 for web4.jpg)
 for web3a.jpg)
2022-07-12 08:32:56
ဇူလိုင်လ ၁၃ ရက်
၁၅ ကြိမ်မြောက် သာမန် ဗုဓ္ဒဟူးနေ့ ၂၀၂၂
ပထမကျမ်း။ ဟေရှယ ၁၀း ၅-၇၊ ၁၃-၁၆
ဧဝံဂေလိကျမ်း။ ရှင်မာတေဦး ၁၁း ၂၅-၂၇
ဖာသာရ်စောကော့ကော်(SJ)
Posted by Sr.Sabina Hla Yee Win, ISR
ထိုအချိန်ကာလ၌ယေဇူးမိန့်တော်မူသည်ကားကောင်းကင်နှင့်ကမ္ဘာမြေကြီးကိုအစိုးရတော်မူသောအဖ၊ကိုယ်တော်သည်ပညာရှိသူတို့အားဤအရာများကိုထိမ်ဝှက်ထားတော်မူလျက်ငယ်ရွယ်သူတို့အားဖော်ပြတော်မူသည်ဖြစ်၍ကျေးဇူးတော်ကိုအကျွန်ုပ်ချီးမွမ်းပါ၏။မှန်ပါ၏အဖ၊ဤသည်ကားကိုယ်တော်၏မြတ်သောအလိုတော်ပေတည်းဟုဆိုပြီးမှ၊ငါ၏ခမည်းတော်သည်ခပ်သိမ်းသောအရာတို့ကိုငါ့အားလွှဲအပ်တော်မူပြီ။ခမည်းတော်မှတစ်ပါးမည်သူကမျှသားတော်ကိုမသိ၊ခမည်းတော်ကိုလည်းသားတော်နှင့်သားတော်ဖော်ပြလိုသောသူများမှတစ်ပါးအခြားမည်သူမျှမသိ။
ထောက်ရှုချက်*** ဒီကနေ့ကြားနာရသည့်ပထမကျမ်းစာတော်မြတ်၌ဘုရားသခင်သည်အာရှိယဘုရင်၏မာနထောင်လွားခြင်း၊မိမိကိုယ်ကိုအရာရာကိုတတ်နိုင်သူသကဲ့သိုမော်ကြွားခြင်းကိုဆုံးမတော်မူသည့်ကြောင်းကိုကြားနားကြရသည်။မာနထောင်လွားခြင်းသည်ဘာသာတရားကိုင်ရှိုင်းခြင်းကိုအလွန်ပင်မျက်ကွယ်ပြုတတ်သောအစွမ်းရှိသည်။ဝိညာဉ်ရေးဘဝအသက်တာကိုသေဆုံးနိုင်တဲ့အထိကိုပင်မျက်ကန်းတဆေဖြစ်တတ်သည်။ကျွန်ုပ်တို့၏သည်မိမိကိုကိုယ်အထင်ကြီးမာနတက်၍ပင်တစ်ခြားသောမာနကြီးသူများကိုအပြစ်ပေးဆုံးမလွယ်တတ်ကြသည်။ဥပမာယောက်ျားလေးတစ်ယောက်ကမာနကြီးတဲ့အမျိုးသမီးတစ်ယောက်ကိုပညာပေဆုံးမလိုက်ရခြင်းကိုမာန်တက်ပြီးမိမိကိုယ်ကိုမိမိအထင်ကြီးသွေးနထင်ရောက်ပြီးပြောတဲ့စကားက“ဒီလောက်မာနကြီးတဲ့မိန်းမအခုတော့ဘာတတ်နိုင်သေးလဲငါဆုံးမလိုက်ပြီးဆိုပဲ”အမှန်တကယ်တော့သူဟာသူ့မာနနဲ့သူကျရှုံးခဲ့ရသူဖြစ်နေတာသူမသိလိုက်ဘူး။သူကသူတစ်ပါးရဲ့မာနကိုရိုက်ချိုးနိုင်ခဲ့တယ်လို့သူကိုသူမာန်တက်နေခြင်းဟာသူကိုယ်တိုင်ကသူ့ဘဝသေသွားပြီဆိုတာသတိမထားမိလိုက်ဘူး။သူကိုယ်တိုင်ကအရှုံးကြီးဆုံးသွားသူပဲဖြစ်တယ်။သေဆုံးခြင်းရဲ့ဓလေ့ဟာအပြစ်ရဲ့ထုံးစံပါပဲ။အပြစ်တရား၏အဖိုးအခသည်ကားသေခြင်းပင်ဖြစ်၏။(ရောမ၆း၂၃)သေဆုံးခြင်းနှင့်အပြစ်ရဲ့ဓလေ့ဟာမာနထောင်လွှားခြင်းထုံးစံပါပဲ။မာနထောင်လွှားခြင်းဟာကြီးလေးတဲ့အပြစ်ပါပဲ။မာနတရားကြောင့်ပဲလူစီဖာဆိုတဲ့သကြားတမန်ဟာဘုရားကိုအံတုလို့နတ်ဆိုးအကြီးဖြစ်ခဲ့ရတယ်။အာဒံနဲ့ဧဝအပြစ်ထဲကျရောက်သွားရတာဟာမိမိကိုယ်ကိုဘုရားဖြစ်ချင်တဲ့မာနကြောင့်စာတန်ရဲ့လှည့်စားခြင်းကိုခံရတာပဲဖြစ်တယ်။ဒါကြောင့်ကျွန်ုပ်တို့တစ်တွေဟာမာနထောင်လွှားခြင်းတွေလွမ်းမိုးတဲ့ကြားမှာရှင်သန်နေရတဲ့သူတွေဆိုရင်မမှားပါဘူး။ဥပမာလေးတစ်ခုလောက်ဘာသာတူတွေကြားမှာပြရမယ်ဆိုရင်၊သခင်ယေဇူးလက်ဝါးကားတိုင်မှာကျွန်ုပ်တို့အပြစ်များအတွက်အသေခံတော်မူ၍မိမိ၏အသွေးနှင့်အသားကိုပေးနေတဲ့မစ္ဆားတရားယဇ်ပူဇော်ခြင်းကိုဘာသာတူအတော်များများမိမိရဲ့အပြုအမူနဲ့ပြောနေတဲ့ပုံစံက“ငါ့ အတွက်အနှောက်အယှက်မဖြစ်ဘူး၊ငါသွားချင်မှငါဘုရားကျောင်းသွားမစ္ဆားတရားနာမယ်”ဘုရားကျောင်းတက်မစ္ဆားတရားနာတာဘာမှလည်းငါ့အတွက်အကျိုးမရှိဘူးထိုင်လိုက်၊ထလိုက်၊ဒူးထောက်လိုက်နဲ့တစ်ခါတစ်လေဘုန်းကြီးရဲ့တရားကလဲပျင်းဖို့ကောင်းလိုက်သေးကိုယ်ဖာသာကိုယ်အိမ်မှာနေပြီးဘုရားရှိခိုဆုတောင်းတာမှအကျိုးရှိသေးတယ်လို့မာန်တက်ပြီးမာနတခွဲသာနဲ့သူကိုသူဘုရားထက်၊အသင်းတော်သွန်သင်ချက်ဘုရားစကားတွေကိုသိသလိုတတ်သလိုမျက်ကန်းမာနတက်နေပြီးခရစ်တော်၏အသွေးအသားကိုအားဖြစ်သာထာဝရအသက်ကိုရမယ်ဆိုတာကိုမမြင်တဲ့ အပြစ်ထဲမှာသေမဲ့သူဆိုတာသိတိမထားမိဘူး။အဲ့လိုမာနရှိနေတာဟာအဆိုးဆုံးပါပဲ။
ဧဝံဂေလိကျမ်းစာတော်မြတ်၌ကြားရသည်ကားကျွန်ုတို့လောကသားတွေကိုခမည်းတော်ဘုရားကိုအကြောင်းဖော်ပြဖို့သခင်ယေဇူးကြွလာတော်မူခြင်းဖြစ်ကြောင်းကြားသိရပါတယ်။သခင်ယေဇူးသည်လူတိုင်းကိုခမည်းတော်ဘုရားအကြောင်းဖော်ပြတော်မူသည်။ကိုယ်တော်သည်ဘုရားသခင်၏သားတော်ဖြစ်ပြီးကိုယ်တော့်ကိုသိခြင်းသည်ခမည်းတော်ကိုသိချင်ဖြစ်ကြောင်းပြောကြားတော်မူတယ်။လောကမှာဘုရားသခင်ကိုမသိသောသူများကိုကြည့်ခြင်းအားဖြစ်ထိုသူတို့သည်မိမိကိုယ်ကိုမာန်တက်နေသောမာကျောတဲ့စိတ်နှလုံးသားတံခါးကိုပိတ်ထားသူများသာဖြစ်ပြီးကိုယ်တော်ဖော်ပြတော်မူသောခမည်းတော်ကိုလက်မခံနိုင်ကြတာဖြစ်တယ်။
ကျွန်ုပ်တို့တစ်တွေဟာလည်းကလေးငယ်တစ်ယောက်လိုမရပ်မနားမိမိတို့၏စိတ်နှလုံးများမာကြောမနေစေရန်မာန်ကိုလျှော့ကာစိတ်နှိမ့်ချခြင်းဖြင့်နတ်ဆိုး၏နှောက်ယှက်ခြင်းများကိုတွန်းလှန်ဖို့ခွန်အားကိုအဖဘုရားသခင်ထံမှာတောင်းခံရပါမယ်။သခင်ယေဇူးအကြောင်းကိုသိအောင်ကျမ်းစာတော်မြတ်ကိုသိဖို့၊ဖတ်ရှုလေ့လာဖို့ကြိုးစားကြရပါမယ်။မြတ်သောအယူဝါဒ၌သွန်သင်ထားသည်မှာ“သမ္မာကျမ်းစာကိုလစ်လျူရှုသူသည်ခရစ်တော်ကိုလစ်လျူရှုသူသာဖြစ်သည်”(CCC၁၃၃)ဟူသောစကားကိုသတိရကြပါစေ။
