 for web4.jpg)
 for web3a.jpg)
2022-05-07 03:47:05
ကောင်းသောသိုးထိန်းတနင်္ဂနွေ(သို့)ပါစကားကာလ
စတုတ္ထပတ်တနင်္ဂနွေနေနေ့၏ကျမ်းစာထောက်ရှုချက်
သံယောဟန် ၁၀း၂၇-၃၀၊
Rev. Fr. Cle Pike
Posted by Sr. B.Myat Hnin Nwe (I.S.R)
ဧ၀ဂေလိကျမ်းလေးစောင်အနက် သံယောဟန်၏ဧ၀ဂေလိကျမ်းသည် ကောင်းသောသို့းထိန်းအကြောင်းကိုဖော် ပြသောတစ်ခုတည်းသော ဧ၀ဂေလိကျမ်းဖြစ်သည်။ သံယောဟန်၏ဧ၀ဂေလိကျမ်းတစ်စောင်လုံး၌မဟုတ်။အခန်းကြီး(၁၀း၁-၃၀) အထိသာဖောပြထားသည်။ကောင်းသောသိုးထိန်း၏စိတ်နေသဘောထားကိုမူ သံမာတေဦး(၁၈း၁၀-၁၄၊ သံလုကာ ၁၅း၁-၇)တွင်လည်းဖော်ပြထား သည်။ကောင်းသောသိုးထိန်း၏ပုံရိပ်၊ကောင်းသောသိုးထိန်း၏စိတ်နေသဘောထား၊ကောင်းသောသိုးထိန်း၏လုပ်ဆောင်ချက်များကိုဓမ္မဟောင်း၊ဓမ္မသစ်ကာလနှစ်ခုလုံး၌အလွန်ကျယ်ကျယ်ပြန့်ပြန့်ဖော်ပြထားသည်။အဘယ်ကြောင့် ဆိုသော် စက်မူမထွန်းကားသေးသောကာလ၌စိုက်ပျိုးရေးနှင့်မွေးမြူရေးသည်အဓိကကျသောစီးပွားရေးဖြစ်သည်။သိုးထိန်း၏ပုံရိပ်ကို ကမ္ဘာဦးကျမ်း၌ပထမဦးဆုံးတွေ့ရပါသည်။ အာဒမ်နှင့်ဧ၀တို့၏သားနှစ်ယောက်ဖြစ်သော ကိနနှင့်အာဗေလတို့အနက် ညီဖြစ်သူအာဗေလသည် သိုးထိန်းဖြစ်သည်။ ထို့ကြောင့် ဘုရားသခင်အားကျေးဇူးဆပ်တင်သောယဇ်ပူဇော်ခြင်းကိုပြုသည့်အခါ သူမွေးမြူထားသောသိုးများအနက် ဆူဖြိုးသောသိုးကိုယူလာ၍ ထာ၀ရဘုရားသခင် အားတင်လှူပူဇော်ခဲ့သည်။ဓမ္မဟောင်းကျမ်း၌သိုးကျောင်းနေရာမှဘုရားသခင်၏ရွေးချယ်ခြင်းခံရကာဘုရားသခင်၏လူမျိုးကိုဦးစီးဦးဆောင် ပြုပေးခဲ့ရသောသိုးထိန်းများရှိခဲ့သည်။ ကျမ်းစာထဲ၌လည်းဖော်ပြထားသည်။ကျမ်းစာထဲ၌ သိုးထိန်းအဖြစ်အစောဆုံးဖော်ပြခံရသူမှာအာဘေးလဖြစ်သည်။(ကမ္ဘာဦးကျမ်း ၄း၁-၇)ထို့နောက်မိုးဇက်သည်ဝရမ်းပြေးပြည်ပြေးဘဝဖြင့်သိုးထိန်း နေရာမှဘုရားသခင်၏ဆင့်ခေါ်ခြင်းကိုခံခဲ့ရသည်။ (ထွက်မြောက်ရာကျမ်း ၃) ဂျက်ဆေ၏အထွေးဆုံးသားဖြစ်သော