 for web4.jpg)
 for web3a.jpg)
2022-08-22 09:46:54
23.8.2022 Tuesday
Matt: 23:23-26
Reflection by Fr. John Suey, O.P
Posted by Sr.Sabina Hla Yee Win, ISR
'woe'ဆိုတဲ့အင်္ဂလိပ်စကားလုံးဟာအင်္ဂလိပ်တွေရဲ့အသုံးအနုနုန်းမှာပြောတဲ့သူရော၊အပြောခံရသူပါမသုံးချင်၊မကြားချင်ဆုံးစကားလုံးအသုံးနန်ုးတစ်လုံးဖြစ်ပါတယ်။ဒီစကားလုံးဟာသာမန်ဆဲဆိုတာထက်လေးနက်တဲ့သဘောအမြဲရှိပါတယ်။မြန်မာလိုကတော့'အမင်္ဂလာ'ဒါမှမဟုတ်'ကျိန်ဆိုခြင်း'လို့အနီးစပ်ဆုံးမှတ်ယူလို့ရပါတယ်။
လူ့အသိုင်းအဝန်းမှာဒီလိုစကားလုံးကိုမသုံးကောင်း၊မကြားကောင်းမှန်းသိကြတယ်။သုံးမိခဲ့ရင်လည်းသုံးတဲ့သူကော၊အသုံးခံရသူနှစ်ဦးကြားမှာအဆင်မပြေမှုဟာအတိုင်းအတာတစ်ခုအထိမြင့်မားနေတယ်လို့ယူဆလို့ရပါတယ်။
ကျမ်းစာတော်မြတ်မှာဒီစကားလုံးကိုမကြာမကြာသုံးမိတဲ့သူတွေထဲမှာသခင်ခရစ်တော်ပါတယ်ဆိုတာဒီကနေ့ကျမ်းချက်ကသက်သေပဲဖြစ်ပါတယ်။သခင်ယေဇူးကိုယ်တိုင်ဘာလို့ဒီလိုစကားလုံးကိုသုံးခဲ့ရတာလဲ၊ဒီစကားလုံးကိုသုံးရလောက်အောင်သူထိတွေ့ခဲ့တဲ့လူတွေနဲ့ဆက်ဆံမှုတင်းမာနေတဲ့အခြေအနေတစ်ခုနေခဲ့တာလားဆိုတာစဉ်းစားစရာဖြစ်ပါတယ်။မှန်ပါတယ်..ခရစ်တော်ရဲ့အသက်တာနဲ့ကောင်းကင်းနိုင်ငံတော်အကြောင်းကိုသွန်သင်တဲ့အချိန်တွေမှာသူ့ရဲ့တရားနာပရိသတ်ကလူတန်းစားအမျိုးမျိုးရှိခဲ့ပါတယ်။ ချမ်းသာကြွယ်ဝတဲ့သူတွေကနေ့လမ်းဘေးသူတောင်းစားတွေ၊အစွန့်ပစ်ခံတွေပါတယ်။အုပ်ချုပ်မင်းမူသူတွေကနေ့ အနိမ့်ဆုံးစစ်သားတွေလည်းပါတယ်။တစ်နည်းအားဖြင့်သူ့ရဲ့တရားတော်ဟာဘယ်သူ့ကိုမှမချန်လှပ်ထားဘူး၊ဘာလို့လဲဆိုတော့သူ့ရဲ့တရားတော်တွေ၊သွန်သင်ချက်တွေဟာ'လူ'ဆိုတဲ့သတ္တဝါအယောက်စီတိုင်းဖြစ်ပါတယ်။ သူလူ့လောကကိုကြွလာရခြင်းရဲ့အဓိကရည်ရွယ်ချက်တွေထဲကတစ်ခုကတော့ဒီလောကမှာ၊နောက်ပြီးလူတွေရဲ့နှလုံးသားထဲမှာ"ကောင်းကင်နိုင်ငံတော်လို့ခေါ်တဲ့ဘုရားသခင်ရဲ့အုပ်စိုးမှု၊စိုးမိုးမှု"ဖြစ်တည်ဖို့ဖြစ်ပါတယ်။
ဘုရားနိုင်ငံတော်စိုးမိုးဖို့ဟောပြော၊သက်သေခံရင်းနဲ့လည်းခရစ်တော်ဟာသည်းမခံနိုင်၊စိတ်မရှည်နိုင်တဲ့အခြေအနေတစ်ခုရောက်သွားတာဒီကနေ့ကျမ်းစာကမီးမောင်းထိုးပြနေတာ။သူစိတ်မရှည်မိတဲ့လူတန်းစားကတော့ ကျမ်းတတ်ဆရာတွေ၊ဖာရီဇေဦးတွေ၊ဘာသာရေးခေါင်းဆောင်တွေဖြစ်တယ်ဆိုတာ အားလုံးသိပြီးသားဖြစ်ပါတယ်။
