သူတို့သည်ခရီးဆက်ကြစဉ်ကိုယ်တော်သည်ရွာတစ်ရွာသို့ဝင်သဖြင့်မာဿအမည်ရှိသောအမျိုးသမီးတစ်ဦးသည်ကိုယ်တော့်ကိုမိမိ၏အိမ်၌လက်ခံကြိုဆိုလေ၏။မာဿတွင်မာရိယာအမည်ရှိသောညီမတစ်ဦးရှိ၍သူမသည်သခင်ဘုရား၏ခြေတော်ရင်း၌ထိုင်လျက်ကိုယ်တော်၏သွန်သင်ချက်များကိုနားထောင်နေလေ၏။မာဿမူကားဧည့်ခံခြင်းအမှု၌အလုပ်များလျက်ရှိသဖြင့်ကိုယ်တော်၏အထံတော်သို့ချဉ်းကပ်၍သခင်ဘုရား၊ကျွန်မ၏ညီမဖြစ်သူသည်ကျွန်မတစ်ဦးတည်းဧည့်ခံခြင်းအမှုဆောက်ရွက်ရန်ပစ်ထားသည်ကိုသတိမမူပါသလော။သို့ဖြစ်၍ကျွန်မကိုကူညီစေရန်သူမအားအမိန့်ရှိတော်မူပါဟုလျှောက်လေ၏။သို့သော်သခင်ဘုရားကမာဿ၊မာဿ၊သင်သည်များစွာသောအမှုကိစ္စတို့အတွက်စိုးရိမ်ပူပန်ခြင်းရှိ၏။လိုအပ်သောအရာတစ်ခုတည်းသာရှိ၏။မာရိယာသည်ထိုကောင်းမြတ်သောအရာကိုရွေးချယ်လေပြီး။ထိုအရာကိုသူမထံမှဖယ်ရှား၍ရလိမ့်မည်မဟုတ်ဟုမိန့်တော်မူ၏။

***ထောက်ရှုချက်***

တစ်ချို့တွေကပြောကြတယ်ငါတို့ကမာဿနဲ့တူတဲ့သူတွေ၊တစ်ချို့ကလည်းမေရီနဲ့တူတဲ့သူတွေလို့မိမိတို့၏စိတ်နေစိတ်ထားအပြုအမူဖြစ်တဲ့လက်တွေ့သမားနှင့်တရားသမားပေါ်မူတည်ပြီးပြောလေ့ရှိကြတယ်။သို့ပေမဲ့လည်းသခင်ခရစ်တော်ဟာကျွန်ုပ်တို့ကိုမာဿအဖြစ်လည်းမခေါ်သလိုမေရီအဖြစ်လည်းမခေါ်ခဲ့ပါ။ကိုယ်တော်ကျွန်ုပ်တို့ကိုခေါ်နေတာကမေရီ၊မာဿအဖြစ်ကိုခေါ်နေခြင်းဖြစ်တယ်။ကျွန်ုပ်တို့တစ်တွေဟာဆာရာနှင့်မာဿတို့လိုလူသားတစ်ဦး၏အမြင့်မြတ်ဆုံးအနစ်နာခံပြီးလုပ်နိုင်တဲ့အရာတွေထဲကတစ်ခုဖြစ်တဲ့နွေးထွေးစွာဧည့်ဝတ်ပျူငှာခြင်းကိုအတုယူလုပ်ဆောင်ကြရမှာဖြစ်တယ်။ကျွန်ုပ်တို့ဆီကိုအထူးဧည့်သည်တော်တစ်ဦးလာမယ်ဆိုပါစို့ကျွန်ုပ်တို့အမှန်တကယ်ဧည့်သည်ကိုနွေးထွေးပျူငှာစွာဧည့်ခံမည်ဆိုလျှင်အိမ်မှာမည်မျှအလုပ်ရှုပ်ရသည်ကိုကျွန်ုပ်တို့တွေးကြည့်တာနဲ့ပင်တော်တော်လေးအလုပ်ရှုပ်ကြောင်းတွေ့ရပါလိမ်မယ်။အိမ်တွင်းအိမ်ပြင်သန့်ရှင်းရေးလုပ်ရပါမယ်၊ဧည့်သည်အတွက်နေရာထိုင်ခင်ပြင်ဆင်ပေးရပါမယ်၊အစားအသောက်တွေပြင်ဆင်ချက်ပြုတ်ပေးရပါမယ်။ ထို့အပြင်ဧည့်သည်ရောက်လာပြီဆိုဧည့်သည်ကိုဒီအတိုင်းတစ်ယောက်တည်းထားပြီးလုပ်စရာအလုပ်တွေကိုသွားလုပ်နေလို့လည်းဘယ်ဖြစ်ပါ့မလဲ။ဧည့်သည်နှင့်အတူထိုင်ပြီးစကားနားထောင်ပြောဆိုခြင်းတွေကိုလည်းလုပ်ပေးရပါမယ်။ထို့အတွက်ကြောင့်အာဗြဟံနဲ့ မေရီလိုဘုရားသခင်နှင့်အတူနေပြီးတော့ကိုယ်တော်ပြောတဲ့စကားတွေကိုလိုက်နာနားထောင်ရပါမယ်။လူတစ်ယောက်ကိုနားထောင်ပေးရတာလွယ်မယောင်ယောင်နဲ့အရမ်းခက်ခဲလှပါတယ်။အထူးသဖြင့်ဘုရားသခင်ကိုနားထောင်ပေးဖို့ဆိုတာကျွန်ုပ်တို့အတွက်ခက်ခဲတဲ့စိန်ခေါ်မှုကြီးပါပဲ။

