 for web4.jpg)
 for web3a.jpg)
2022-07-31 09:28:59
August 1st 2022, Monday
မာတေးဦး ( ၁၄း ၁၃-၂၁)
Sr. FRANCISCA POLO OP
Posted by Sr.Sabina Hla Yee Win,ISR
ဒီကနေ့ပထမကျမ်းစာတော်မြတ်မှာပရောဖက်ယေရမိနဲ့မှားယွင်းစွာလူ့အကြိုက်လိုက်သည့်ပရောဖက်ဟာနနိအကြောင်းကြားနာရပါတယ်။အမှန်တရားဆိုတဲ့ခေါင်းစဉ်ကြီးကအလွန်ခက်ခဲပါတယ်။တခါတရံလူတွေလက်ခံကျင့်သုံးကြပေမယ့်အမှန်မဟုတ်ပါ။တခါတရံလူတွေငြင်းဆန်ထားကြပေမယ့်အမှန်တရားဖြစ်နေတတ်ပြန်ပါတယ်။လက်ခံကျင့်သုံးတာတွေဟာအမှန်တရားဆိုလျှင်အကောင်းဆုံးပါ။ဒီကနေ့ရဲ့ပထမကျမ်းကလိုပေါ့အများကလက်ခံ၊အရာရာအဆင်ပြေတယ်လို့ထင်ရသူကလူ့အကြိုက်လိုက်တဲ့ပရောဖက်အတုဖြစ်နေပြီး၊လူတွေရဲ့လျစ်လျူရှုကဲ့ရဲ့မထီမဲ့မြင်ပြုခံရသူကတော့ပရောဖက်အစစ်ဖြစ်နေခဲ့ပါတယ်။
မိမိရဲ့ဘဝကရောစစ်မှန်ရဲ့လား?***မိမိရဲ့ခေါ်တော်မူခြင်းအသက်တာကရောစစ်မှန်စွာရှင်သန်နေရဲ့လား?ဆိုပြီးမိမိကိုယ်ကိုဆန်းစစ်သင့်ပါတယ်။ဘုရားသခင်ကစစ်မှန်တာကိုနှစ်သက်တယ်ဘာလို့လည်းဆိုတော့သူဟာစစ်မှန်တဲ့ဘုရားမို့ပါ။“သူတို့စားစရာအဖို့သင်တို့ပေးကြလော့”
ဧဝံဂေလိတရားတော်မြတ်မှာသခင်ယေဇူးရဲ့တပည့်တော်တွေဟာလူတွေအတွက်စားစရာ အဖို့ပူပန်သောကရောက်ကြတယ်။သခင်ယေဇူးရဲ့ပြုခဲ့တဲ့အာနုဘော်တွေတွေ့ကြုံလာပေမဲ့တစ်ခုခုကိုရင်ဆိုင်ရတဲ့အခါကိုယ့်ရဲ့အားနည်းတဲ့ခွန်အား၊အစွမ်းအစနဲ့ပဲဆုံးဖြတ်ကြတယ်၊လုပ်ဆောင်ကြတယ်။ဒါကြောင့်အခုလည်းပဲမိမိတို့မှာမရှိတဲ့အစားအစာကိုအဝေးမှာသွားရှာကြဖို့စေလွတ်ဖို့အတွက်တပည့်တော်တွေဟာသခင်ယေဇူးထံတောင်းဆိုကြတယ်။ကျွန်ုပ်တို့တစ်ဦးချင်းစီလည်းအလားတူစွာပဲလူတွေအတွက်အကျိုးပြုလုပ်ငန်းတွေလုပ်ဆောင်ရမယ့်အချိန်၊ဘဝမှာစိန်ခေါ်မှုတွေရင်ဆိုင်ရတဲ့အချိန်တွေမှာအာနုဘော်တန်ခိုးတော်ရှင်ကိုမေ့တတ်ကြပြီးမိမိရဲ့စိုးရိမ်စိတ်နဲ့သာသောကရောက်နေတတ်ကြတယ်။ကျွန်ုပ်တို့နေ့စဉ်ကြုံတွေ့နေရတဲ့အတွေ့အကြုံအားလုံးဟာဒီကနေ့သခင်ခရစ်တော်အာနုဘော်ပြုခဲ့တဲ့မုန့်ငါးလုံးလိုပါပဲ။အဓိကကတော့မိမိစွမ်းအား၊ခွန်အားတွေကိုခရစ်တော်ထံပူဇော်အပ်နှံဖို့ကလိုအပ်တယ်၊အရေးကြီးပါတယ်။ခရစ်တော်ကိုယ်တိုင်ကကောင်းသောပုံသက်သေပြခဲ့ပါတယ်။မုန့်ငါးလုံးနှင့်ငါးနှစ်ကောင်ကိုယူ၍ကောင်းကင်သို့ကြည့်မျှော်လျှက်ကျေးဇူးတော်ကိုချီးမွမ်းပြီးမှမုန့်နှင့်ငါးကိုဖဲ့၍တပည့်တော်တို့အားပေးတော်မူခဲ့ပါတယ်။တနေ့တာလုပ်ကိုင်ဆောင်ရွက်ရမည့်အရာအားလုံးကိုသခင့်ပုံသက်သေအတိုင်းကျွန်ုပ်တို့တစ်တွေလိုက်နာကျင့်ကြံကြပါစို့......
