 for web4.jpg)
 for web3a.jpg)
2022-03-31 09:03:37
(ဧပြီလ၁ရက်)ဝါတွင်းကာလစတုတ္ထပတ်သောကြာနေ့၏ကျမ်းစာထောက်ရူချက်
သံယောဟန်(၇၁-၂၊၁၀၊၂၅-၃၀)
ဖာသာရ်ကလဲမင့်အားတယ်
Posted by Sr.Theresa(ISR)
အမိကက်သလစ်သာသနာတော်ကြီးသည်ဒုတိယဗာတီကန်အစည်းအဝေးကြီးမတိုင်မီကတနင်္ဂနွေနေ့၌ကိုယ်တော်မြတ်ကိုထိုက်တန်ရိုသေစွာပင့်ယူနိုင်ရန်အတွက်စနေ နေ့ညညစာစားပြီးသည်မှစ၍နောက်တစ်နေ့ကိုယ်တော်ပင့်ယူပြီးချိန်အထိမည်သည့်အဖတ်၊မည်သည့်အရည်မျှမစားမသောက်ဘဲဝါရှောင်ရန်သတ်မှတ်ကျင့်သုံးခဲ့သည် ။ဤသို့သတ်မှတ်ရခြင်းမှာမိမိတို့ပင့်ယူမည့်ကိုယ်တော်မြတ်နှင့်မိမိတို့စားထားသောအစားအစာများကိုမရောနှောစေရန်ဖြစ်သည်။ထိုသို့ရောနှောသွားခြင်းဖြင့်အလွန်သန့်ရှင်းစင်ကြယ်သောကိုယ်တော်မြတ်ကိုမရိုမသေပင့်ယူသကဲ့သို့ဖြစ်မည်စိုး၍ဖြစ်သည်။အမိကက်သလစ်သာသနာတော်ကြီး၏ပါစကားကာလသည်ဝါတွင်းကာ လ(၆)ပတ်တာကြာပြီး၊ပါစကားကာလမှာရက်ပေါင်း(၅၀)ကြာသည်။ဝါတွင်းကာလမှသည်ပါစကားကာလကုန်ဆုံးသည်အထိစုပေါင်းတွက်ကြည့်လိုက်မည်ဆိုလျှင်(၃)လနီးပါးကြာသည်။အဘယ်ကြောင့်ဤမျှကြာရသနည်း။ပါစကားကာလသည်ယုံကြည်ခြင်း၏အထွတ်အထိပ်ဖြစ်သည်။အဘယ်ကြောင့်ဆိုသော်ယေဇူးသခင်သည်သေခြင်းမှရှင်ပြန်သောပထမဦးဆုံးသီးဦးဖြစ်သည်။သူ၏ရှင်ပြန်ထမြောက်ခြင်းသည်သူ့အားယုံကြည်သူအားလုံးအားလည်းရှင်ပြန်စေမည့်ကတိနှင့်သက်သေဖြစ် သည်။(သံယောဟန်၁၁:၂၅-၂၇)အရေးကြီးသောကာလဖြစ်၍အကောင်းဆုံးပြင်ဆင်ရန်လိုသည်။ထို့ကြောင့်ပါစကားကာလကိုအခြားသောအချိန်ထက်ပို၍ပြင်ဆင်ချိန်ပေးထားခြင်းဖြစ်သည်။ယနေ့ဖတ်ရူသောဧ၀ဂေလိကျမ်းစာ၌ယေဇူးသခင်သည်ဂျေရုဆလင်သို့မထင်မရှားသွားရရှာသည်။ယေဇူးသခင်ဂျေရုဆလင်သို့သွားရခြင်းမှာဂျူးဘာသာ၀င်တို့၏ဘုရားဖူးပွဲတော်(၃)ပါးရှိသည့်အနက်တစ်ပါးဖြစ်သော‘တဲတော်’ပွဲ၏၀တ္တရားကိုဖြည့်ဆည်းရန်ဖြစ်သည်။ဤပွဲတော်သည်လည်းဂျူးဘာသာ၀င်တို့အတွက်အရေးကြီးသောပွဲတော်တစ်ပါးဖြစ်သည်။ဤမျှအရေးကြီးသောပွဲတော်ကို အကောင်းဆုံးကျင်းပရန်အတွက်ပြင်ဆင်မည်ဟုမစဉ်းစားကြ။၄င်းတို့သည်ယေဇူးသခင်ကိုသတ်ရန်ကြံနေကြသည်။ကောင်းမှုပြုရန်မဟုတ်။မကောင်းမှုပြု၍ပွဲတော်ကိုခံရန်ကြံနေကြသည်။၄င်းတို့အတွက်ပွဲတော်ကိုဆင်နွှဲခြင်းသည်၀တ္တရားတစ်ပါးကိုဖြည့်ဆည်းရုံသက်သက်ဖြစ်သည်။ဘုရားအာရုံပြုရန်ထက်ယေဇူးသခင်ပွဲတော်သို့လာမလာသည်ကိုသာအာရုံစားဂယက်ထနေကြသည်။ကျွန်ုပ်တို့လည်းယေဇူးသခင်သေခြင်းမင်းကိုအောင်မြင်၍ရှင်ပြန်သောပွဲတော်ကြီးကျင်းပရန်အလွန်နီးကပ်နေပေပြီ။ပြင်ဆင်လာခဲ့သည်မှာလေးပတ်ပင်မြောက်ခဲ့ပြီ။တရားနှင့်နီးနေပြီလော။အသင့်ဖြစ်နေပြီလော။မကောင်းမှုကိုလည်းကောင်း၊သူ၏ဆိုးကျိုးကိုလည်းကောင်း အမှန်တကယ်သိပြီလော။သို့မဟုတ်အမိသာသနာတော်ကြီးကသတ်မှတ်ပေးထား၍သာပါစကားတနင်္ဂနွေနေ့ကျရောက်လာလျှင်ဘုရားကျောင်းတက်၍ကိုယ်တော်မြတ်ပင့်ရုံမျှလော့။ဤမျှအရေးကြီးသောရက်ကြီးအခါကြီးကိုပေါ့ပေါ့တန်တန်ဖြတ်သန်းကုန်ဆုံးစေတော့မည်လော။“အိုသခင်၊တပည့်တော်တို့အားဖာရီဇေဦးနှင့်ဟေရုဒ်ဒီယားစ်တို့၏တဆေးကိုရှောင်နိုင်စေရန်ကူညီတော်မူပါ။”
