 for web4.jpg)
 for web3a.jpg)
2022-03-07 08:31:57
၀ါတွင်းကာလ ပထမပတ်အဂ်ါနေ့၏ကျမ်းစာထောက်ရူချက်
သံမာတေဦး ၆း၇-၁၅၊
ဖာသာရ် ကလေးမင်းအားတယ်
Posted by Sr.B.Myat Hnin Nwe(I.S.R.)
ဆုတောင်းတတ်သူများအဖို့ အလွန်လွယ်သော ၀ိညာဉ်ရေး၀တ္တရားတစ်ပါးဖြစ်သည်။ဆုတောင်းတတ်သူအဖို့ဆုတောင်းခြင်းကိုရှည်သွားမည်ကိုလည်းမပူရ။တိုသွားမည်ကိုလည်းတွေးနေရန်မလို။ဆုတောင်းသည့်အခါ မှားမည်လောဟုလည်းစိုးရိမ်ရန်မလို။ဆုတောင်းခြင်းကို လွတ်လပ်ပျော်ရွှင်စွာ၊ စိတ်အားထက်သန်စွာ၊ စိတ်ပါ၀င်စားစွာပြု ကြသည်။ဆုမတောင်းတတ်သူများသည် ဆုတောင်းရသည်ကို အလွန်ပူပန်တတ်ကြသည်။ အဘယ်သို့ဆုတောင်းရမည်၊ မည်သည့်အချက်အလက်များထည့်သွင်းရမည်၊ တိုလွန်းလေမလား၊ ရှည်လွန်းလေမလား၊မည်သည့်အချိန်၊မည်သည့်နေရာ၊အဘယ်သို့သောကိုယ်နေဟန်ထားများဖြင့်ဆုတောင်းရမည်တို့ကိုတွေး၍ပူနေတတ်သည်။အချို့ကား ဘာမျှမလို၍ ဘာဆုမှတောင်းရန်မလိုဟုဆိုတတ်သော ပညာမဲ့လူမိုက်များလည်းရှိသည်။ ထိုသို့ပြော ဆိုနေသည်မှာသူ၌စိတ်ပိုင်းဆိုင်ရာ၊၀ိညာဉ်ပိုင်းဆိုင်ရာကျန်းမာခြင်းလိုအပ်နေပေပြီ။ဤသို့ပြောဆိုသောသူသည် စိတ်လွတ်နေပြီ။လူတိုင်းသည် စက္ကန့်မလပ် ဆုများလိုအပ်သည်။အသက်ရူရန်လေ၊သောက်ရန်ရေ၊အစားအစာများသည်လူတို့နေ့စဉ်ဘ၀၌ မရှိမဖြစ်အခြေခံလိုအပ်ချက်များဖြစ်သည်။ထို့ကြောင့်လည်းယေဇူးသခင်သည် သူ၏တိုတောင်းလှ သောဆုတောင်းမေတ္တာဖြစ်သည့် ‘ကောင်းကင်ဘုံ’ ဆုတောင်းမေတ္တာ၌ပင်လျှင် အစားအစာနှင့်ပတ်သက်၍ ‘နေ့စဉ်မ ပြတ်လိုအပ်သောအစားအစာ’ ကိုပေးသနားရန်ထည့်သွင်းဆုတောင်းထားသည်။ဆုတောင်းခြင်းအဘယ်မျှအရေးသည်၊မကြီးသည်ကိုယေဇူးသခင်ကိုကိုယ်တိုင်ဆုတောင်းရန်သင်ကြားသည် ကိုကြည့်ခြင်းဖြင့်သိနိုင်သည်။ဆုတောင်းရာ၌ထားရှိရမည်စိတ်နေသဘောထားကား မိသားစုစိတ်ဓာတ်၊ညီအစ်ကို မောင်နှမစိတ်ဓာတ်မွေးရန်ဖြစ်သည်။ဆုတောင်းမေတ္တာ၏အစ၌`ကောင်းကင်ဘုံ၌ ကိန်း၀ပ်တော်မူသော ကျွန်ုပ်တို့၏ အဖ’ ဟုအချီထားသည်ကိုဆင်ခြင်လျှင်သိနိုင်ပါသည်။ထိုသို့မိသားစုစိတ်ဓာတ်မွေးနိုင်ခြင်း၊ညီအစ်ကိုမောင်နှမစိတ်မွေးနိုင်ခြင်းသည်ဘုရားသခင်၏နိုင်ငံတော်ဖြစ်သည်။ ထိုနိုင်ငံတော်ကြီးကို မြေပေါ်၌လည်းပြည့်စေရန်မှာဘုရားသခင်၏အလိုတော်ဖြစ်သည်။ဆုတောင်းသူသည် လောဘလည်းကင်းသည်။ ယေဇူးသခင်သည် ‘နေ့စဉ်မပြတ်လိုအပ်သလောက်သာပေးရန်’သင်ကြားထားသည်။ဆုတောင်းသူသည် အငြိုးအတေးများလည်းကင်စင်သည်။ခွင့်လွတ်နိုင်သည်။အပြစ်လည်းကင်စင်ပြီး၊မပြစ်မကောင်းမှု၊နှောက်ယှက်ခြင်းများမှလည်းရုန်းထွက်နိုင်သည်။မပါ၀င်ရန်အမြဲသတိရှိသည်။ (သံမာတေဦး ၂၆း၄၀-၄၁)
ဆုတောင်းခြင်းသည် အချိန်ဖြုန်းသည်၊ ကိုယ်လုပ်မှကိုယ်ရသည်ဖြစ်၍ ဆုတောင်းရန်မလိုဟု ဘာသာရေးအတွေးချောနေသူများအဖို့လည်းဆုတောင်းပေးကြစို့။ကျွန်ုပ်တို့ကိုယ်တိုင်လည်း အကျိုးရှိပြီး၊ ထိရောက်စွာဆုတောင်းကြ ပါစို့။
