 for web4.jpg)
 for web3a.jpg)
2022-07-05 09:07:03
ဇူလိုင်လ ၆ ရက် ၁၄ ကြိမ်မြောက် သာမန် ဗုဓ္ဒဟူးနေ့ ၂၀၂၂
ပထမကျမ်း။ ဟောရှေ ၁၀း၁-၃၊၇-၈၊၁၂
ဧဝံဂေလိကျမ်း။ မာတေဦး ၁၀း ၁-၇
ဖာသာရ်စောကော့ကော်(SJ)
Posted by Sr.Sabina Hla Yee Win (ISR)
ကိုယ်တော်သည်တပည့်တော်ကြီးတစ်ဆယ့်နှစ်ပါးတို့ကိုအထံတော်သို့ခေါ်ဆောင်တော်မူပြီးနောက်ညစ်ညူးသောနတ်ဆိုးများကိုနှင်ထုတ်နိုင်ရန်နှင့်အနာရောဂါအမျိုးမျိုးကိုပျောက်ကင်းစေနိုင်ရန်အခွင့်အာဏာကိုပေးအပ်တော်မူ၏။တပည့်တော်ကြီးတစ်ဆယ့်နှစ်ပါးတို့၏အမည်များကားပထမဦးစွာပေတရုဟုခေါ်သောစီမွန်နှင့်သူ၏ညီအန္ဒြေးယ၊ဇေဘေဒေးဦး၏သားဖြစ်သောယာကုပ်နှင့်သူ၏ညီယောဟန်၊ဖိလိပုနှင့်ဘာသိုလိုမေးဦး၊သောမနှင့်အခွန်ခံသူမာတေးဦး၊အာလ်ဖေးဦး၏သားယာကုပ်နှင့်သာဒေးဦး၊ကာနန်နယ်သားစီမွန်နှင့်ကိုယ်တော့်ကိုအပ်နှံသောဂျုဒအစ္စကာရီယုဒ်တို့ဖြစ်ကြသတည်း။ယေဇူးသည်ထိုတပည့်တော်ကြီးတစ်ဆယ့်နှစ်ပါးတို့ကိုစေလွှတ်၍မိန့်မှာတော်မူသည်ကားလူမျိုးခြားတို့၏နယ်များသို့မသွားကြနှင့်။ဆမာရိယလူမျိုးတို့၏မြို့ရွာများကိုလည်းမဝင်ကြနှင့်။အစ္စရာအဲလ်လူမျိုးများထဲမှလမ်းမှားပျောက်ဆုံးနေသောသိုးများထံသို့သာသွားကြလော့။သင်တို့သွားကြစဉ်ကောင်းကင်နိုင်ငံတော်သည်တည်လုနီးပြီဟုဟောပြောကြလော့။
နှုတ်ကပါတ်တော် ထောက်ရှုချက်
***ဒီကနေ့မစ္ဆားတရားတော်မြတ်မှာကြားနာရတဲ့နှုတ်ကပါတ်တော်မြတ်၌ကျွန်ုပ်တို့သည်ဖြောင့်မတ်သောမျိုးစေ့ကိုကြဲ၍ကရုဏာတော်အသီးအနှံကိုရိတ်သိမ်းနိုင်ဖို့မလုပ်ရသေးသောလယ်ကိုထွန်ကာထာဝရဘုရားသခင်အားဦးစွာရှာကြဖို့အထူးသဖြင့်ဘုရာသခင်ကိုကျွန်ုပ်တို့နှင့်နီးစပ်သူများ(မိမိတို့နှင့်နေ့စဉ်ထိတွေ့ဆက်ဆံနေကြရသောသူများ)တွင်ရှာတွေ့နိုင်ကြရန်သတိပေးလျက်ရှိသည်။ပထမကျမ်းစာတော်မြတ်ထဲအီစရာအဲလ်လူမျိုးတွေဥစ္စာဓနကြွယ်ဝလာလေလေထာဝရဘုရားသခင်ကိုမေ့လျှော့ကာတစ်ခြားသောဘုရားများအတွက်ယဇ်ပုလ္လင်များကိုသာဆောက်လုပ်လေလေဖြစ်ကာသူတို့၏ဘဝများလောကီရေးရာများကိုသာတပ်မက်ပြီးအပျော်အပါးလိုက်စားကာဝိညာဉ်ရေးရာဘဝအသက်တာကိုဆိုးဝါးစွာပျက်စီးစေခဲ့ကြသဖြင့်ပရောဖက်ဟောရှေမှထာဝရဘုရားသခင်ကိုလောကအရာများထက်ဦးထိပ်ထားပြီးယုံကြည်ခြင်း၌သစ္စာရှိကြဖို့သတိပေးပြီးဘုရားသခင်၏ကရုဏာချစ်ခြင်းမေတ္တာကိုအလွဲသုံးစားမဖြစ်စေဘဲတန်ဖိုးထားတတ်ရန်ဖြောင့်မတ်ခြင်းတရားကိုဘဝအသစ်၌ပြုပြင်ပြီးဘုရားသခင်၏ကရုဏာတော်ကိုမိမိတို့၏ဘဝ၌သက်သေခံကြရန်နိုးဆော်တိုက်တွန်းထားပါသည်။ဧဝံဂေလိကျမ်းစာတော်မြတ်၌လည်းသခင်ယေဇူးသည်တပည့်တော်ကြီး၁၂ပါးကိုခေါ်တော်မူ၍လောကီဥစ္စာဓနတွေကိုအားမကိုးဘဲဘုရားသခင်ကိုသာအားကိုးကာသူတစ်ပါးလှူဒန်းသောလုပ်အားခဖြင့်သာတင်းတိမ်ရောင့်ရဲကာကောင်းကင်နိုင်ငံသတင်းကောင်းမျိုးစေကိုဖို့စေလွတ်တော်မူခဲ့သည်။
ထောက်ရှုရန်ဘဝအတွက်သင်ခန်းစာ
သခင်ယေဇူးသည်တပည့်တော်ကြီး၁၂ပါးကိုရွေးချယ်ပြီးညစ်ညူးသောနတ်ဆိုးများကိုနှင်ထုတ်နိုင်ရန်နှင့်အနာရောဂါအမျိုးမျိုးကိုပျောက်ကင်းစေနိုင်ရန်အခွင့်အာဏာကိုပေးအပ်တော်မူခြင်းသည်အသင်းတော်ကြီးဖြစ်သည့်ဆေးကြောခြင်းခံပြီးသူကျွန်ုပ်တို့တစ်ဦးစီကိုဖြောင့်မတ်သောမျိုးစေ့ကိုကြဲ၍ကရုဏာတော်အသီးအနှံကိုရိတ်သိမ်းနိုင်ဖို့ခေါ်တော်မူခြင်းခံရကြတာလည်းဖြစ်တယ်ဆိုတာကိုသတိပြုမိကြရမှာဖြစ်တယ်။ကျွန်ုပ်တို့တစ်တွေသခင်ယေဇူး၏တပည့်တော်များအဖြစ်ကိုယ်တော်ကိုအတုယူခြင်းဖြင့်ကိုယ်တော်ကဲ့သို့သောသူများဖြစ်လာကြကာကိုယ်တော်၏အသင်းတော်ကြီးကိုတစ်လုံးတစ်ဝတည်းတစ်လောကလုံးတွင်ပြန့်နှံ့စေကြရန်ကိုယ်တော်၏စေလွတ်ခြင်းကိုခံရသူများဖြစ်ကြသည်။သခင်ယေဇူးသည်လောက၌ကပ်ကမ္ဘာကုန်သည်အထိတိုင်အောင်ကျွန်ုပ်တို့နှင့်အတူရှိနေမည်ကိုကျွန်ုပ်တို့မည်သို့သက်သေခံနိုင်ကြသနည်း။ကျွန်ုပ်တို့ဟာခရစ်တော်၏တပည့်များအဖြင့်အသက်ရှင်လျက်ရှိသောဘုရားသခင်၏ဗိမာန်တော်များဖြစ်သည်ကိုသတိရကြပါ။ကျွန်ုပ်တို့သည်ခရစ်တော်၏ခန္ဓာတော်ကိုနေ့စဉ်ပင့်ယူနေကြရသောခရစ်တော်နှင့်တစ်လုံးတစ်ဝတည်းပေါင်းစပ်သောသူများဖြစ်ကြကာခရစ်တော်သခင်ကိုမျှော်လင့်ခြင်းကင်းမဲ့နေသော၊ဘုရားတရားမဲ့နေသောသူများထံယူဆောင်ပေးနိုင်အောင်ခြင်းဖြင့်လောကီရေးရာတို့၌ရောင့်ရဲတင်းတိမ်ကာကောင်းကင်နိုင်ငံတော်သည်ကျွန်ုပ်တို့၏လက်တစ်ကမ်းတွင်ရှိနေကြောင်းသက်သေခံကြရပါမယ်။ကျွန်ုပ်တို့သည်ခရစ်တော်သခင်နှင့်အတူ၊ခရစ်တော်သခင်၌ဒုက္ခရောက်နေသူများ၊ဘဝအဓိပ္ပါယ်ပျောက်ဆုံးနေသူများ၊ချူပ်နှောင်ခံနေရသောသူများထံသို့မျှော်လင့်ခြင်သတင်းကောင်းကိုယူဆောင်လာသူများဖြစ်နိုင်ကြပါစေ။
