 for web4.jpg)
 for web3a.jpg)
2022-08-26 09:04:37
(27/8/2022)
Matt 25:14-30
Bro. Gabriel Khun Ri, O.P.
Posted by Sr. Sabina Hla Yee Win, ISR
***Gospel Reflection***
ယနေ့ဧဝံဂေလိကျမ်း၌သခင်ခရစ်တော်ကကောင်းကင်နိုင်ငံတော်သည်ခရီးမထွက်ခွါမီမိမိ၏ဥစ္စာများကိုမိမိ၏အစေခံများထံ အပ်နှံသောသူနှင့်တူကြောင်းပုံဥပမာပေးမြွက်ကြားခဲ့ပါသည်။ဤပုံဥပမာကိုသံမာတေဦးဧဝံဂေလိကျမ်း၏ယေဇူးခရစ်တော် ဒုက္ခစရိယာခံထမ်းခြင်းမတိုင်ခင်တွင်ထားရှိခြင်းသည်အကြောင်းတင့်သင့်ဆီလျော်လှပါသည်။အကြောင်းမှာသခင်ခရစ်တော်သည်ယင်းပုံဥပမာထဲကလုပ်ငန်းရှင်နှင့်အလားသဏ္ဍာန်တူသောကြောင့်ဖြစ်ပါသည်။
သူသည်ဤလောကမှမထွက်ခွါမီသူအစပြုခဲ့သောကယ်တင်ခြင်းလုပ်ငန်းကိုသူ၏တပည့်တော်များအားဆက်လက်ထမ်းဆောင်စေခဲ့ပါသည်။ဤသို့ဖြင့်ကိုယ်တော်သည်တပည့်တော်များအားပုံဥမာထဲရှိသစ္စာရှိသောငယ်သားကောင်းနှစ်ဦးကဲ့သို့ကျင့်ဆောင်ကြရန်အလိုတော်ရှိခဲ့ပါသည်။ထိုနည်းတူစွာဘုရားသခင်သည်ကျွန်ုပ်တို့တစ်ဦးချင်းစီအပေါ်၌လည်းအရည်အချင်းများပေးသနားတော်မူပါသည်။ထိုသို့ရရှိထားသောအရည်အချင်းများကိုအရင်းတည်၍ကိုယ်တော်၏ဘုန်းဂုဏ်တော်တိုးပွါးအောင်လုပ်ဆောင်ရန်မိမိတို့ကိုယ်စီ၌တာဝန်ရှိကြောင်းယနေ့ဧဝံဂေလိကျမ်းမှတဆင့်ကျွန်ုပ်တို့ကိုသတိပေးနေပါသည်။မိုက်မဲပျင်းရိသောငယ်သားကဲ့သို့ကျွန်ုပ်တို့၏အရည်အချင်းများအလဟသမဖြစ်စေပဲဘုရားသခင်၏နိုင်ငံတော်တိုးတက်ရာတိုးတက်ကြောင်း၌အကျိုးရှိစွာအသုံးချရမည်ဖြစ်သည်။သို့မှသာဘုရားသခင်နှင့်ကျွန်ုပ်တို့စာရင်းရှင်းသည့်နေ့ရောက်သောအခါကိုယ်တော်၏ဝမ်းမြောက်ခြင်း၌ကျွန်ုပ်တို့ပါဝင်ခံစားနိုင်မည်ဖြစ်သည်။
