 for web4.jpg)
 for web3a.jpg)
2022-02-05 06:13:00
ဖေဖေါ်ဝါရီလ(၆)ရက်(ပဉ္စမသာမန်တနင်္ဂနွေနေ့)
ရှင်လုကာ(၅:၁-၁၀)
စစ္စတာရ်ထရီဇာ(ISR)
၁။ကိုယ်တော်သည်ဂျေနားဇရက်အိုင်အနီးတွင်ရပ်နေတော်မူစဉ်လူအစုအဝေးတို့သည်ဘုရားသခင်၏နှုတ်တော်ထွက်စကားကိုကြားနာခြင်းငှာအထံတော်သို့တိုးဝှေ့လာကြ၏။၂။ကိုယ်တော်သည်လည်းကမ်းနားတွင်ဆိုက်ကပ်ထားသောလှေနှစ်စင်းကိုမြင်တော်မူ၏။တံငါသည်တို့မူကားလှေများပေါ်မှဆင်းကြပြီးလျှင်မိမိတို့၏ပိုက်ကွန်များကိုဆေးလျက်နေကြ၏။၃။ထိုအခါကိုယ်တော်သည်လှေနှစ်စင်းရှိသည့်အနက်စီမွန်၏လှေပေါ်သို့တက်၍လှေကိုကမ်းမှအနည်းငယ်ခွာစေပြီးနောက်ထိုင်လျက်လူအစုအဝေးတို့ကိုလှေပေါ်မှသွန်သင်တော်မူ၏။၄။ထိုသို့သွန်သင်တော်မူပြီးသောအခါကိုယ်တော်ကရေနက်ရာသို့ရွှေ့လော့၊ငါးဖမ်းရန်သင်တို့၏ပိုက်ကွန်များကိုချကြလော့ဟုစီမွန်အားမိန့်တော်မူ၏။၅။စီမွန်ကလည်းဆရာသခင်၊အကျွန်ုပ်တို့သည်တစ်ညလုံးကြိုးစားပါသော်လည်းငါးတစ်ကောင်ကိုမျှမဖမ်းမိခဲ့ကြပါ။သို့ရာတွင်ကိုယ်တော်အမိန့်ရှိသည့်အတိုင်းပိုက်ကွန်ကိုအကျွန်ုပ်ချပါမည်ဟုပြန်၍လျှောက်လေ၏။၆။ထို့နောက်သူတို့သည်အမိန့်တော်အတိုင်းပြုကြသောအခါများစွာသောငါးတို့ကိုဖမ်းမိသဖြင့်ပိုက်ကွန်တို့မှာစုတ်ပြဲစပြုလေ၏။၇။ထို့ကြောင့်သူတို့သည်အခြားသောလှေတစ်စင်းပေါ်ရှိမိမိတို့၏အဖော်များအားမိမိတို့ကိုလာ၍ကူညီစေခြင်းငှာအချက်ပြ၍ခေါ်ကြ၏။ထိုသူတို့သည်လည်းလာကြ၍လှေနှစ်စင်းလုံး၌ငါးများဖြင့်ပြည့်စေသဖြင့်လှေတို့သည်နစ်လုမတတ်ရှိလေ၏။၈။စီမွန်ပေတရုမူကားထိုအခြင်းအရာကိုမြင်လျှင်ယေဇူး၏ခြေတော်ရင်း၌ပျပ်ဝပ်လျက်သခင်ဘုရား၊အကျွန်ုပ်ထံမှကြွသွားတော်မူပါ။အဘယ်ကြောင့်ဆိုသော်အကျွန်ုပ်သည်အပြစ်ရှိသောသူဖြစ်ပါသည်ဟူ၍လျှောက်လေ၏။၉။အကြောင်းမူကားစီမွန်မှစ၍သူနှင့်အတူရှိသောသူအပေါင်းတို့သည်ဖမ်းမိသောငါးများကြောင့်အံ့အားသင့်လျက်ရှိကြသောကြောင့်ဖြစ်၏။၁၀။ထိုနည်းတူပင်စီမွန်၏အဖော်များဖြစ်ကြသောဇေဘေဒေးဦး၏သားယာကုပ်နှင့်ယောဟန်တို့သည်လည်းအံ့ဩကြ၏။ယေဇူးကလည်းကြောက်ရွံ့ခြင်းမရှိကြနှင့်။ယခုမှစ၍သင်တို့သည်လူကိုဖမ်းကြရလိမ့်မည်ဟုစီမွန်အားမိန့်တော်မူ၏။"လေပေါ်၌တိုက်ဆောက်ရခြင်းသည်ကြီးကျယ်ခမ်းနားလှ၍ကြည်နူးစရာအပြည့်ဖြစ်နေတတ်ပါသည်။စိတ်ကူးယဉ်ခြင်းသည်လက်တွေ့ထက်ဇိမ်ကျလှပေသည်။သို့သော်ဘဝသည်ဖန်သားပြင်ပေါ်တွင်မြင်နေရသည့်ဇါတ်ညွန်းဆရာ၏ဘဝကိုအလှကွန့်ထားသည့်ဇါတ်ကွက်များမဟုတ်ပါသောကြောင့်ပေးဆက်အစေခံအနစ်နာခံတတ်သောနှလုံးသားဖြင့်ဇါတ်ညွန်းဆရာဘုရားရှင်၏အလိုတော်အတိုင်းထမ်းရွက်မှသာအနက်အဓိပ္ပါယ်များနှင့်ပြီးပြည့်စုံသည့်ဘဝကိုရရှိပေမည်ဖြစ်သည်။ယနေ့ကြားနာရသောအသက်ပေးသည့်နှုတ်တော်ထွက်စကားတွင်ဝါရင့်တံငါသည်များ၏တစ်ညလုံးကြိုးစားသော်လည်းငါးမရခဲ့ခြင်းတွင်ဆရာသခင်၏ရေနက်နာသို့ရွှေ့၊ပိုက်ကွန်ကိုချဟူ၍မိန့်တော်မူသောစကားအတိုင်းပြုမူသောအခါလှေနှစ်စင်းလုံးနစ်လုမတတ်ငါးများရသည့်အကြောင်းနှုတ်မြွက်ထားပါသည်။ယနေ့စိန်ခေါ်မှုများနှင့်အန္တာရာယ်များလွန်းလှသည့်ရေနက်ပိုင်းသို့ရွှေ့ရန်နေရာများစွာရှိနေပါသည်။ကျွန်ုပ်အနေဖြင့်လည်းအကြောင်းအမျိုးမျိုးကြောင့်အခြားနေရာသို့ရောက်ရှိနေပါသော်လည်းသောကပင်လယ်တွင်နစ်လုမတတ်ဖြစ်နေသောသူများထံသို့ပြန်သွားချင်လှပါသည်။ပြုလုပ်နိုင်သောအရာများနည်ပါးနေမည်ဖြစ်သော်လည်းသူတို့နှင့်အဖေါ်ပြုပေးနေချင်ပါသည်။ကျွန်ုပ်၏စိတ်ကူးယဉ်ကမ္ဘာသည် မျော်လင့်ချက်များဖြင့်ရှင်သန်နေပါသည်။သို့သော်ကျွန်ုပ်၏စိတ်ကူးနှင့်လက်တွေ့သည်ကွာခြားနေပါသေးသည်။လူကကြံ၊ဘုရားကဖန်ဟုဆိုတတ်ကြသော်လည်းဘုရားကိုဗဟိုပြုရန်မေ့လျော့နေပြန်ပါသည်။မိမိ၏တတ်ကျွမ်းသိသည့်အရာများကိုဘုရား၏အလိုတော်အတိုင်းအသုံးတော်ခံပါလျင်ကိုယ်တော်ရှင်၏ဘုန်းဂုဏ်တော်ကိုသာ၍ချီးမွမ်းနိုင်ပေမည်။စိန်ခေါ်မှုများနှင့်လူ့ဘဝအသက်တာတွင်ကျွန်ုပ်တို့ကိုအသုံးပြုတော်မူပါမည့်အကြောင်းကျွန်ုပ်တို့၏ဖြစ်တည်မှုများကိုကိုယ်တော်၏လက်တော်သို့အပ်နှံပါလျင်လူကိုဖမ်းသောတံငါများကျွန်ုပ်တို့ဖြစ်ကြပေမည်ဖြစ်သည်။“အိုသခင်ကျွန်ုပ်သည်အပြစ်သည်ဖြစ်ပါသည်။”
