 for web4.jpg)
 for web3a.jpg)
2022-04-07 07:54:55
5th Week of Lent-Friday
Jn. 10:31-42
Rev. Fr. Cle Pike
Posted by Sr. B.Myat Hnin Nwe (I.S.R.)
ဂျူးလူမျိုးတစ်ဦးဖြစ်သော ယေဇူးသခင်သည် ကားစင်တင်၍အသတ်ခံရသည့် စီရင်ချက်ကား အလွန်ဆိုးရွားပြင်းထန်လှသောပြစ်ဒဏ်ဖြစ်သည်။လူ့ဂုဏ်သိက္ခာမဲ့လှသည်။ဤကဲ့သို့သော်ပြစ်ဒဏ်ကို ရာဇ၀င်လူဆိုးများအားသာချမှတ်သော နောက်ဆုံးနှင့်အကြီးလေးဆုံးစီရင်ချက်ဖြစ်သည်။ဂျူးလူမျိုးတို့သည် မျိုးချစ်စိတ်အလွန်ပြင်းထန်သည်ဟုမှတ်သားခဲ့ဖူးပါသည်။သို့သော်မေတ္တာမဲ့လာလျှင်သော် လည်းကောင်း၊အမုန်းတရားကြီးစိုးလာလျှင်သော်လည်းကောင်း မျိုးချစ်စိတ်ပျောက်ရုံမကဘဲ လူစိတ်ပါပျောက်ရှကုန်ကြသည်။လူစိတ်ပါပျောက်ရှရုံမကဘဲ ဘုရားသခင်၏ တထူးတခြားရွေးကောက်ခံထားရသောလူမျိုးတော်ဆိုသည်ကိုပင်မေ့ပျောက်ကုန်သည်။သာမန်လူမျိုးစုတစ်စုမျှသာ သဘောထားနိမ့်ကျစွာလုပ်ဆောင်တတ်သည်။၄င်းတို့အတွက် လူ့အသက်ကိုကယ်ရန်၊လူ့ဂုဏ်သိက္ခာကိုလေးစားရန်ထက် ဘာသာတရားသည်အဓိကဖြစ်ဟုခံယူကြသည်။လူ့အသက်၊ လူ့ ဂုဏ်သိက္ခာကိုမငဲ့၊မကယ်တတ်ချင်းသည် မိမိတို့၏ဘာသာရေး၀တ္တရားဖြည့်ဆည်းခြင်းသည်ကျိုးကြောင်းတရားမဲ့လှ သည်ဟုမခံယူပေ။ယေဇူးသခင်မှာမှု လူ့အသက်ကို ဥပုသ်နေ့ထက်တန်ဖိုးထားသည်။ ထို့ကြောင့် ယေဇူးသခင်သည် ကုသမှုပြုရန်အ ကြောင်းသင့်နေပါက ဥပုသ်နေ့ဖြစ်သော်ငြားလည်းမရှောင်။ ကုသမှုကိုပြုပေးသည်။ ယေဇူးသခင်သည် ဥပုသ်နေ့၌ လက်တစ်ဖက်သေနေသူကိုလည်းကောင်း(သံမာတေဦး ၁၂း၉-၁၁၊ သံမာကု ၃း၁-၆)၊မသန်စွမ်းသောအမျိုးသမီးတစ်ဦး၏ေ၀ဒနာကိုလည်းကောင်း (သံလုကာ ၁၃း၁၄)၊(၁၈)နှစ်ကြာရောဂါခံစားနေခဲ့ရသောအမျိုးသမီးတစ်ဦးကိုလည်း ကောင်း (သံလုကာ ၁၃း၁၀-၁၇) ကုသပေးခဲ့သည်။ယေဇူးသခင်သည် ဥပုသ်နေ့၌တားမြစ်ထားသောအမှုဖြစ်သည့် ဂျုံ နှံကိုခူး၍စားကြသည်ကိုလည်း မိမိ၏တပည့်တော်ကြီးတို့အား တားမြစ်ခြင်းမပြုလုပ်ခဲ့ပေ။ အဘယ်ကြောင့်ဆိုသော် အရေးပေါ်အခြေအနေ၌ လူ့အသက်သည် စည်းကမ်းဥပဒေထက်အရေးကြီးသည်။ ယေဇူးသခင် ကောင်းသောဆမာရီ တန်ဥပမာ၌ ယေဇူးသခင်သည် ဆမာရီတန်၏လုပ်ရပ်ကို ဘုရားသခင်၏တရားတော်နှင့်ညီလျှော်သောအမှုဟုမိန့်ကြား ပြီး၊ ထိုနည်းတူပြုရန်ပင်တိုက်တွန်းထားသည်။(သံလုကာ ၁၀း၂၅-၃၇)ယနေ့ဧ၀ဂေလိကျမ်းစာတော်မြတ်၌ ဂျူးလူမျိုးတို့သည် ယေဇူးသခင်၏မိန့်ကြားချက်ကိုကြားလိုက်ရသောအခါ ယေဇူးသခင်အား ခဲဖြင့်ပေါက်သတ်ရန်ကောက်ကြ၏။၄င်းတို့အတွက် သွေးသည်လူ့အသက်ဖြစ်သည်ဟုယုံကြည်ကွ သည်။(၀တ်ပြူရာကမြျး ၁၇း၁၁) အသက်ကိုပေးပိုင်ချင်၊ရုတပိုငျခှငျ့သည် ဘုရားတစျပါးတညျးသာအစိုးရသညျ။ သှေး ကိုပငျမထိ၊ မစားပါဘဲလြှကျ လူ၏အသကျကိုမှုသတျရနျတကဲကဲလုပျဆောင်နေသည်မှာ အတော်တရားမဲ့သောလုပ်ရပ် ဖြစ်ပါသည်။ယေဇူးသခင်သည် သာမန်လူသားတစ်ဦးလေလား။လူ့အဖြစ်ကိုခံယူထားသောဘုရား၏သားတော်လေလား ဆိုသည်ကိုမူ သမ္မာကျမ်းစာများ အာဂုဏ်ဆောင်နိုင်သော ကျမ်းတတ်ဆရာများမသိရခြင်းမှာအံ့ဩဘနန်းပင်။ လုံး၀မသိ ၍လော။ ယေဇူးသခင်ကို အသေသတ်ရန်ကြံစည်ခြင်းလော။ဘုရားသခင်၏ဗျာဒိတ်တော်ကိုခံရသောသူတို့ကိုပင် ဘုရား များဟုခေါ်ကြကြောင်း ကျမ်းစာထဲ၌ဖော်ပြထားသည်။ သို့ဖြစ်လျှင် ယေဇူးသခင်သည် ဘုရားသခင်နှစ်သက်မြတ်နိုးသော ဘုရား၏ချစ်သားတစ်ပါးအနေဖြင့် ဘုရား၏သားတော်ဟုသုံးနှုန်းသည်မှာ မှန်ကန်အပ်စပ်ပါသည်။
အိုသခင်၊ ကိုယ်တော်သည် သိမ်မွေ့၍နှိမ့်ချသောစိတ်နှလုံးရှိသကဲ့သို့ ကိုယ်တော့်ထံမှ တပည့်တော်တို့သင်ယူနိုင်စေ တော်မူပါ။ (သံမာတေဦး ၅း၂၈-၂၉)
