 for web4.jpg)
 for web3a.jpg)
2022-06-29 09:16:03
ဇွန်လ ၃၀ရက် (ကြာသပတေးနေ့)
မာတေဦး ၉း၁-၈
Rev.Fr.Pascal Thi Ko Shin (SDB)
Posted by Sr.Sabina Hla Yee Win(ISR)
ကိုယ်တော်သည်လှေပေါ်သို့တက်တော်မူ၍ပင်လယ်ကိုဖြတ်ကူးပြီးနောက်မိမိ၏နေရင်းမြို့သို့ရောက်တော်မူ၏။ထိုအခါအိပ်ရာပေါ်တွင်လဲနေသည့်လေဖြတ်နေသောသူတစ်ဦးကိုကိုယ်တော့်ထံသို့သယ်ဆောင်လာကြလေ၏။ယေဇူးသည်လည်းထိုသူတို့၏ ယုံကြည်ခြင်းကိုမြင်တော်မူလျှင်လေဖြတ်နေသောသူအားငါ့သား၊အားမငယ်နှင့်၊သင်၏အပြစ်များကိုခွင့်လွှတ်ခြင်းခံရလေပြီဟုမိန့်တော်မူ၏။ထိုအခါကျမ်းတတ်ဆရာအချို့တို့ကဤသူသည်ဘုရားသခင်ကိုထိခိုက်၍ပြောဆိုသည်ဟုမိမိတို့စိတ်ထဲ၌ဆိုကြ၏။သို့ရာတွင်ယေဇူးသည်ထိုသူတို့၏စိတ်ထဲမှအတွေးကိုသိမြင်တော်မူ၍သင်တို့သည်အဘယ်ကြောင့်စိတ်ထဲ၌အဆိုးမြင်ကြသနည်း။မည်သည့်စကားသည်ပြောရန်သာ၍လွယ်ကူသနည်း။သင်၏အပြစ်များခွင့်လွှတ်ခြင်းခံရပြီဟုဆိုခြင်းလော၊သို့ရာတွင်လူသားသည်လောကတွင်အပြစ်များကိုခွင့်လွှတ်ပိုင်ခွင့်ရှိကြောင်းသင်တို့သိမြင်စေရမည်ဟုဆိုပြီးမှလေဖြတ်နေသောသူအားလော့၊သင်၏အိပ်ရာကိုယူ၍အိမ်သို့ပြန်လော့ဟုမိန့်တော်မူ၏။ထိုသူသည်လည်းထ၍မိမိ၏အိမ်သို့ပြန်သွားလေ၏။လူအစုအဝေးတို့သည်ထိုအခြင်းအရာကိုမြင်သောအခါထိတ်လန့်ကြ၍လူသားတို့အားဤသို့သောအခွင့်အာဏာကိုပေးတော်မူသည့်ဘုရားသခင်၏ဘုန်းဂုဏ်တော်ကိုချီးမွမ်းကြလေ၏။ယေဇူးသည်ထိုနေရာမှကြွသွားစဉ်မာတေးဦးအမည်ရှိသောသူတစ်ယောက်သည်အခွန်ရုံးတွင်ထိုင်နေသည်ကိုမြင်၍ငါ့နောက်သို့လိုက်လော့ဟုသူ့အားမိန့်တော်မူ၏။သူသည်လည်းထ၍နောက်တော်သို့လိုက်လေ၏။ ထောက်ရူချက်***ဒီယနေ့ကြားရတဲ့ဧဝံဂေလိကျမ်းစာထဲမှာလေဖြတ်နေတဲ့လူမမာတစ်ယောက်ကိုလူတွေကထမ်းပိုးပြီးခရစ်တော်ဆီခေါ်လာပါတယ်။သင့်ရဲ့အပြစ်တွေခွင့်လွတ်ခြင်းခံရပြီလို့မိန့်တော်မူပြီးလေဖြတ်တဲ့လူမမာကိုကုသပေးလိုက်ပါတယ်။ အပြစ်ခွင့်လွှတ်ခြင်းနှင့်ကုသခြင်းကဆက်စပ်လို့နေပါတယ်။အပြစ်ကြောင့်လူဟာနာမကျန်းဖြစ်ရတယ်။ခန္ဓာမှာမဖြစ်ရင်တောင် ဝိညာဉ်မှာလာထိပါတယ်။အပြစ်ပြုလိုက်တဲ့အခါလူရဲ့ဝိညာဉ်ဟာဖျားနာလာတယ်။လေဖြတ်သလိုအစွမ်းမဲ့လာပါတယ်။အပြစ်ကြီးတစ်ခုကျူးလွန်ထားတဲ့လူတစ်ယောက်အတွက်သူ့ဝိညာဉ်၊သူ့သြတ္တပ္ပစိတ်ဟာလည်းမှန်ကန်ရှင်းလင်းစွာတွေးခေါ်တတ်ဖို့ဆွံ့အသွားစေတယ်။ကိုယ်ကျူးလွန်လိုက်တဲ့နေရာမှာကိုယ်ဟာအားနည်းသွားတယ်။အမှောင်ဖုံးသွားပါတယ်။ဒါကြောင့်ဘုရားရဲ့အပြစ်ခွင့်လွှတ်ခြင်းကိုခံယူဖို့လိုအပ်ပါတယ်။စက္ကရမင်တူးတွေပုံမှန်ခံယူခြင်းအားဖြင့်ဝိညာဉ်ရေးမှာကျန်းမာအောင်ဂရုစိုက်ရပါမယ်။အပြစ်ကဝိညာဉ်ကိုဖျားစေတယ်။မကုဘဲထားရင်ပိုပြီးဆိုးရွားလာတတ်ပါတယ်။နောက်ဆုံးဝိညာဉ်ကိုသေစေတဲ့အထိဖြစ်စေနိုင်တဲ့အတွက်အပြစ်ခွင့်လွှတ်ခြင်းခံယူကြရအောင်၊ပြီးတော့သူများရဲ့အပြစ်တွေကိုလည်းခွင့်လွှတ်နိုင်ဖို့ကြိုးစားအားထုတ်ကြပါစို့။
