 for web4.jpg)
 for web3a.jpg)
2022-09-03 06:46:55
(၂၃) ကြိမ်မြောက်သာမန်တနင်္ဂနွေနေ့
(၄) ရက် စက်တင်ဘာလ ၂၀၂၂
ဧဝံဂေလိကျမ်း (ရှင်လုကာ ၁၄း၂၅-၃၃)
by Sr. Cecilia Khawn Num FMA
Posted by Sr. Sabina Hla Yee Win, ISR
***ထောက်ရှုချက်***
“ကိုယ်တော်သည်လည်းလှည့်၍သူတို့အားမိန့်တော်မူသည်ကား၊ငါ့ထံသို့လာသောသူသည်မိမိ၏မိဘ၊ဇနီးခင်ပွန်း၊သားသမီး၊ညီအစ်ကိုမောင်နှမစသည်တို့ကိုဖြစ်စေ၊မိမိအသက်ကိုပင်ဖြစ်စေမမုန်းလျှင်ငါ၏တပြည့်မဖြစ်နိုင်ရာ။ မိမိလက်ဝါးကပ်တိုင်ကို မထမ်းဘဲငါ့နောက်သို့လိုက်သောသူသည်လည်းငါ၏တပည့်မဖြစ်နိုင်ရာ။”
ဘာကြောင့်သခင်ခရစ်တော်ကကျွန်ုပ်တို့ကိုသူ့ရဲ့နောက်လိုက်ကောင်းဖြစ်ဖို့ရန်အတွက်ကျွန်ုပ်တို့ရဲ့မိသားစုမိဘ၊ညီအစ်ကိုမောင်နှမတွေကိုမုန်းပါလို့ပြောနေတာလဲ။သခင်ခရစ်တော်ပြောတဲ့“မုန်းခြင်း”ဆိုတာဟာမချစ်ဖို့ပြောတာမဟုတ်ပဲပထမဦးစားပေးဖို့ပြောခြင်းဖြစ်ပါတယ်။ဘုရားကလွဲ၍အရာအားလုံးကိုပထမနေရာမှာမထားဖို့တောင်းဆိုခြင်းဖြစ်တယ်။ဘာဖြစ်လို့လဲဆိုတော့ ဘုရားသခင်ကကျွန်ုပ်တို့ကိုသူ့ရဲ့ချစ်သားသမီးတွေအဖြစ်သူ့ရဲ့ရွှေပုံသဏ္ဍာန်တော်နှင့်တူအောင်ဖန်ဆင်းထားတယ်။
ဘုရားသခင်က အမြဲတမ်းကျွန်ုပ်တို့ကိုသူ့ရဲ့ထာဝရမပြောင်းလဲသောချစ်ခြင်းမေတ္တာဖြင့်ပထမဦးစားပေးနေရာမှာအမြဲတမ်းထားတယ်။စစ်မှန်တဲ့ချစ်ခြင်းမေတ္တာဟာအမြဲတမ်းအဆုံးစွန်အထိ ပေးဆပ်အနစ်နာခံနိုင်စွမ်းရှိတယ်။ ဒါကြောင့် ဘုရားသခင်ကသူ့ရဲ့တပါးတည်းသောသားတော်ဘုရားကိုစွန့်သည့်တိုင်အောင်သူ့ရဲ့ချစ်ခြင်းမေတ္တာကိုပြသခဲ့တယ်။ဘုရားသခင်ထက်ပိုဦးစားပေးသောဘယ်ဆက်ဆံရေးမဆို၊ ဘယ်ပိုင်ဆိုင်မှုမဆိုရုပ်ထုကိုးကွယ်ခြင်းပဲဖြစ်ပါတယ်။ဒါဟာဖန်ဆင်းခံအရာတွေကိုဖန်းဆင်းရှင်ရဲ့နေရာမှာထားခြင်းဖြစ်ပါတယ်။သခင်ခရစ်တော်ကသူ့ရဲ့တပည့်တော်ကြီးတွေကိုဘယ်အရာတွေကိုဘဝရဲ့ပထမနေရာမှာထားနေကြသလဲဆိုတာကိုပြန်လည်သုံးသပ်စစ်ဆေးဖို့သတိပေးလိုက်ခြင်းလဲဖြစ်ပါတယ်။ကျွန်ုပ်ဘဝမှာဘုရားသခင်မဟုတ်တဲ့အခြားအရာတွေဖြစ်တဲ့ရွှေ၊ ငွေ၊ မူးယစ်ဆေးဝါး၊အောင်မြင်ကြော်ကြားမှု၊အာဏာရှိမှုတွေကကျွန်ုပ်တို့ကိုလွမ်းမိုးထားသလား။သခင်ခရစ်တော်သာလျှင်ကျွန်ုပ်တို့ဘဝရဲ့ဆရာသခင်ဖြစ်ပြီးကျွန်ုပ်တို့ကိုအပြစ်နှင့်လောဘရဲ့လွမ်းမိုးမှုအနှောင်အဖွဲ့မှလွတ်မြောက်အောင်ကယ်တင်ပေးနိုင်သူဖြစ်ပါတယ်။ဒါကြောင့်ကိုယ်တော်ရှင်သာလျှင်ကျွန်ုပ်တို့ဘဝရဲ့အရှင်သခင်၊ဆရာသခင်အဖြစ်ဘဝရဲ့ပထမနေရာမှာထားပြီးအရာအားလုံးထက်ချစ်မေတ္တာခံထိုက်သူဖြစ်ပါတယ်။