အလုပ်လုပ်နေရတဲ့ကျွန်ုပ်တို့တစ်ဦးစီတိုင်းကိုယ်တော်ရှင်ရဲ့စကားကိုနားထောင်ကြရပါမယ်သို့မဟုတ်လျှင်ကျွန်ုပ်တို့ဘာကိုလုပ်နေရလဲ၊ဘာကြောင့်လုပ်နေရလဲကိုမသိနိုင်ပါဘူး။ထို့အတူပင်ကိုယ်တော်ရှင်၏စကားကိုနားထောင်နေသောကျွန်ုပ်တို့တစ်ဦးစီတိုင်းကိုယ်တော်ပြောသည်အတိုင်းအလုပ်လုပ်ရန်လိုအပ်ပါသည်။ကျွန်ုပ်တို့သည်ရှင်ယာကုပ်ပြောခဲ့သည်စကားအတိုင်းမိမိကိုယ်ကိုလှည့်ဖြားလျက်နှုတ်တော်ထွက်စကားကိုကြားနာသူသက်သက်မဖြစ်စေကြဘဲ နှုတ်တော်ထွက်စကားကိုကျင့်ကြံသောသူများဖြစ်ကြရန်အရေးကြီးပါတယ်။ (ယာကုပ် ၁း၂၂)

သို့ဖြစ်၍ချစ်မိတ်ဆွေတို့၊သင်တို့သည်အစဉ်အမြဲနာခံခဲ့ကြသကဲ့သို့ယခုအခါတွင်လည်းဘုရားရှင်၏ရှေ့တွင်သာမက ဘုရားရှင်၏မျက်ကွယ်၌လည်းသင်တို့၏ကယ်တင်ခြင်းအတွက်ကြောင့်ကြောက်ရွံ့တုန်လှုပ်လျက်ကြိုးစားအားထုတ်ကြပါ။(ဖိလိပ္ပိ ၂း၁၂)

မေရီနှင့်မာဿ နှစ်ဦးစလုံးနှင့်တူသော သူသာလျှင် သခင်ယေဇူးနှင့်တူသောသူဖြစ်သည်။

ကျွန်ုပ်တို့တစ်တွေဟာဆေးကြောခြင်းစက္ကရာမင်းတူးအားဖြစ်ခရစ်တော်၏နောက်လိုက်တပည့်များဖြစ်လာကြကာခရစ်တော်နှင့်တူအောင်ဘဝအသက်တာကိုသန့်ရှင်းစင်ကြယ်ခြင်းသို့လျှောက်လှမ်းရသောခေါ်တော်မူခြင်းခံရကြသူများဖြစ်ကြသည်။ကျွန်ုပ်တို့သည်ထိုခေါ်တော်မူခြင်းကိုသတိမေ့လျှော့ကာဘဝမှာအများဆုံးပျော်ရွှင်မှုကိုခံစားရပြီးအနည်းဆုံးနာကျင်မှုကိုခံစားရအောင်ပျော်ပျော်နေရတဲ့ဘဝမျိုးကိုပဲရွေးခြယ်ချင်ကြပါတယ်။

အကယ်၍ကျွန်ုပ်တို့တစ်တွေဟာစင်ကြယ်ခြင်းမှာတိုးပွားလာပြီဆိုလျှင်သခင်ယေဇူး၏လောက၌ခံထမ်းခဲ့သောဒုက္ခဆင်းရဲခြင်းများကိုသာမက၊သခင်ယေဇူးနှင့်အတူထိုဒုက္ခဆင်းရဲခြင်းများ၌ပင်ဝမ်းမြောက်၍လက်ခံနိုင်လာပါလိမ့်မည်။ဘာဖြစ်လို့လည်းဆိုတော့သခင်ယေဇူးကိုကျွန်ုပ်တို့ချစ်သောကြောင့်၊ကိုယ်တော်နှင့်တူချင်သောကြောင့်ပင်ဖြစ်သည်။ကိုယ်တော်ကိုချစ်သောကြောင့်သာလျှင်ကျွန်ုပ်တို့သည်သူတစ်ပါးကိုချစ်လာနိုင်ပြီးသူတစ်ပါးကောင်းကျိုးအတွက်သခင်ယေဇူးနှင့်အတူဒုက္ခဆင်းရဲခြင်းကိုဝမ်းမြောက်စွာခံယူ၍ကိုယ်တော်အလိုရှိတော်မူသောလူအပေါင်းတို့အားကယ်တင်ခြင်းခံရစေရန်နှင့်သမ္မာတရားတော်ကိုသိနားလည်လာကြစေရန်ကျွန်ုပ်တို့ကြိုးစားအားထုတ်ကြရပါမည်။

သင်သခင်ယေဇူးထံမှာမိမိကိုယ်ကိုဆက်ကပ်ထားပြီလား?သင့်ရဲ့သန့်ရှင်းစင်ကြယ်ခြင်းတိုးပွားလာပြီလား?ဒီမေးခွန်းတွေကိုဖြေဖို့ကျွန်ုပ်တို့တွေရဲ့သခင်ယေဇူး၌ခံထမ်းရမည့်ဒုက္ခဆင်းရဲခြင်းများပေါ်ထားရှိတဲ့ကျွန်ုပ်တို့၏။(မေရီမာဿ လို့ခေါ်တဲ့ဘာသာတရားကျင့်ကြံအားထုတ်မှု)စိတ်နေစိတ်ထားကိုကြည့်ရပါမယ်။

(မေရီ= ဘာသာတရား / မာဿ= ကျင့်ကြံအာထုတ်မှု)