ဒီလူတန်းစားတွေကိုအားမရဖြစ်ပြီးစိတ်မရှည်ရခြင်းရဲ့ အဓိကအကြောင်းရင်းကတော့သူတို့တွေဟာ အခြားသာမန်လူတန်းစားတွေထက်သိ၊တတ်၊နားလည်ပေမဲ့ခရစ်တော်ရဲ့တရားတော်ကိုလက်ခံဖို့ လုံးဝခက်ခဲနေခြင်းပဲဖြစ်ပါတယ်။
ဘယ်သူပဲဖြစ်ဖြစ်သိတဲ့အတိုင်းပြုမူနေထိုင်တတ်တဲ့သူတွေဟာအနှစ်သာရပြည့်ဝတဲ့ဘဝတစ်ခုကိုပိုင်ဆိုင်ထားကြသူတွေပဲဖြစ်တယ်။ဒီတော့အထက်မှာပြောထားတဲ့'ဆရာ"လူတန်းစားဟာအပေါ်ယံအားဖြင့်ကြည်ညိုချင်စရာ၊အားကိုးချင်စရာဖြစ်ပေမဲ့သူတို့ရဲ့လုပ်ရပ်နဲ့ကျင့်စဉ်ဟာတစ်ခြားစီဖြစ်နေတာကတော့ခရစ်တော်ကိုယ်တော်တိုင် ထောက်ပြရတဲ့အထိဖြစ်ပါတယ်။
ကျွန်တော်တို့တစ်ဉီးစီဟာလည်းဒီ"ဆရာ"တွေနဲ့နေရာမှာဝင်နေကြည့်မယ်ဆိုရင်နေရာအများကြီးရှိမယ်လို့ ယုံကြည်ပါတယ်။ကိုယ်စီရဲ့အသက်သာတွေမှာကောင်းမြတ်တာတွေ၊တန်ဖိုးထားစရာတွေနဲ့တစ်နည်းမဟုတ်တစ်နည်းကြုံကြိုက်ကြရတာကတော့ငြင်းမရပါဘူး။အဆိုးရွားဆုံးအခြေအနေတွေကိုရောက်နေကြတောတောင်မှဘုရားကို ကျေးဇူးတင်စရာအခြေအနေတွေလည်းတွေ့ကြုံခံစားကြရတာကတော့အမြဲရှိနေမှာပါ။တကယ်တော့ဘယ်သူပဲဖြစ်ဖြစ်"တရားရှာ၊ကိုယ်မှာတွေ့"တွေချည်းပါပဲ။"Know Thyself"-မိမိကိုယ်ကိုသိပါဆိုတဲ့ဒဿနစကားလုံးကိုအချိန်ယူပြီးစဉ်းစားရင်တော့ခရီးအင်မတန်တွင်တဲ့စကားလုံးတစ်လုံးဖြစ်ပါတယ်။
ပညာပါရမီမှာမပြည့်ဝတဲ့သူတွေဟာသူ့လိုမပြည့်ဝတဲ့သူတွေကိုရှာပြီးအဖော်ညှိတတ်ကြတယ်။သူ့လိုအဖော်ရပြီဆိုရင်'မပြည့်ဝတဲ့ဒီလိုအသိုင်းအဝန်းထဲမှာပဲအသိုက်ဆောက်ဖို့ကြိုးစားတတ်ကြတာဟာလည်း'ကျွန်တော်တို့ပါနေတတ်ပါတယ်။ကျမ်းတတ်ဆရာတွေ၊ဖာရီဇေဉီးတွေခရစ်တော်နဲ့ကြုံကြိုက်တဲ့အချိန်မှာသူတို့ဟာအလိုလိုနဲ့အောက်ရောက်နေတာကိုသတိထားမိကြတယ်။သူ့လမ်းစဉ်ကိုလိုက်မယ်ဆိုရင်စစ်မှန်တဲ့လမ်းမှန်ပေါ်ရောက်သွားမယ်ဆိုတာလည်းသိကြတယ်။ခရစ်တော်နဲ့တစ်တန်းတည်းနေရအောင်ဆိုတာလည်းသူ့လိုပါရမီမပြည့်ဝတော့ဘေးမှာ၊အောက်မှာနေပြီးမကောင်းကြံစည်တာတွေပဲလုပ်နိုင်တဲ့အခြေအနေဖြစ်သွားတယ်။သူတို့တွေရဲ့အခြေအနေ၊စိတ်နေစိတ်ထားကိုကြည့်ပြီးခရစ်တော်ဟာဂရုဏာဒေါသထွက်ခဲ့ရပါတယ်။လူတွေဆိုတာနာဖူးမှ၊နာတတ်မှနာတယ်ဆိုတဲ့အရသာနဲ့ အဓိပ္ပါယ်ပါသိတတ်ကြသလိုခရစ်တော်ဟာလည်းဒီ'ဆရာ'တွေကိုနိုးထစေနိုင်တဲ့စကားလုံးတွေနဲ့သုံးနုန်းဆက်ဆံပြီးဆုံးမတာဟာလည်းစေတနာသန့်သန့်လေးပဲဖြစ်တယ်ဆိုတာငြင်းလို့မရပါဘူး။ဒီတော့ဒီကနေ့သင်ဟာဘယ်လို'ဆရာ'မျိုးလဲဆိုတာ"Know Thyself before you know your God"လို့ပဲသတိပေးကောင်းပါတယ်။
