 for web4.jpg)
 for web3a.jpg)
2022-04-04 10:59:14
၀ါတွင်းကာလ Tuesday Gospel Reflection
သံယောဟန် ၈း၂၁-၃၀၊
Rev.Fr. Cle Pike
Posted by Sr.B.Myat Hnin Nwe(I.S.R)
ယေဇူးသခင်သည် နောက်ဆုံးညစာစားနေစဉ်တပည့်တော်ကြီးများအား သွန်သင်ရင်းမိန့်တော်မူသည်မှာ‘ငါ သည်သင်တို့အား ပညတ်အသစ်ကိုပေးသည်ကား သင်တို့အချင်းချင်းချစ်ကြလော့။သင်တို့ကိုငါချစ်သကဲ့သို့ သင်တို့ဟုသည်လည်း အချင်းချင်းချစ်ကြလော့’ မိန့်တော်မူသည်။(သံယောဟန် ၁၃း၃၄)ယေဇူးသခင်၏ပညတ်တော်များမှာအမှန်ဆိုရသော ပညတ်တော်အသစ်မဟုတ်ပေ။ရှေးကာလကပင်ရှိနေသောပညတ်တော်များဖြစ်သည်။သို့သော် လူတို့သည် မိမိတို့အတွက်အဆင်ပြေရာပြေကြောင်းပြုပြင်ပြောင်းလဲ၍ သွန်သင်ရာမှနောက်ဆုံး၌ မူလပညတ်တော်နှင့်ကွဲလွှဲလာခဲ့သည်။အဘယ်ကြောင့်ဆိုသော် လင်မယားကွာရှင်းမှုနှင့်ပတ်သက်၍ အစ၌လူကိုဖန်ဆင်းသောအရှင်သည် ယောကျာ်းနှင့်မိန်းမကိုဖန်ဆင်းခဲ့၏။ယောကျာ်းသည်မိမိ၏မိဘအိမ်ကိုစွန့်ခွာ၍ မိမိ၏ဇနီးနှင့်ပေါင်းသင်းနေထိုင်ရသည်။သို့ သော်နောက်ပိုင်း၌မှု လူတို့၏စိတ်နှလုံးခက်ထန်ခြင်းကြောင့် မိုးဇက်ကမိမိ၏ဇနီးနှင့်ကွာရှင်းစာချုပ်ပေး၍စွန့်ခွာနိုင် ကြောင်းဖြင့်ဆုံးဖြတ်ပေးခဲ့သည်။ထိုဆုံးဖြတ်ချက်သည် အီစ္စရေးအမျိုးသားများအတွက် အလွန်ဘ၀င်ကျဖွယ်ရာဖြစ်သောကြောင့် အစမူလကဘုရားသခင် ၏ပညတ် ချက်များကိုအလေးမထားတော့ဘဲ မိမိတို့အတွက် အဆင်ပြေရာကိုသာ ဘုရားသခင်၏ပညတ်တော်အဖြစ် သတ်မှတ်ကျင့်သုံးလာခဲ့သည်။
ထိုသို့ကျင့်သုံးလာခဲ့သော နှစ်ကာလသည်နှစ်ပေါင်းထောင်ချီလာခဲ့သည်။ယေဇူးသခင်လူ့အဖြစ်ကိုခံယူ၍ အချိန် တန်အရွယ်ရောက်လာသောအခါ မနားမနေဟောကြားသောတရားများသည် ကမ္ဘာဦးအစက ထာ၀ရဘုရားသခင်ပေးခဲ့သည့် ဆိုလိုရင်းအတိုင်း မတိမ်းမစောင်းဘဲသင်ပြဟောကြားသောအခါယနေ့ဖတ်ကြားသောဧ၀ဂေလိတရားတော်လာကျမ်းစကားဖြစ်သော‘ငါသည်သွားမည်။သင်တို့သည် ငါ့ကိုရှာကြလိမ့်မည်။သို့ရာတွင်သင်တို့သည် မိမိတို့၏အပြစ်ဒုစ ရိုက်၌သေကြလိမ့်မည်။ငါသွားသောအရပ်သို့ သင်တို့လာနိုင်ကြလိမ့်မည်မဟုတ်’ ဟုမိန့်တော်မူသည်။အဘယ်အကြောင့် အီစ္စရေးလူမျိုးတို့သည် ၄င်းတို့၏အပြစ်ထဲ၌သေကြမည်နည်း။၄င်းတို့၏မာကျောသောနှလုံးသားကိုပြုပြင်ရန်ခက်ခဲသောကြောင့် ရှေးယခင်ကအတိုင်းသာယုံကြည်ကျင့်ကြံကြသည်။ယခင်ယေဇူးသခင်မကြွရောက်မီက တရားများလွှဲခဲ့ကြ သော်လည်းဘုရားသခင်သည် ခွင့်လွှတ်ခဲ့သည်။ သို့သော် ယခုယေဇူးသခင်ကိုယ်တော်တိုင်ကြွ၍ တရားအမှန်ကိုသင် ကြားပြသ၏။သို့သော် နောင်တမရနိုင်။မပြုပြင်နိုင်သောကြောင့် ၄င်းတို့၏အပြစ်ဒုစရိုက်ထဲ၌သာ မာကျောခက်ထန် သောစိတ်နှလုံး၌သေကြေကြလိမ့်မည်။ အဘယ်ကြောင့်ဆိုသော် ၄င်းတို့သည် မိမိတို့ကိုယ်ကို ဖြောင့်မတ်သောသူများဟု သတ်မှတ်ဂုဏ်မောက်နေကြသည်။ယေဇူးသခင်သည် အပြစ်ရှိသောသူများကိုခေါ်ရန်လာခြင်းဖြစ်သည်။ (သံမာတေဦး ၉း၁၃ခ)
အိုသခင်၊ တပည့်တော်တို့အား နောင်တယူ၍ ဧ၀ဂေလိတရားတော်ကိုယုံကြည်နိုင်စေတော်မူပါဘုရား (သံမာကု ၁း၁၅)