ဒါ ဝိတ်ဘုရင်သည်လည်းသိုးထိန်းနေရာမှပြန်လည်ခေါ်ဆောင်ခံရပြီး၊ ဂျူးလူမျိုး တို့၏ဘုရင်အလောင်းအလျာအဖြစ် သန့် ရှင်းသောဆီသွန်းလောင်းခြင်းခံခဲ့ရသည်။ (ပ ဓမ္မ ၁၆)ပရောဖက်အာမောစ့်သည်လည်းသိုးထိန်းလည်းဖြစ်ပြီး၊ စီကာမို အပင်များကိုစိုက်ပျိုးခြင်းဖြင့်အသက်မွေးသောဂျူးလူမျိုးတစ်ဦးဖြစ်သည်။(ပရောဖကျအာမော့စျ ၇း၁၄)ထိုသို့အသက် မှေးနစေဉ်ထာဝရဘုရားသခင်၏ပရောဖက်ပြုရန်ဆင့်ခေါ်ခြင်းခံခဲ့ရသည်။ဓမ္မသစ်ကျမ်း၌မူ ယေဇူးသခင်၏မွေးဖွားခြင်းအကြောင်းကို သိကြားတမန်တော်က ဦးစွာတော၌ လှည့်လည်၍ သိုးများကျောင်းနေကြသောသိုးထိန်းများအား ကြားသိစေခဲ့သည်။အဘယ်ကြောင့်ဆိုသော်သိုးထိန်းတို့သည်ပညာမဲ့သော အခြေခံလူတန်းစားဖြစ်သည်။မြို့ပြလူတန်းစားများအား ဉာဏ်နီဉာဏ်နက်ဖြင့်လိမ့်လည်တတ်ကြသူများမဟုတ်။ ထို့ ကြောင့်သိုးထိန်းတို့အားဤ၀မ်းမြောက်စရာသတင်းကောင်းကိုကြားသိစေပြီး၊ ကြေငြာခိုင်းလျှင် လူများပို၍ယုံကြည်ကြ မည်။ ရိုးသားမှုအရင်းခံရှိနေသောကြောင့်ဖြစ်သည်။ယနေ့ ဧ၀ဂေလိကျမ်းစာ၌ ယေဇူးသခင်သည်လည်း မိမိကိုယ်ကိုကောင်းသောသိုးထိန်းဟုရည်ညွှန်းထားသည်။ သူ၏သိုးများသည် သူ၏အသံကိုမှတ်မိသည်ဟုလည်းမိန့်ကြားထားပါသည်။အဘယ်ကြောင့်နည်း။ယေဇူးသခင်သည် သူ၏တရားကိုဟောကြားရာ၌ ထင်ယောင်ထင်မှားဖြစ်အောင်ဟောကြားလေ့မရှိ။တိကျသည်။ ပြတ်သားသည်။ရှင်းလင်းသည်။နားလည်လွယ်သည်။ လက်တွေ့ကျသည်။လူများနားလည်ရန်ခက်ခဲသောတရားများကိုမပေး။လူများလိုက် ကျင့်ကြံရန်ခက်ခဲသောလမ်းစဉ်ကိုမလျှောက်ထို့ကြောင့် သူ၏သိုးများသည် သူ၏တရားကို နားယဉ်ပါးနေသည်။သူ၏ နောက်သို့လိုက်ရန်လွယ်ကူနေသည်။အဘယ်သူ၏အသံကိုမျှဆက်လက်နားယောင်ခြင်းမရှိတော့ပေ။
အိုသခင်၊ကိုယ်တော်၏ တရားတော်လမ်း၌တည်မြဲစွာလျှောက်နိုင်စေတော်မူပါ။ကိုယ်တော်၏အသံကိုသာ အာရုံစိုက် နားစွင့်ထောင်နိုင်စေတော်မူပါ။
