလိမ့်မည်။၁၈။သူတို့သည်မြွေဆိုးများကိုကိုင်ဖမ်းကြလိမ့်မည်။သေစေနိုင်သောအရာကိုသောက်မိလျှင်လည်း၎င်းသည်သူတို့ကိုဘေးဖြစ်စေလိမ့်မည်မဟုတ်။သူတို့သည်လူနာများအပေါ်၌မိမိတို့လက်ကိုတင်၍ ထိုသူတို့သည်လည်းပြန်လည်ကျန်းမာလာကြလိမ့်မည်ဟုမိန့်တော်မူ၏။"ဤသည်ကား ခရစ်တော်သခင်၏မြတ်သောဧဝံဂေလိတရားတော်ပေတည်း။"သာမန်မိသားစုဝင်များအတွက်လုပ်ငန်းခွင်များ၌အပင်ပန်းခံအနစ်နာခံကြသောသူများရှိသောကြောင့်သာလျှင်မိမိကိုမှီခိုနေသောမိမိနောက်တွင်ရှိနေသောမိသားစုဝင်များစားဝတ်နေရေးဖူလှုံကြရခြင်းဖြစ်ပေမည်။ထိုသို့အဘက်ဘက်အတွက်အသက်သွေးချွေးစွန့်လွှတ်အနစ်နာခံပေးဆက်ကြသောသူများရှိသောကြောင့်သာလျှင်သမိုင်းတစ်ဆစ်ချိုးရခြင်းဖြစ်ပေသည်။နောင်လာနောက်သားများအတွက် ကောင်းမွေ ဆိုးမွေများကို ခံစားနိုင်ရန် ချန်ထားပေးသောသူများမှာတစ်ချိန်ကဘိုးဘွားများဖြစ်သကဲ့သို့ယနေ့ကျွန်ုပ်တို့ပင်ဖြစ်ပါသည်။ယနေ့ကြားနာရသော အသက်ပေးသည့်နှုတ်တော်ထွက်စကားတွင် ခရစ်တော်သခင်မှကယ်တင်ခြင်းသတင်းကောင်းကိုဟောပြောရန်တမန်တော်(၁၁)ပါးတို့မှ စေလွတ်ခြင်းခံရ၍ယုံကြည်ခြင်းကြောင့်ခံစားရမည့်ကျေးဇူးတော်များနှင့်နိမိတ်လက္ခဏာများအကြောင်းကိုနှုတ်မြွက်ထားပါသည်။သတင်းကောင်းအတွက်စွန့်လွတ်ပေးဆက်အနစ်နာခံကြသောတမန်တော်များကြောင့်သာလျှင်၊မိမိတို့တိုင်းပြည်နေရပ်များကိုစွန့်၍တိုင်းတစ်ပါးသို့ သာသနာပြုကြသောသူများကြောင့်သာလျှင်၊မိမိတို့၏ဘဝအသက်တာကိုသတင်းကောင်းအတွက် နေထိုင်ပေးဆက်ကြသောရဟန်းသီလရှင်များနှင့်ဓမ္မဆရာ/မများကြောင့်သာလျှင်ကျွန်ုပ်တို့သည် ကယ်တင်ခြင်းသတင်းကောင်းကိုကြားသိရ၍ ဘုရားရှင်ထံမှယုံကြည်ခြင်းကျေးဇူးတော်ကိုရရှိကြခြင်းဖြစ်ပါသည်။ယနေ့အသွင်သစ်အမြင်သစ်သာသနာပြုခြင်းသည်ယုံကြည်၍ဆေးကြောခြင်းခံပြီးသောဘာသာတူတိုင်း၏လက်ဝယ်ရှိနေပါသည်။ဟောပြော၊ဝတ်ပြု၊သက်သေခံရမည်မှာကျွန်ုပ်တို့၏တာဝန်ပင်ဖြစ်ပါသည်။ရှင်ပေါလု၏အကျင့်တရားပြောင်းလဲခြင်းပွဲနေ့တွင်ဧဝံဂေလိတရားတော်ကိုမဟောပြောရလျှင်ငါ၌အမင်္ဂလာရှိ၏ဟုရှင်ပေါလုမိန့်ဆိုခဲ့သည့်အတိုင်းကျွန်ုပ်တို့သည်ယုံကြည်သူများဖြစ်လျက်နှင့်ခံစားရသောကျေးဇူးတော်များကိုသက်သေခံဟောပြောခြင်းမပြုနိုင်ပါလျှင်အမင်္ဂလာရှိသောသူများမဖြစ်ကြစေရန်အတွက်ဧဝံဂေလိသတင်းကောင်းအတိုင်းနေထိုင်ကြပါစို့။"အိုသခင်တပည့်တော်၏ကောင်းသောအကျင့်ပုံစံအားဖြင့်ကိုယ်တော်ရှင်ကိုသက်သေခံနိုင်စေတော်မူပါ။"
