 for web4.jpg)
 for web3a.jpg)
2022-09-01 08:12:46
(၂)ရက် စက်တင်ဘာလ ၂၀၂၂ (သောကြာနေ့)
ဧဝံဂေလိကျမ်း (ရှင်လုကာ ၅း ၃၃ - ၃၉)
by Nov. Ja Seng Mai
Posted by Sr. Sabina Hla Yee Win, ISR
*** ထောက်ရှုချက်***
လူသားတွေအပေါ်ဘုရားသခင်ကအသစ်သောနည်းလမ်းများဖြင့်တစ်ဖန်သွန်သင်ဆက်ဆံနေတယ်ဆိုတာကိုဤကနေ့ဖတ်ရှုရသည့်ယေဇူးသခင်၏သွန်သင်ချက်အားဖြင့်တွေ့ရှိနိုင်ပါတယ်။ကျမ်းတတ်ဆရာများနှင့်ဖါရီဇေဦးများသည်ဓမ္မဟောင်းကျမ်းနှင့်တရားဥပဒေများကိုသိကျွမ်းသော်ဌားလည်းသူတို့၏ခေါင်းမာတောင့်တင်းမှုကြောင့်သခင်ယေဇူးကိုဘုရား၏သားတော်ဟုမယုံကြည်နိုင်ကြချေ။
တစ်ခါတစ်ရံမှာကျွန်ုပ်တို့သည်လည်းဤကနေ့ကျမ်း၌တွေ့ရှိရသောကျမ်းတတ်ဆရာများနှင့်ဖါရီဇေဦးများကဲ့သို့အလွန်ခေါင်းမာတောင့်တင်းကြတတ်ပြီးဘဝရဲ့နေ့စဉ်အသက်တာ၌ဘုရားသခင်ရဲ့နည်းလမ်းသစ်ကိုမမြင်တတ်ကြပါဘူး။ခေါင်းမာတောင့်တင်းမှုကကျွန်ုပ်တို့ကိုမာနထောင်လွှားစေပြီးသူတစ်ပါးထံ၌ဘုရားသခင်ရဲ့တည်ရှိခြင်းကိုမျက်ကွယ်ပြုစေနိုင်ပါတယ်။ဆိုးရွားတာကတော့ကိုယ့်ကိုယ်ကိုအကောင်းဆုံး၊အမှန်ကန်ဆုံးထင်မှတ်ပြီးသူတစ်ပါးကိုအသိအမှတ်မပြုနိုင်ခြင်းဖြစ်တယ်။အမြဲတမ်းကိုယ့်အတွေး၊ကိုယ်သိတာနဲ့ပဲနေတယ်ဆိုရင်ဘယ်တော့မှပြောင်းလဲမှာမဟုတ်သလို၊လူသစ်လူပျော်လည်းဖြစ်လာနိုင်မှာမဟုတ်ပါဘူး။
အရေးကြီးတာကကျွန်ုပ်တို့၏စိတ်နှလုံးကိုဖွင့်ဟတတ်ရန်နှင့်ကျွန်ုပ်တို့မြင်ရန်မမျှော်လင့်ထားသည့်အရာတွင်ပင်ဘုရားသခင်၏မေတ္တာတော်ပေါ်ထွန်းခြင်းကိုမြင်တွေ့ရန်ဖြစ်သည်။ဘာဖြစ်လို့လဲဆိုတော့စပျစ်ရည်အသစ်ကိုစပျစ်ရည်အရေခွံအသစ်တွင်သာထည့်သွင်းသိမ်စည်းနိုင်လိုပါ။စပျစ်ရည်သစ်ကိုသိုလှောင်နိုင်ပြီးထိုစပျစ်ရည်ကိုသောက်သောသူတို့၏စိတ်နှလုံးကိုရွှင်လန်းစေမည့်စပျစ်ရည်အရေခွံအသစ်ဖို့ ကြိုးစားသွားကြပါစို့.... လူဖြစ်ကြပါစို့။
