 for web4.jpg)
 for web3a.jpg)
2022-05-04 04:17:47
ပါစကားကာလ တတိယပတ်ကြာသပတေးနေ့၏ထောက်ရှုချက်
သံယောဟန် ၆း၄၄-၅၁၊
Rev.Fr.Cle Pike
Posted by Sr.B.Myat Hnin Nwe(I.S.R.)
ယုံကြည်ခြင်းသည် ဘုရားသခင်၏အခမဲ့ကောင်းကြီးဖြစ်သည်ဟု ဘုရားစကားတန်း၌သင်ကြားခဲ့ဖူးပါသည်။ ထို စဉ်ကနားမလည်ခဲ့ပေ။အသက်အရွယ်အနည်းငယ်ရလာ၊အတန်းပညာအနည်းငယ်မြင့်လာ၊ တွေးတောဆင်ခြင်ဉာဏ်အနည်းငယ်မြင့်လာသောအခါမှသာနားလည်လာပါသည်။စာသင်ကျောင်းများ၌ ရှေးယခင်သာသနာပြုကျောင်းများကဖွင့်လှစ်သော စာသင်ကျောင်းများသို့တက်ရောက်ရန် ဘာသာမတူသော်လည်း အဆောင်မှဖွင့်လှစ်သောကျောင်းအိတ်ကျောင်းစားအဆောင်များတွင်နေထိုင်၍ပညာသင် ကြားခဲ့ကြသည်။ထိုကျောင်းသားများသည် ပညာသာသင်ယူရသည်မဟုတ်။ ဘာသာမတူသော်လည်း စည်းကမ်းထိမ်း သိမ်းရလွယ်ကူစေရန် အဆောင်မှချမှတ်သောစည်းကမ်းများအားလုံးကိုလိုက်နာရသည်။ ထိုစည်းကမ်းများအနက် ဘာ သာရေးနှင့်ဆိုင်သော ၀တ်ပြုခြင်းများ၌ပါ၀င်ရခြင်း၊ဆုတောင်းမေတ္တာများကိုရွတ်ဆိုပူဇော်ခြင်းများကို အချို့သော ကျောင်းအိတ်ကျောင်းစားကလေးများသည် လိုက်နာခဲ့ရသည်။အချို့သောဆရာဆရာမတို့သည် ငယ်စဉ်တောင်ကျေး ကလေးဘ၀က ရွတ်ဆိုဆုတောင်းခဲ့သော ကောင်းကင်ဘုံမေတ္တာ၊ဂုဏ်ကျေးဇူးတော်မေတ္တာများနှင့်အခြားသောဆုတောင်းမေတ္တာများကိုအလွတ်ပြန်လည်ရွတ်ပြနိုင်သည်။ဓမ္မသီချင်းအချို့ကိုလည်းပြန်လည်ဆိုပြနိုင်သည်။ အချို့သည် ဘာသာနာမည်ကိုလည်းခံယူခဲ့ကြသည်။ သို့သော် ၄င်းတို့သည်ကက်သလစ်ခရစ်ယာန်များဖြစ်မလာခဲ့။အတင်းအကြပ် လည်းသိမ်းသွင်းခြင်းလည်းမပြုခဲ့ပေ။ဤသူများထက်အံ့ဩစိတ်မကောင်းစရာဖြစ်ရသည်မှာ မျိုးရိုးစဉ်ဆက်ကက်သလစ်ဘာသာ၀င်ဖြစ်လာခဲ့ပြီး နောက်မှ အိမ်ထောင်ရေး၊ စီးပွားရေး၊ ရာထူးရာခံများကြောင့် ဘာသာကူးပြောင်းသွားကြသူများစွာရှိကြသည်။အချို့ ကားဘာသာမကူးပြောင်းသော်လည်း မိမိတို့၏ယုံကြည်ခြင်းဆက်လက်ရှင်သန်ရန်အတွက်မကြိုးစားတော့ဘဲလစ်လျူရူ ထားလိုက်ကြ၏။ယနေ့ဖတ်ရူသောဧ၀ဂေလိကျမ်းစာ၌ ယေဇူးက ‘ငါ့ကိုစေလွှတ်တော်မူသောခမည်းတော်က ခေါ်ယူသောသူမှတစ်ပါး မည်သူမျှငါ့ထံသို့မလာနိုင်’ဟုမိန့်ကြားချက်သည်အလွန်မှန်ကန်ပါသည်။ ယေဇူးသခင်၏တပည့်တော်ကြီး (၁၂) အနက် ယုဒအီစရီရုဒ်သည်မည်မျှပင်အနေနီးပြီး အခွင့်အရေးကောင်းများစွာရရှိခဲ့စေကာမူ ယေဇူးသခင်နှင့်စီးမကိုက်ခဲ့ပေ။ ယေဇူးသခင်၏ကောင်းကင်နိုင်ငံတော်နှင့်ဆိုင်သော တရားဒေသနာဟောကြားရာ၌ သုံးနှစ်သုံးမိုးတရားနာခွင့်ရှိခဲ့၊ တန်ခိုးအံ့ဖွယ်ရာများကိုမြင်တွေ့ခွင့်ရခဲ့သော်လည်း နောက်ဆုံး၌ ယေဇူးသခင်၏နောက်သို့လိုက်ရန်တွန့်ဆုတ်နေခဲ့သည်။အသက်အရွယ်တစ်ခုအထိ ကက်သလစ်ခရစ်ယာန်ဟုခံယူနေထိုင်ခဲ့သော်လည်း နောက်ပိုင်း၌ယေဇူးသခင်ကိုစွန့်သွားကြ သည်။ အဘယ်ကြောင့်ဆိုသော် ခမည်းတော်ဘုရားမှယေဇူးသခင်အားပေးအပ်သောသူများထဲ၌မပါကြသောကြောင့်ယေ ဇူးသည်။
အိုသခင်၊ ကိုယ်တော်၏နိုင်ငံတော်သို့ကြွ၀င်သောအခါ တပည့်တော်တို့ကိုသတိရတော်မူပါ။
