သင်တို့သွားကြစဉ်ကောင်းကင်နိုင်ငံတော်သည်တည်လုနီးပြီဟုဟောပြောကြလော့။ဖျားနာသောသူတို့ကိုကုသပေးကြလော့။သေသောသူတို့ကိုပြန်ရှင်စေကြလော့။အနာကြီးရောဂါသည်တို့ကိုစင်ကြယ်ပျောက်ကင်းစေကြလော့။နတ်ဆိုးများကိုနှင်ထုတ်ကြလော့။သင်တို့သည်အဖိုးအခမပေးဘဲခံယူရရှိကြသည်ဖြစ်၍အဖိုးအခမယူဘဲပေးကမ်းကြလော့။သင်တို့၏ခါးပိုက်ဆောင်အိတ်၌ရွှေ၊ငွေနှင့်ကြေးနီပြားတို့ကိုလည်းကောင်း၊လမ်းခရီးအတွက်လွယ်အိတ်၊ဝတ်ရုံနှစ်ထည်၊ဖိနပ်နှင့်တောင်ဝှေးတို့ကိုလည်းကောင်းသယ်ဆောင်မသွားကြနှင့်။အကြောင်းမူကားအလုပ်လုပ်သောသူသည်မိမိနှင့်ထိုက်သင့်သောရိက္ခာကိုရထိုက်၏။မည် သည့်မြို့ရွာသို့မဆိုသင်တို့ဝင်ကြသောအခါထိုအရပ်၌ယုံကြည်လေးစားထိုက်သူကိုမေးမြန်းရှာဖွေ၍သင်တို့အခြားအရပ်သို့ထွက်ခွာမသွားမချင်းထိုသူနှင့်အတူနေထိုင်ကြလော့။အိမ်သို့ဝင်သောအခါဤအိမ်၌ငြိမ်းချမ်းသာယာခြင်းရှိပါစေဟုနှုတ်ဆက်ကြလော့။အကယ်၍ထိုအိမ်ထောင်စုသည်ခံစားထိုက်လျှင်သင်တို့၏ငြိမ်းချမ်းခြင်းမင်္ဂလာသည်သူတို့အပေါ်သို့သက်ရောက်လိမ့်မည်။ထိုသူတို့မခံစားထိုက်လျှင်မူကားထိုငြိမ်းချမ်းခြင်းမင်္ဂလာသည်သင်တို့ထံသို့ပြန်လာလိမ့်မည်။အကြင်သူသည်သင်တို့ကိုလက်မခံသည့်အပြင်သင်တို့၏စကားကိုလည်းနားမထောင်ပါကထိုအိမ်၊သို့မဟုတ်ထိုမြို့မှထွက်ခွာသွားလျက်သင်တို့၏ခြေမှမြေမှုန့်ကိုခါချပစ်ခဲ့ကြလော့။သင်တို့အားငါအမှန်ဆိုသည်ကားတရားစီရင်တော်မူရာနေ့၌ဆောဒိုမာမြို့နှင့်ဂေါ်မောရာမြို့တို့သည်ထိုမြို့ထက်ပို၍ခံသာကြလိမ့်မည်။

ထောက်ရှုချက်****ဘုရားသခင်၏နိုင်ငံတော်အတွက်သာအသက်ရှင်ပါ။ဒီကနေ့ကြားနာရတဲ့နှုတ်ကပါတ်တော်ထဲတွင်ပရောဖက်ဟောရှေ၏အမှာစကားသတင်းကောင်းကကျွန်ုပ်တို့ကိုအပြစ်မှနောင်တရကာဘုရားသခင်ထံပြန်လာဖို့ဘုရားသခင်သည်လူသားတိုင်းကိုတစ်ဦးချင်းစီထဲထဲဝင်ဝင်ပါဝင်ပတ်သက်နေပြီးကိုယ်တော်၏နွေးထွေးသောနှလုံးသာမှလျှံကျလားသောချစ်ခြင်းမေတ္တာတော်ဖြင့်ချစ်တော်မူကြောင်း၊ကိုယ်တော်သည်ကျွန်ုပ်တို့၏ချစ်လှစွာသောခမည်းတော်ဘုရားသခင်ဖြစ်တော်မူကြောင်းသက်သေခံမိန့်ဆိုတော်မူခြင်းအားဖြင့်နောင်တရားနှင့်ဆိုင်ရာများကိုသတိပြုမိဖို့ဖိတ်ခေါ်နေပါတယ်။နောင်တရကြလော့။ကောင်းကင်နိုင်ငံတော်သည်တည်လုနီးပြီဟုရှင်ယောဟန်ဗတ္တိဇံသည်သခင်ခရစ်တော်မကြွလာတော်မီဦးစွာနောင်တတရားနှင့်ဆိုင်သောတရာကို‌ဟောခဲ့သူဖြစ်သည်။ထို့‌နောက်သခင်ယေဇူးကိုယ်တော်တိုင်းနောင်တတရားနှင့်စပ်ဆိုင်သောကောင်းကင်နိုင်ငံသည်ကျွန်ုပ်တို့၏လက်ထဲ၌ရှိသည်ကိုမိမိကိုယ်တိုင်ကျွန်ုပ်တို့နှင့်အတူရှိခြင်းအားဖြင့်ဟောပြောသက်သေခံတော်မူခဲ့သည်။ကိုယ်တော်ကိုယ်တိုင်သည်ကောင်းကင်နိုင်ငံတော်ဖြစ်တော်မူပြီးလောကီဘုရင်တို့တကာတို့၏ဘုရင်လည်းဖြစ်တော်မူသည်။ကိုယ်တော်သည်မိမိ၏အသင်းတော်ကြီးဖြစ်သည့်ကျွန်ုပ်တို့အားလုံးကိုလည်းကျွန်ုပ်တို့သွားလေရာ၌ကောင်းကင်နိုင်ငံတော်သည်ကျွန်ုပ်တို့၏လက်ထဲ၌ရှိကြောင်းပြောဆို၊ပြုမူ၊သက်သေခံကြရန်ဖိတ်ခေါ်နေပါသည်။ကျွန်ုပ်တို့၏ဘဝရှင်သန်ရေးအတွက်နေထိုင်စားသောက်၍လုပ်ကိုင်ရသောအမှုကိစ္စများနှင့်လုပ်ဆောင်ရနိုင်မည့်ဘဝရှင်သန်ရေးအခွင့်အလမ်းများတွင်ဘုရားသခင်မှပေးသောအုပ်ချုပ်မှုစနစ်သစ်ဖြစ်သည့်ကိုယ်တော်၏စိုးစံမှု၌ရှင်သန်‌နေရသည်ကိုပြောဆိုဖော်ညွှန်းနေရပါမယ်။ဆိုလိုသည်မှာကိုယ်တော်၏သက်ဦးဆံပိုင်အုပ်ချုပ်မှုအောက်၌လုံးလုံးလျားလျားဦးဆွေးဆံမြေ့သစ္စာရှိရှိအမူတော်ထမ်းရွက်နေသူအဖြစ်မိမိကိုယ်ကိုမိမိ အပ်နှံထားသူများဖြစ်ကြောင်းကျွန်ုပ်တို့၏ဆေးကြောခြင်းကတိသစ္စာကျွန်ုပ်တို့ကိုကျရာဘဝမှသက်သေခံနေရမည်ကိုဆိုလိုပါသည်။ကိုယ်တော်၏နိုင်ငံတော်သည်သန့်ရှင်းသောဝိညာဉ်တော်ဘုရားမှပေးသောတရားမမျှတခြင်း၊ငြိမ်ချမ်းနှင့်ပျော်ရွှင်ခြင်းတို့နှင့်ဆိုင်သောအရာများဖြစ်ကြသည်။ကိုယ်တော်၏နိုင်ငံတော်သည်ဖျားနာသူကိုပျောက်ကင်းစေခြင်း၊သေသူကိုရှင်စေခြင်း၊နူနာစွဲသူကိုသက်သာစေခြင်း၊နတ်ဆိုးများကိုနှင်ထုတ်ခြင်းတို့၌ပေါ်လွင်ထင်ရှားသောအမူတော်ဆောင်ရမှုများဖြစ်ကြသည်။ကိုယ်တော်၏နိုင်ငံတော်သည်ထာဝရတည်မြဲနေသောကြောင့်တစ်ခြားသောအုပ်ချူပ်မှုအစိုးရများနှင့်မတူပေ။ကိုယ်တော်၏နိုင်ငံတော်သည်ကျွန်ုပ်တို့၌တည်ရှိနေပြီးဖြစ်သော်လည်းဆုံးခန်းမတိုင်သေးပေ။ထိုကြောင့်ကျွန်ုပ်တို့သည်ပြည့်ဝစုံလင်သောကိုယ်တော်၏နိုင်ငံတော်သည်ရောက်ရှိလာဖို့အမြဲဆုတောင်းပေးနေရပါမယ်။(ကောင်းကင်ဘုံဆုတောင်းမေတ္တာကိုရွတ်ဆိုခြင်းကိုသတိရပါ)။ကျွန်ုပ်တို့သည်မိမိတို့၌ရှိသမျှကိုပေးကမ်းခြင်းဖြင့်ကောင်းကင်နိုင်ငံကိုဝင်နိုင်ကြောင်းမိမိတို့၏သခင်ယေဇူးအပေါ်ယုံကြည်ခြင်းကိုကိုပြသကြရမည်ဖြစ်သည်။ကျွန်ုပ်တို့မိမိကိုယ်ကိုမိမိပြန်မေးမြန်းရမည်မှာငါသည်ကိုယ်တော်၏ကောင်းကင်နိုင်ငံတော်ထဲမှာလား။ငါဘယ်တုန်းကကိုယ်တော်၏နိုင်ငံတော်ထဲသို့ဝင်ရောက်ရန်ဖိတ်ခေါ်ခဲ့ခြင်းကိုလက်ခံရရှိခဲ့သလဲ။ငါကိုယ်တော်၏နိုင်ငံတော်အကြောင်းကိုကောကြေငြာရဲ့လား။ဘယ်လိုကြေငြာနေတာလဲ။ကိုယ်တော်၏နိုင်ငံတော်သည်ငါ့လက်ထဲ၌ရှိနေသည်ကိုဘယ်လိုသက်သေပြမလဲ။ကိုယ်တော်၏နိုင်ငံတော်ကိုရှေ့ဦးစွာရှာကြလော။အိုအဖတပည့်တော်ကိုကိုယ်တော်၏နိုင်ငံတော်အတွက်သာအသက်ရှင်စေတော်မူပါ။