 for web4.jpg)
 for web3a.jpg)
2022-08-11 10:02:54
12 th of August, 2022
ပထမကျမ်း- ယေဇကျေလအနာဂတ်တိကျမ်း ၁၆း၁-၁၅,၆၀,၆၃
ဧဝံဂေလိကျမ်း ရှင်မာတေးဦး ရှင်မာတေဦး ( ၁၉း ၃-၁၂ )
Bro. Ephraim Nay Myo Thu, OP
Posted by Sr. Sabina Hla Yee Win, ISR
ထောက်ရှုချက်။ ။
ဘုရားရဲ့ကောင်းကင်နိုင်ငံတော်ကိုပြန်ဝင်စားဖို့အတွက်ဘုရားသခင်ဟာကျွန်တော်တို့ကိုလွတ်လပ်စွာရွေးချယ်ခွင့်ပေးထားခဲ့တယ်။ဒီအခွင့်အရေးကဘာလဲကျွန်တော်တို့လူ့လောကမှာနေရတဲ့အချိန်ခဏလေးအတွင်းမှာဘုရားသခင်ရဲ့ခေါ်တော်မူခြင်းတွေဖြစ်တဲ့ကိုယ့်ရဲ့ဘဝကိုဘုရားဆီမှာလုံးလုံးလျားလျားဆက်ကပ်အပ်နှံတဲ့ရဟန်း၊သီလရှင် တို့ရဲ့ဘဝ၊လက်ထပ်ထိမ်းမြှားခြင်းအမှုပြုပြီးအိမ်ထောင်သည်ဘဝနဲ့ဘုရားကိုအစေခံခြင်းစတဲ့ခေါ်တော်မူခြင်းအမျိုးမျိုးနဲ့ကျွန်တော်တို့ရွေးချယ်အသက်ရှင်နေထိုင်ကြပါတယ်။ရဟန်းသီလရှင်မဟုတ်တဲ့တစ်ချို့သောသာမာန်လူတွေဟာသူတို့ဘဝမှာလက်ထပ်တယ်ဆိုတာကိုအပျော်တစ်ခုအဖြစ်သတ်မှတ်ထားကြတယ်။ပြီးတော့လင်နဲ့မယား ကွာရှင်းပြတ်စဲတာလည်းအပျော်အပျက်တစ်ခုလိုဘဲသဘောထားကြတယ်။လက်ထပ်ထိမ်းမြားခြင်းကိုအလေးနက်မထားကြတာတွေ့ရတယ်။ဒါဟာတိုးတက်ပြောင်းလဲနေတဲ့ယနေ့ခေတ်သစ်ကြီးမှာပိုပြီးတော့ဖြစ်ပျက်နေတာကိုတွေ့ရတယ်။တကယ့်ပျော်ရွှင်မှုအစစ်အမှန်ကိုဘုရားဆီကလွှဲပြီးကျန်တဲ့ဖန်းဆင်းခံတွေဆီကမရနိုင်ပါဘူး။လင်နဲ့မယားကွာရှင်းပြတ်စဲ့တဲ့ကိစ္စဟာအခုမှမဟုတ်ပါဘူးသခင်ယေဇူးခေတ်ကတည်းကအငြင်းပွားမှုတွေရှိခဲ့တယ်။ဒီကနေ့ဧဝံဂလိကျမ်းမှာသင်ယေဇူးဟာဒီကိစ္စနဲ့ပတ်သက်ပြီးဖာရီဇေဦးတွေကိုပြန်လည်ချေပပုံမှာတကယ်ဘဲရိုးရှင်းကောင်းမွန်လှပါတယ်။ရဟန်း၊သီလရှင်တို့ရဲ့ဘဝတွေဘဲမြင့်မြတ်တာမဟုတ်ဘူး။အိမ်ထောင်သည်ဘဝနဲ့ဘုရားကို အစေခံနေကြတဲ့သူတွေလည်းမြင့်မြတ်ပါတယ်။လက်ထပ်ထိမ်းမြှားခြင်းဆိုတာစက္ကရာမင်းတူး(၇)ပါးထဲကတစ်ပါးအပါအဝင်ဖြစ်တယ်။ဒါကြောင့်ဘုရားသခင်ပေါင်းဖက်ထားတဲ့အရာကိုဘယ်အရာ၊ဘယ်သူကမှခွဲခွာလို့ မရပါဘူး။ ဓမ္မဟောင်းကျမ်းမှာပရောဖက်မိုးဇက်ကကွာရှင်းပြတ်စဲခြင်းကိုလက်ခံခဲ့တယ်ဆိုတာကလူတွေရဲ့ခေါင်းမာမှု၊စိတ်နှလုံးခက်ထန်မှုကြောင့်ဖြစ်တယ်။ဟုတ်ပါတယ်၊တကယ့်လက်တွေ့ဘဝမှာတစ်ချို့သောအိမ်ထောင်သည်တွေဟာ သူတို့ရဲ့အိမ်ထောင်ရေးသက်တမ်းကိုအဆုံးထိမသွားနိုင်ကြပါဘူး။အချိန်ခဏလေးအတွင်းမှာသူတို့ရဲ့ဆက်ဆံရေးဟာပျက်စီးလာတယ်။လက်ထပ်ထိမ်းမြှားခြင်းအမှုပြုပြီးမှလင်နဲ့မယားဟာကိုယ်စီကိုယ့်လမ်းကိုပြန်လျှောက်ကြတယ်။ဒါဟာလုံးဝမဖြစ်သင့်တဲ့အရာတစ်ခုပါ။ဘာကြောင့်လဲဆိုတော့ရှင်မာတေဦး(၁၉း၅-၆)မှာ“ယောင်္ကျားသည် မိမိ၏မိဘတို့ကိုစွန့်ခွာ၍မိမိ၏ဇနီးနှင့်ပေါင်းသင်းနေထိုင်ရမည်။ထိုအခါထိုသူနှစ်ဦးတို့သည်တစ်သားတစ်ကိုယ်တည်းဖြစ်ကြရလိမ့်မည်။သူတို့သည်နှစ်ဦးမဟုတ်တော့ဘဲတစ်ဦးတည်းဖြစ်၏။”ဟုသခင်ခရစ်တော်မိန့်ကြားထားပါတယ်။ ကိုယ့်ရဲ့“Spouse” ကြင်ရာဖက်တစ်ယောက်ကအကျင့်အလွန်ပျက်ပြားနေလို့သူ့ကိုကွာရှင်းပြတ်စဲတာက လွှဲပြီးတစ်ခြားဘယ်အကြောင်းအရာကြောင့်ကွာရှင်းပြတ်စဲခွင့်မရှိပါဘူး။ဒါကိုရှင်မာတေဦး(၁၉း၉)မှာဖော်ပြထားကိုလည်းတွေ့ရပါတယ်။ဒီကနေ့အဖို့ကျွန်တော်တို့ပြန်လည်စဥ်းစားထောင့်ရှုရမယ့်အချက်က“တကယ်လို့ငါဟာဘုရားရဲ့ခေါ်တော်မူခြင်းလမ်းစဥ်တွေထဲကအိမ်ထောင်သည်ဘဝကိုရွေးချယ်ထားသူတစ်ယောက်အနေနဲ့ဒီဘဝနဲ့ဆက်စပ်တဲ့ဥပဒေတွေစောင့်ထိန်းခဲ့လား၊မိဘဝတ္တရားတွေကျေပွန်ပြီလား။ဒါမှမဟုတ်သူတော်စင်ရဟန်း၊သီလရှင်ဘဝကိုရွေးချယ်ထားရင်ဒီဘဝနဲ့ကိုက်ညီတဲ့ကျင့်စဥ်ကိုကျင့်နေရဲ့လား”ဆိုတာကိုပြန်လည်ထောင့်ရှုရင်း ကမ္ဘာတစ်ဝှမ်းမှာရှိတဲ့အိမ်ထောင်သည်ဘဝနဲ့ဘုရားကိုအစေခံတဲ့သူတွေအတွက်ကောရဟန်း၊သီလရှင်ဘဝနဲ့ကိုယ့်ဘဝကိုအများအတွက်ပေးလှူထားတဲ့သူတော်စင်တွေအတွက်ပါအထူးသတိယဆုတောင်းပေးကြပါစို့။
