 for web4.jpg)
 for web3a.jpg)
2022-05-16 10:07:30
ပါစကားကာလ ပဉ္စမပတ်အင်္ဂါနေ့၏ကျမ်းစာထောက်ရှုချက်
သံယောဟန် ၁၄း၂၇-၃၁၊
Rev.Fr. Cle Pike
Posted by Sr. B. Myat Hnin Nwe(I.S.R.)
ငြိမ်းချမ်းရေးသည် ကမ္ဘာဦးအစကပင်ဖောက်ဖျက်ခဲ့သည်။စစ်မှန်သောငြိမ်းချမ်းသာယာခြင်းသည် ဘုရားသခင်ပညတ်တော်ကိုလိုက်နာခြင်း၌တည်သည်။ ထို့ကြောင့်ယေဇူးသခင်သည် ပါစကားကာလ တနင်္လာနေ့ကဖတ်ရှုသောဧဝံဂေလိကျမ်း၌ ‘ငါ၏ပညတ်တော်မြားကိုခံယူ၍ စောင့်ထိန်းသောသူသည် ငါ့ကိုချစ်၏’ဟုမိန့်မြွတ်ခဲ့သည်။(သံယောဟန် ၁၄း၂၁)အာဒမ်နှင့်ဧ၀သည်ဘုရားသခင်၏ပညတ်တော်ကိုမနာခံဘဲတားမြစ်ထားသောအသီးကိုစားခဲ့သည်။၎င်းတို့၏ အေးချမ်းသာယာသောအသက်တာသည် တစ်မဟုတ်ခြင်း အဘယ်သို့ပြောင်းလဲသွားခဲ့သနည်း။ဘုရားသခင်ကမိန်းမအား သင်၌ ကိုယ်၀န်ဆောင်ခြင်းဝေဒနာကို ငါအလွန်များပြားစေမည်။ ပင်ပန်းစွာဝေဒနာကိုခံ၍ သားဖွားရမည်။ကိုယ့်ခင်ပွန်း၏အလိုသို့လိုက်၍သူ၏အုပ်စိုးခြင်းကိုခံရမည်’ ဟုမိန့်တော်မူ၏။ထို့အတူ ယောင်္ကျားကိုလည်း ‘ထိုအပင်၏ အသီးကိုမစားရဟု ငါပညတ်သော်လည်း သင်သည် မယား၏စကားကိုနားထောင်၍ စားမိသောကြောင့် မြွေသည် သင့်အတွက်ကျိန်ခြင်းကိုခံလျှက်ရှိ၏။ မြေ၏အသီးကိုတစ်သက်ပတ်လုံး ပင်ပန်းစွာစားရမည်။ ဆူးပင်အမျိုးမျိုးတို့ကိုလည်းသင့် အဖို့မြေပေါ်၌ပေါက်စေမည်။ လယ်၌ဖြစ်သောဟင်းသီးဟင်းရွက်တို့ကို သင်စားရမည်။သင်ထွက်ရာမြေသို့မပြန်မှီတိုင်အောင်သင်၏မျက်နှာမှချွေးထွက်လျက်အစာကိုစားရမည်။အကြောင်းမူကား သင်သည် မြေမှုန့်မှလာ၍ မြေမှုန့်သို့ပြန်ရမည်’ဟုမိန့်တော်မူသည်။(ကမ္ဘာဦးကျမ်း ၃း၁၆-၁၉) ငြိမ်းချမ်းခြင်းသည် အပြစ်ကျူးလွန်သူများ၌သာဆုံးရှုံးခြင်းမဟုတ်။အပြစ်သို့ကျရောက်စေရန် ဖြားယောင်းသွေး ဆောင်သောသူလည်းဆုံးရှုံးသည်။အဘယ်ကြောင့်ဆိုသော် ထာ၀ရအရှင် ဘုရားသခင်သည် မြွေကိုခေါ်၍ သင်သည် ဤအမှုကိုပြုသောကြောင့် သားယဉ်သားရဲအပေါင်းတို့ထက်ကျိန်ခြင်းကိုခံရ၏။သင်သည်၀မ်းဖြင့်သွား၍မြေမှုန့်ကိုတစ်သက်လုံးစားရမည်’ ဟူ၍လည်းကောင်း၊ဖြားယောင်းသူနှင့်ဖြားယောင်းခြင်းခံရသောသူကြား၌လည်း ငြိမ်းချမ်းခြင်းမရှိ တော့သည့်အခြေအနေကိုလည်းဘုရားသခင်က‘သင်နှင့်မိန်းမကိုလည်းကောင်း၊သင်၏အမျိုးအနွယ်နှင့်မိန်းမ၏အမျိုးအနွယ်ကိုလည်းကောင်း ငါသည်ရန်ငြိုးဖွဲ့စေမည်။သူသည် သင်၏ခေါင်းကိုကြိတ်လိမ့်မည်။သင်သည်သူ၏ဖနောင်ကို ကြိတ်လိမ့်မည်’ ဟုမိန့်တော်မူသည်။(ကမ္ဘာဦးကျမ်း ၃း၁၄-၁၅)ယေဇူးသခင်သည် သေခြင်းမှရှင်ပြန်ပြီးသည်နှင့်ပထမဦးဆုံးအကြိမ်တပည့်တော်ကြီးတို့နှင့်တွေ့ဆုံစဉ်၌ငြိမ်းချမ်းသာယာခြင်းသင်တို့နှင့်ရှိပါစေ’ဟုအဘယ်ကြောင့်ဦးစွာနှုတ်ဆက်ခဲ့သနည်း။တပည့်တော်ကြီးတို့သည် ယေဇူးသခင် အဖမ်းခံရစဉ်ကယေဇူးသခင်နှင့်အတူမရှိဘဲထွက်ပြေးခဲ့ကြသည်။ကြုံလာမည့်အခြေအနေကို ယေဇူးသခင်သည် အကြိမ်ကြိမ်သတိပေးခဲ့သည်။သို့သော် ကိုယ်လွှတ်ရုန်း၍ထွက်ပြေးခဲ့ကြသည်။(သံယောဟန် ၁၆း၃၁)ပေတရုပင်လျှင် ယေဇူးအားသုံးကြိမ်တိုင်တိုင်ငြင်းပယ်မည့်အကြောင်းသတိပေးခဲ့သော်လည်း အမှတ်မရှိခဲ့။အမှန်ပြင်အရေးကြုံလာသောအခါ မိုးမွှန်အောင်ပြောခဲ့သောသူ၏စကားကိုမေ့၍ ယေဇူးသခင်မိန့်ကြားခဲ့သည့်အတိုင်း ပြစ်ပြစ်ခါခါငြင်းပယ်ခဲ့သည်။ထိုသို့ ငြင်းပယ်၍ ထိုခဏ၌ဘေးအန္တရာယ်မှကင်းလွှတ်သွားသော်လည်းသူ၌ငြိမ်းချမ်းခြင်းရှိ နေသလောဟုမူလုံး၀မရှိပေ။ထို့သို့ ငြင်းပယ်ပြီးနောက် ပေတရုသည်အပြင်သို့ထွက်သွား၍ ပြင်းထန်စွာငိုကြွေးလေ၏။(သံလုကာ ၂၂း၆၂ယေဇူးသခင်သည် ယုဒအစ္စကာရီယုဒ်အားလည်း သူ့ကိုအပ်နှံလိမ့်မည့်အကြောင်းကို အတန်တန်မိန့်ကြားခဲ့သည်။သို့သော် ယုဒသည် မသိသလိုသာနေခဲ့သည်။ထိုသိုနေနေသော်လည်း သူသည် ယေဇူးသခင်အား အပ်နှံနိုင်မည့်အ ခွင့်ကောင်းကိုစောင့်နေခဲ့သည်။သူသည်ယေဇူးသခင်ကိုအပ်နှံလိုက်ပြီးနောက် အတွင်းစိတ်ငြိမ်ချမ်းခြင်းရှိခဲ့သလော။လုံး၀မရှိခဲ့ပေ။ထို့ကြောင့် ယေဇူးသခင်သည် သေဒဏ်စီရင်ခြင်းခံရသည်ကို ဂျူဒမြင်လျှင် နောင်တရ၍ ငွေဒင်္ဂါးသုံးဆယ်ကို ရဟန်းအကြီးအကဲ့တို့နှင့်သက်ကြီး၀ါကြီးတို့ထံသို့ပြန်ယူခဲ့ပြီး အပြစ်မရှိသူကိုအပ်နှံ၍သစ္စာဖောက်ပြီဟုဆိုသော်လည်း ထိုဘာသာရေးခေါင်းဆောင်တို့သည် သူ၏တောင်းဆိုချက်ကိုအလေးမထားတော့ပေ။ နောက်ဆုံး၌မြေပေါ်လဲကျပြီး၀မ်းဗိုက်ပေါက်၍သေပွဲ၀င်ခဲ့ရသည်။ (သံမာတေဦး ၂၇း၃-၁၀၊တမန်တော်ဝတ္ထု ၁း)စစ်မှန်သောငြိမ်းချမ်းသာယာခြင်းသည် လောကကမပေးနိုင်။ယေဇူးသခင်သာလျှင်ပေးနိုင်သည်။ ယေဇူးသခင် သည် ကားတိုင်ပေါ်၌ပြင်းထန်နာကျင်လှသောဝေဒနာကိုခံစားနေရသော်လည်း အတွင်းစိတ်အေးချမ်းစွာဖြင့် ဆုတောင်းနိုင်ခဲ့သည်။ သူ့အားညှဉ်းပန်းနှိပ်စက်သော အာဏာသာတို့ကိုလည်းခွင့်လွှတ်ကြောင်းပြသနိုင်ခဲ့သည်။ယေဇူးသ ခင်ပေးသောငြိမ်းချမ်းသည် လောကပေးသောငြိမ်းချမ်းရေးနှင့်မတူ။အဘယ်ကြောင့်ဆိုသော် ခမည်းတော်ဘုရား၏ပညတ်တော်နှင့် ညီသောကြောင့်ဖြစ်သည်။
အိုသခင်၊ ကိုယ်တော်၏ပညတ်တော်များကို အလေးထား၍ ကိုယ်တော်ပေးသောငြိမ်းချမ်းသာယာခြင်းကိုခံစားရစေ တော်မူပါ။
