 for web4.jpg)
 for web3a.jpg)
2022-08-03 05:18:29
August 4th 2022
(ရှင်မာတေးဉီး ၁၆း၁၃-၂၃)
Sr. ROSA MU MU LINN OP
Posted by Sr.Sabina Hla Yee Win, ISR
***ထောက်ရှုချက်***
သခင်ခရစ်တော်မေးတဲ့မေးခွန်းတွေတိုင်းဟာလူတွေအတွက်/သူ့နောက်လိုက်တပည့်တော်တွေအတွက်အမြဲစဉ်းစားတွေဝေစရာဖြစ်စေတာကတော့ငြင်းဆိုဖွယ်ရာမရှိပါပဲ။ချက်ချင်းပြန်လည်တုံံ့ပြန်ဖြေဆိုဖို့ခက်တယ်၊မေးခွန်းသတ်တယ်လို့ပဲဆိုရမလို။ဒီနေ့အဖို့နှုတ်တော်ထွက်စကားတော်မြတ်ထဲမှာလည်းလူတွေကသူ့ကိုဘယ်လိုပြောကြတာလဲ?နင်တို့အတွက်ရောငါဟာဘယ်သူလဲ?ဆိုတဲ့မေးခွန်းကိုခရစ်တော်ကသူ့နောက်လိုက်တပည့်တော်တွေကိုမေးမြန်းခဲ့ပါတယ်။သူဘယ်သူဘယ်ဝါဖြစ်တယ်ဆိုတာသူကိုယ်တော်တိုင်သိပါရဲ့နဲ့ဘာရည်ရွယ်ချက်နဲ့များတစ်ထူးတစ်ခြားမေးနေရသေးတာပါလဲ?လူတွေပေးလာမယ့်အဖြေကရောသူ့အတွက်အရမ်းကိုအရေးပါနေလို့လား?ဒါ့အပြင်လူ့ရဲ့စိတ်/အတွေးကိုသူကြိုတင်ဖတ်နိုင်တာပဲမဟုတ်လားဆိုတဲ့မေးခွန်းတွေကလည်းကျွန်ုပ်အတွက်ပြန်လည်တွေးတောဆင်ခြင်စရာတွေပါပဲ။
သမာဟောင်းကျမ်းမှာကတည်းကဘုရားသခင်ဟာသူကိုယ်တော်တိုင်မိမိမည်သူဖြစ်တယ်ဆိုတာလူသားတွေကိုနည်းအမျိုးမျိုးနဲ့ဖော်ြပခဲ့တယ်၊လူသားတွေပိုပြီးလက်ခံလာနိုင်အောင်လည်းလူ့အဖြစ်ကိုယူတယ်။ကားတိုင်ထက်မှာသူ့ရဲ့ချစ်သက်သေပြခဲ့ပါသေးတယ်။ပုံစံအမျိုးမျိုးနဲ့အချိန်ယူပြီးမိမိကိုယ်ကိုထုတ်ဖော်ြပသခြင်းဟာအခြားတစ်ဘက်မှာလူတွေရဲ့တဖြည်းဖြည်းသူ့အပေါ်သက်ဝင်ယုံကြည်လာမှုလိုအပ်ကြောင်း(သို့)လူသားတွေရဲ့လက်ခံနိုင်စွမ်းအားနည်းမှုကိုလေးစားအသိအမှတ်ပြုပေးတယ်ဆိုတာရယ်သူ့ရဲ့စိတ်ရှည်မှုကိုလည်းရည်ညွှန်းဖော်ဆောင်နေသလိုပါပဲ။ရှင်ပေတရုကတော့ အားလုံးထဲမှာခရစ်တော်လိုချင်တဲ့အဖြေကိုပေးနိုင်ခဲ့တဲ့သူဖြစ်မယ်လို့ယုံကြည်ပါတယ်။သင်ဟာကယ်တင်ရှင်(မယ်ဆီးယား)၊အသက်ရှင်တော်မူသောဘုရားရဲ့သားတော်ဖြစ်တယ်ဆိုပြီးတခြားသူတွေမထင်မှတ်ထားတဲ့အရာကိုပေတရုဟာဘုရားပေးတဲ့ဉာဏ်တော်နဲ့သူ့နှုတ်ခမ်းမှဖွင့်ဟပြောဆိုနိုင်ခဲ့ပါတယ်။
အကယ်၍များဘုရားသခင်ဟာသင့်အတွက်ဘယ်သူလဲ၊သင့်ရဲ့အတွေး/ဘဝမှာသူဘယ်လောက်ထိနေရာယူလွမ်းမိုးထားပြီလဲလို့ကျွန်ုပ်ကိုမေးခဲ့မယ်ဆိုရင်ဒီမေးခွန်းကိုမဖြေခင်မှာဦးဆုံးကတော့ဘုရားတပည့်တော်၏အပြစ်ကိုခွင့်လွတ်တော်မူပါလို့တောင်းပန်ရမယ့်အနေအထားပါပဲ။အကြောင်းရင်းကတော့ကျွန်ုပ်ရဲ့မရိုးနိုင်တဲ့မုသားစကားတွေကြောင့်ပါပဲ။အဆင်ပြေပြီးအာရုံကြည်လင်ခိုက်ငါ့ရဲ့ဖြစ်တည်မှုတစ်ခုလုံးထာဝရဘုရားရှင်ကိုချီးမွမ်းရှိခိုးဝတ်ပြုကိုးကွယ်ပါ၏၊ယုံကြည်ပါ၏၊ကိုယ်တော်ရှင်သာကျွန်ုပ်ဘဝရဲ့အရာအားလုံးအစရှိသဖြင့်ရေရွတ်နေလိုက်တာများတက်ကြွနေရောပဲ။သို့သော်အကြပ်အတည်း/ဒုက္ခ/မပြေလည်မှု/နှောင့်ယှက်ခြင်းနှင့်ရင်ဆိုင်ရသောအခိုက်အတန့်မှာကျွန်ုပ်၏ယုံကြည်ကိုးစားမှုဟာကျွန်ုပ်၏ကြွေးကြော်သံနှင့်ထပ်တူမဖြစ်နိုင်ခဲ့ဘူး။ဒါ့ကြောင့်ဘုရားရှင်အားနှုတ်အားဖြင့်အလွယ်တကူဝန်ခံပြောဆိုခြင်းသာမဟုတ်ဘဲနေ့စဉ်ဖြတ်သန်းရှင်သန်နေထိုင်ရသောကောင်းခြင်း/မကောင်းခြင်းနေ့ရက်တွေတိုင်းမှာဘုရားရှင်ဟာကျွန်ုပ်အတွက်မည်သူဖြစ်တယ်ဆိုတာသာမန်ထက်ကျော်လွန်တဲ့ဘဝ/လုပ်ဆောင်မှုတွေနဲ့သက်သေပြနိုင်တဲ့အသက်တာကိုပဲပိုင်ဆိုင်လိုပါတယ်။ ဒီအသက်တာကိုလည်းဘုရားရှင်ချစ်သောသားသမီးတိုင်းပိုင်ဆိုင်နိုင်ကြပါစေလို့စိန်ဂျွန်မေရီဗီရဲနေထံမှတစ်ဆင့်ထပ်ဆင့်ဆုတောင်းရင်း...
