 for web4.jpg)
 for web3a.jpg)
2022-10-19 04:24:12
(၂၉) ကြိမ်မြောက်သာမန်သီတင်းပတ်၊
(၂၀) အောက်တိုဘာ၊ ၂၀၂၂ ခုနှစ်
ဧဝံဂေလိကျမ်း ။ ။ ရှင်လုကာ ၁၂း ၄၉- ၅၃
By Sr. Maria Teresa Than Maung (MSJP II)
Posted by Sr. Sabina Hla Yee Win, ISR
“ဤကမ္ဘာမြေကြီးပေါ်သို့ ငြိမ်းချမ်းသာယာခြင်းကို ယူဆောင်လာသည်ဟု သင်တို့ထင်မှတ်ကြသလော၊ ထိုသို့သင်တို့အား ငါဆိုသည်ကား စိတ်ဝမ်းကွဲပြားစေခြင်းငှါ ငါလာသည်။” ယနေ့ကြားနာရသော သခင်ယေဇူး၏စကားများသည် ခက်ထန်သည့်စိတ်ကို ဇဝေဇဝါဖြစ်စေသည်။ ရှင်ယောဟန်အခန်းကြီး (၁၇)တွင် သခင်ယေဇူး၏ရှည်လျားသော ဆုတောင်းပတ္ထနာကို တွေ့မြင်နိုင်သည်။ “အကျွန်ုပ်သည် မြေကြီးပေါ်မှာ ကိုယ်တော်၏ ဘုန်းကိုထင်ရှးစေပါပြီ၊ အကျွန်ုပ်ဆောင်ရွက်စရာအဘို့ အကျွန်ုပ်၌ အပ်ပေးတော်မူသောအမှုကို အကျွန်ုပ်ဆောင်ရွက်ပြီးပါပြီ။ သူတို့အဖို့ငှါ အကျွန်ုပ်ဆုတောင်းပါ၏။ သန့်ရှင်းတော်မူသော အဘကိုယ်တော်နှင့်အကျွန်ုပ်သည် တစ်လုံးတစ်ဝတည်းဖြစ်သကဲ့သို့ အကျွန်ုပ်အား ပေးတော်မူသော ဤသူတို့သည် ဖြစ်ရလိမ့်မည်။ အကြောင်းမူကား သူတို့ကို ကိုယ်တော်၏နာမ၌ တည်စေတော်မူပါ။
အပေါ်ယံသဘောနှင့်ကြည့်လျှင် ယနေ့ ဧဝံဂေလိကျမ်းတွင်ပါရှိသော သခင်ယေဇူး၏စကားများနှင့် ရှင်ယောဟန် အခန်းကြီး(၁၇)တွင်ပါရှိသောစကားများသည် သဟဇာတမရှိပါ၊ ဆန့်ကျင်နေကြပါသည်။ အမှန်စင်စစ် သခင်ယေဇူး၏ တရားကိုလိုက်ကျင့်ရန် လွယ်ကူသကဲ့သို့၊ လိုက်ကျင့်ရန်လည်း ခက်ခဲသည်။ ဥပမာ၊ ရန်သူကို ချစ်ပါ။ (ရှင်မာတေဦး ၅း ၄၄)၊ သင်၏ပါးတစ်ဘက်ကို ရိုက်လျင် နောက်တစ်ဘက်ကိုပေးလော့။ (ရှင်လုကာ ၆း ၂၇- ၃၀) ။ အကြင်သူသည် မိမိသားမယား၊ ညီအစ်ကိုမောင်နှမတို့ကို မမုန်းသောသူ၊ မိမိအသက်ကို မမုန်းသောသူ သည် ကိုယ်တော်ရှင်နှင့် မထိုက်တန်။ (ရှင်လုကာ ၁၄း ၂၆)
အထက်ပါကျမ်းချက်များသည် လူ၏သဘာဝနှင့်ဆန့်ကျင်၍ ကျင့်ရမည့်အချက်များ ဖြစ်သည်။ သခင်ယေဇူးနောက်လိုသည့်သူတိုင်း၏ အတွင်းစိတ်တွင် အလင်းနှင့်အမှောင်၊ အကောင်းနှင့်အဆိုးအစဉ် တိုက်ခိုက်နေရမည်ဖြစ်သောကြောင့် ကွဲပြာနေမည့် မိသားစုတစ်အတွင်၌ပင် စိတ်ဝမ်းကွဲနိုင်သည်။ အခြားဘာသာများမှ ကက်သလစ်ဘာသာသို့ ပြောင်းလဲလာကြသောလူအချို့တို့၏ အတွေ့အကြုံများမှ ဝမ်းနည်းစရာများရှိတတ်သည်။ ၎င်းတို့မှာ မိဘဆွေမျိုးများမှ စွန့်ပစ်ခံလိုက်ရခြင်းဖြစ်သည်။ ကျွန်ုပ်၏မိခင်သည် ခရစ်ယာန် နှစ်ခြင်းအသင်းတော်မှ ကက်သလစ်ဘာသာသို့ ကူးပြောင်းလာသောအခါ သူမ၏ မိဘများမှ နှစ်အနည်းငယ်ကြာ အဆက်အသွယ်ဖြတ်ခဲ့ကြသည်။ “သင်တို့အားငါဆိုသည်ကား စိတ်ဝမ်းကွဲပြာစေခြင်းငှါ ငါလာသည်။”
