 for web4.jpg)
 for web3a.jpg)
2022-03-20 11:08:13
၀ါတွင်းကာလတနလာနေ့၏ကျမ်းစာထောက်ရှုချက်
သံလုကာ ၄း၂၄-၃၀၊
Rev.Fr. Cle Pike
Posted by Sr. B. Myat Hnin Nwe(I.S.R.)
၀ါတွင်းကာလတတိယပတ်တနဂ်နွေနေ့ကဖတ်ကြားထောက်ရှုခဲ့သော ကျမ်းသုံးစောင်လုံးသည် နောင်တတ ရားအကြောင်းဖြစ်သည်။ပထမကျမ်း၌ မိုးဇက်သည် ဘုရားသခင်စေလွှတ်သောအီဂျစ်ပြည်သို့မသွားလို၍အကျောက်အကန်ငြင်းခဲ့သော်လည်း နောက်ဆုံး၌ စိတ်ထားပြောင်း၍ ဘုရားသခင်၏အလိုကိုဖြည့်ဆည်းခဲ့သည်။ဒုတိယကျမ်း၌လည်းယခင်ဘုရားသခင်၏တရားတော်ကိုမသိမီက အဘယ်သို့ရှင်သန်ခဲ့စေကာမှုယခုတမန်တော်ကြီးတို့၏ဟောကြားမှုများကြောင့် တရားတော်ကိုသိလာရပြီးနောက်လုံး၀ဦးပြန်မလှည့်ရန်သံပေါလုကသူ၏ကော်ရိန့်သုဘာသာတူများအားတိုက်တွန်းခဲ့သည်။ဆိုလိုသည်မှာစစ်မှန်သောနောင်တသည်ယခင်အပြစ်နွံထဲပြန်မကျရန် ကြိုးစားရှောင်ရှားလေ့ရှိသည်ကိုတရားပြထားသည်။ဧ၀ဂေလိကျမ်းစာ၌မှု နောင်တယူခြင်းသည် မိမိ၏ကယ်တင်ခြင်းအတွက် အဘယ်မျှအရေးကြီး ကြောင်း၊ သူတစ်ပါး၏ပျက်စီးခြင်းကိုသာကြည့်၍သူများကိုသနားစုပ်သတ်နေရန်မဟုတ်ကြောင်း၊တစ်ခါတစ်ရံ၌ သူ တစ်ပါးကိုသာကြည့်ပြီးမိမိကိုယ်မိမိအသိ၀င်ရန်မေ့နေတတ်ကြောင်း၊ နောင်တမရက အသက်ရှင်နေ သူများ၏ပျက်စီးခြင်းသည်ပို၍ကြီးမားကြောင်း၊အဘယ်ကြောင့်ဆိုသော်ရှင်နေသူများသည် နောင်တမရပါက ဆက်လက်၍အပြစ်ကျူးလွန်နိုင်သေးကြောင်းယေဇူးသခင်ကသတိပေးခဲ့သည်။ယနေ့ဖတ်ရူသောဧ၀ဂေလိကျမ်းတော်မြတ်၌လည်းယေဇူးသခင်သည် အတိတ်ကရင်နာစရာအဖြစ်အပျက်များကိုပြန်လည်ပြောပြ၍ပြင်သင့်သည်ကိုပြင်ကြရန်၊မြင်သင့်သည်ကိုမြင်ကြရန်၊ဆင်သင့်သည်ကိုဆင်ရန်ကျမ်းစာလာအချက်အလက်အတိအကျဖြင့်ထောက်ပြတရားချနေပါသည်။အီစ္စရေးလူမျိုးတို့သည်မာနထောင်လွှားလွန်းသောကြောင့် မိမိတို့အရပ်ဒေသရှိအလွန်အစွမ်းတန်ခိုးကြီးမားသောအခွင့်အာဏာကိုရထားသည့်ဘုရားသခင်၏ပရောဖက်ကိုအရေးမလုပ်။အခြားသောနတ်ဘုရားများနောက်ကိုသာလိုက်ပါသွားကြသည်။ယေဇူးသခင်သည် ထိုအမှားမျိုးကိုဆက်လက်မမှားစေလိုတော့ပေ။ယေဇူးသခင်သည်ပရောဖက်ဧလိယထက် လည်းကောင်း၊ပရောဖက်ဧလိယ၏တပည့်ဖြစ်သောပရောဖက်ဧလိဇေဦးထက်လည်းကောင်းကြီးမားသူဖြစ်ကြောင်းကိုပြောပြ၍ ခိုင်မာသောစိတ်နှလုံးမရှိကြတော့ရန်မိန့်ကြားသည်။ယေဇူးသခင်၏မိန့်ကြားချက်ကိုနားထောင်နေသောလူအုပ်ကြီးသည်နောင်တယူမည့်အစား၄င်းတို့အားအရှက်ရစေသည်ဟုဆိုကာ မြို့တည်ရာတောင်ထိပ်စွန်းမှတွန်းချရန်အထိပင်ကြံစည်ခဲ့သည်။နောင်တ တရားယူတတ်သူသည် ယုံကြည်ခြင်းရှိသူဖြစ်သည်။ယုံကြည်ခြင်းရှိသူသည်နှိမ့်ချသည်။
အိုသခင်၊တပည့်တော်တို့အားကိုယ်တော်၏ဗျာဒိတ်တော်အသံကိုကြားရပြီးတောက်ခိုင်မာသောစိတ်နှလုံးမထားမိစေရန်ပြုပြင်ပေးတော်မူပါ။
