ကိုယ်တော်သည်သူတို့အားထိုသို့မိန့်တော်မူစဉ်အရာရှိတစ်ယောက်သည်အထံတော်သို့ချဉ်းကပ်၍ရှေ့တော်၌ပျပ်ဝပ်လျက်အကျွန်ုပ်၏သမီးသည်ယခုပင်သေဆုံးသွားပါပြီ၊သို့သော်ကိုယ်တော်ကြွလာတော်မူ၍သူမအပေါ်၌ကိုယ်တော်၏လက်တော်ကိုတင်တော်မူပါလျှင်သူမသည်အသက်ပြန်ရှင်လာပါလိမ့်မည်ဟုလျှောက်ထားလေ၏။ထိုစကားကိုမိန့်တော်မူစဉ်အရာရှိတယောက်သည်လာ၍ပြပ်ဝပ်လျက်၊အကျွန်ုပ်၏သမီးသည်ယခုပင်သေဆဲရှိပါ၏။သို့သော်လည်း၊ကိုယ်တော်သည်ကြွ၍သူ့အပေါ်၌လက်ကိုတင်တော်မူလျှင်အသက်ရှင်ပါလိမ့်မည်ဟုလျှောက်၏။ယေဇူးသည်လည်းထ၍တပည့်တော်တို့နှင့်အတူထိုသူ၏နောက်သို့လိုက် တော်မူ၏။ယေရှုသည်ထ၍တပည့်တော်နှင့်အတူထိုသူနောက်သို့လိုက်တော်မူ၏။ထိုအခါတစ်ဆယ့်နှစ်နှစ်ပတ်လုံးသွေးသွန်နာစွဲကပ်နေသောအမျိုးသမီးတစ်ယောက်သည်ကိုယ်တော်၏နောက်မှချဉ်းကပ်၍ဝတ်ရုံတော်၏အနားစကိုတို့လေ၏။ထိုအခါတဆယ်နှစ်နှစ်ပတ်လုံးသွေးသွန်အနာစွဲသောမိန်းမတယောက်က၊အကြောင်းမူကားသူမကငါသည်ကိုယ်တော်၏ဝတ်ရုံတော်ကိုသာ တို့ထိရပါလျှင်ကျန်းမာလာလိမ့်မည်ဟုမိမိစိတ်ထဲတွင်ဆိုသောကြောင့်ဖြစ်၏။ငါသည်အဝတ်တော်ကိုသာတို့လျှင်ချမ်းသာရမည်ဟုစိတ်ထင်နှင့်နောက်တော်သို့ချဉ်းကပ်၍အဝတ်တော်၏ပန်းပွားကိုတို့လေ၏။ယေဇူးသည်လှည့်၍ကြည့်တော်မူလျှင်သူမကိုမြင်သဖြင့်သမီး၊အားမငယ်နှင့်၊သင်၏ယုံကြည်ခြင်းသည်သင့်ကိုကျန်းမာစေပြီဟုမိန့်တော်မူ၏။ထိုအချိန်နာရီမှစ၍ထိုအမျိုးသမီးသည်ရောဂါပျောက်ကင်းသွားလေ၏။ယေရှုသည်လှည့်၍ထိုမိန်းမကိုမြင်တော်မူလျှင်၊ငါ့သမီး၊မစိုးရိမ်နှင့်။သင်၏ယုံကြည်ခြင်းသည်သင့်အနာကိုငြိမ်းစေပြီဟုမိန့်တော်မူ၏။ထိုခဏမှစ၍ထိုမိန်းမသည်အနာကင်းပျောက်လေ၏။ယေဇူးသည်အရာရှိ၏အိမ်သို့ရောက်သောအခါတီးမှုတ်သောသူများနှင့်အတူအုတ်အုတ်ကျက်ကျက်ဖြစ်နေသောလူပရိသတ်ကိုမြင်တော်မူ၏။အရာရှိအိမ်သို့ရောက်တော်မူ၍တီးမှုတ်သောသူတို့နှင့်များစွာသောလူတို့သည်အုန်းအုန်းသဲသဲပြုကြသည်ကိုမြင်တော်မူ၏။ထိုအခါကိုယ်တော်ကနောက်ဆုတ်ကြလော့၊သူငယ်မသည်သေသည်မဟုတ်၊အိပ်ပျော်လျက်သာရှိသည်ဟုမိန့်တော်မူလျှင်ထိုသူတို့သည်ကိုယ်တော့်ကိုလှောင်ပြောင်ရယ်မောကြ၏။ဖယ်ရှားကြလော့။မိန်းမငယ်သေသည်မဟုတ်၊အိပ်ပျော်သည်ဟုမိန့်တော်မူသော်၊ထိုသူတို့သည်ပြက်ယယ်ပြုကြ၏။သို့သော်လူအစုအဝေးတို့ကိုအပြင်ဘက်သို့ထွက်စေပြီးသောအခါကိုယ်တော်သည်အခန်းတွင်းသို့ဝင်၍သူငယ်မကိုလက်မှကိုင်လျက်ထူမတော်မူ၏။ထိုလူများကိုပြင်သို့ထွက်စေပြီးမှအတွင်းသို့ဝင်၍၊မိန်းမငယ်၏လက်ကို ကိုင်တော်မူသည်တွင်သူသည်ထလေ၏။ထိုအခါသူငယ်မသည်ထလေ၏။ဤသတင်းသည်လည်းထိုဒေသအတွင်းပျံ့နှံ့သွားလေ ၏။ထိုသိတင်းစကားသည်တပြည်လုံး၌နှံ့ပြားကျော်စောလေ၏။
နှုတ်ကပါတ်တော်ထောက်ရှုချက်*****ဒီကနေ့နှုတ်ကပါတ်တော်များသည်ကျွန်ုပ်တို့၏ယုံကြည်ခြင်းကိုတိုးပွားစေတော်မူရန်သခင်ယေဇူး၏မိန့်မှာချက်“သင်၏ယုံကြည်ခြင်းသည်သင်ကိုသက်သာပျောက်ကင်းစေတော်မူပြီ။(မာတေဦး၉း၂၂)ကိုယုံကြည်မျှော်လင်ခြင်းဖြင့်ဘုရားသခင်၏ဟောရှေကိုမိန့်တော်မူသော“ဖြောင့်​မတ်​ခြင်း၊တ​ရား​သ​ဖြင့်စီ​ရင်​ခြင်း၊ချစ်​သ​နား​စုံမက်ခြင်းနှင့်အညီ ကိုယ်​အ​ဖို့သင့်​ကို​သိမ်း​ယူမည်။(‌ဟောရှေ၂း၂၀)ကိုနှလုံးသွင်းကာကျွန်ုပ်တို့၏ယနေ့ခေတ်ရင်ဆိုင်ကြုံတွေ့နေရသောဒုက္ခအခက်ခဲ များကိုဘုရားသခင်ထံရဲရဲဝံ့ဝံ့ယုံကြည်အားကိုးဖို့ဖိတ်ခေါ်နေပါတယ်။ဧဝံဂေလိကျမ်းစာတော်မြတ်ထဲကကုသပျောက်ကင်းခြင်း အကြောင်းနှစ်ခုစလုံးသည်ယုံကြည်ခြင်း၌ရဲရင့်ခြင်းအကြောင်းကိုပြသနေသည်။သမီးဆုံးသွားသောအရာရှိတစ်ဦးနှင့်သွေးသွန်နာစွဲနေသောအမျိုးသမီးနှစ်ဦးစလုံးအ‌တွေးမြင့်မြင့်တွေး၍ယုံကြည်ခြင်းကြီးမားကြသူများဖြစ်သည်။အရာရှိသည်သူ၏သမီးကို သေရာမှပြင်ရှင်လာအောင်သခင်ယေဇူးကိုယုံကြည်ရဲဝံ့စွာတောင်းခံခဲ့သူဖြစ်သည်။တစ်ဆယ့်နှစ်နှစ်ပတ်လုံးသွေးသွန်နာစွဲနေသောအမျိုးသမီးသည်ကိုယ်တော်၏ဝတ်လုံတော်အစကိုတို့ထိရုံဖြင့်သူမ၏ဝေဒနာသည်သခင်ယေဇူးကိုဘာအနှာက်အယှက်မှမပေးစကားတစ်ခွန်းမျှမပြောဘဲနှင့်ပင်ပျောက်ကင်းစေလိမ့်မည်ဟုတထစ်ချယုံကြည်ခဲ့သူဖြစ်သည်။သခင်ယေဇူးသည်သူတို့၏ ရဲရင့်တဲ့ယုံကြည်မျော်လင့်ခြင်းကိုကြည်ဖြူစွာလက်ခံတော်မူသည်ကိုကျွန်ုပ်တို့ထင်ထင်ရှားရှားသိမြင်ကြရသည်။သခင်ယေဇူးသည်အမျိုးသမီးအား“သင့်၏ယုံကြည်ခြင်းသည်သင်ကိုပြန်လည်ကျန်းမာလာစေခဲ့ပြီး”ဟုမိန့်တော်မူသည်။အရာရှိသည်မိမိ၏ သမီးသေဆုံးသွားပြီကိုသိသော်လည်းသခင်ယေဇူးအားထက်သန်သောယုံကြည်ခြင်းဖြင့်“ကျွန်ုပ်၏သမီးသည်ခုဏလေတင်မှဆုံးပါးသွားခဲ့ပြီးဖြစ်သော်လည်းကျေးဇူးပြု၍ကျွန်ုပ်နှင့်လိုက်လာပြီးကိုယ်တော်၏လက်ကိုသူမပေါ်သို့တင်ခြင်းဖြင့်သူမကိုအသက်ပြန်ရှင်စေတော်မူပါဟုတောင်းလျှောက်ခဲ့သည်။သခင်ယေဇူးသည်ထိုအရာရှိ၏ယုံကြည်မျော်လင့်ခြင်းကိုလိုလိုလားလားလက်ခံပြီးထိုသူခေါ်ရာသို့ထလိုက်သွားတော်မူသည်။

ထောက်ရှုရန် ဘဝအတွက် သင်ခန်းစာ

ကျွန်ုပ်တို့တစ်တွေကောထိုသူတို့ကဲ့သို့ရဲရဲရင့်ရင့်ယုံကြည်မျော်လင့်ခြင်းကြီးစွာဖြင့်မိမိတို့၏ဒုက္ခဝေဒနာအခက်အခဲတွေကိုကျော်ဖြတ်နိုင်အောင်သခင်ယေဇူးဘုရားရှင်အပေါ်အားကိုးစိတ်ဖြင့်ချည်းကပ်ဖူးသလဲ။ကျွန်ုပ်တို့၏ဘဝထဲမှာဘုရားသခင်ကိုလုံးလုံးလျားလျားယုံကြည်မျော်လင့်ခြင်းဖြင့်အားကိုးလျှင်ဘုရားသခင်သည်ကိုယ်တော်၏ချစ်ခြင်းမေတ္တာကရုဏာအားဖြင့်ကျွန်ုပ်တို့ကိုအစဉ်ကာကွယ်စောင့်ရှောက်တော်မူ၍ကျွန်ုပ်တို့၏ဒုက္ခအခက်အခဲများပြေငြိမ်းသက်သာစေတော်မူမည်ဖြစ်သည်။ ကျွန်ုပ်တို့၏ဘဝတွင်အဆိုးဆုံးအခြေအနေလို့ထင်ရတဲ့အချိန်တွေမှာယေဇူးဘုရားဟာကျွန်ုပ်တို့နှင့်အတူရှိနေပြီးကိုယ်တော်ရှင်အကောင်းဆုံးသောကရုဏာတော်ကိုကျွန်ုပ်တို့ထဲမှပစ်ပယ်ခံရသူများနဲ့အဆင်းရဲဆုံးသောသူများအားအထူးပြသတော်မူပြီးကူညီမစတော်မူသည်။ကျွန်ုပ်တို့တစ်တွေလည်းသခင်ယေဇူး၏ကရုဏာရှိခြင်းကဲ့သို့သူတစ်ပါးအပေါ်ကရုဏာထားတတ်အောင်ကြိုးစားကြပါစို့။အထူးသဖြင့်ယခုအချိန်မှာကရုဏာတရားကင်းမဲ့စွာလူမဆန်သည့်လုပ်ရပ်များကြောင့်ဒုက္ခအခဲများနှင့်ရင်ဆိုင်နေရသည့်သူများအပေါ်မိမိဘက်မှကရုဏာရေးလုပ်ဆောင်မှုများကိုတတ်နိုင်သလောက်လုပ်ဆောင်ပေးခြင်းဖြင့်လည်းကောင်း၊ကြားဝင်ဆုတောင်းပေးခြင်းဖြစ်လည်းကောင်းသခင်ယေဇူးအပေါ် ကြီးမားသည်ယုံကြည်မျှော်လင့်ခြင်းရှိသည်ကိုသက်သေခံကြပါစို့။