 for web4.jpg)
 for web3a.jpg)
2022-11-08 16:54:15
သာမန်ကာလ (၃၂) ကြိမ်မြောက် သီတင်းပတ်
နိုဝင်ဘာလ ၉ ရက်နေ့၊ ၂၀၂၂၊ ဗုဒ္ဓဟူးနေ့၊
ရောမမြို့ရှိ Lateran Basilica ဘိသိက်ခံယူပွဲ
Dedication of the Lateran Basilica - Feast
(ယောဟန် 2:13-22, ကက်သလစ်သမ္မာကျမ်းစာ CBCM)
By Fr. Bosco Saw Lar Htoo
Posted by Sr. Sabina Hla Yee Win, ISR
“13. ဂျူးလူမျိုးတို့၏ ပါစကားပွဲ နီးကပ်လာပြီဖြစ်သောကြောင့် ယေဇူးသည် ဂျေရုဆလင်မြို့သို့ ကြွတော်မူ၏။ - 14. ကိုယ်တော်သည် ဗိမာန်တော်အတွင်း၌ နွား၊ သိုးနှင့် ခိုများအားရောင်းနေကြသောသူတို့နှင့် ငွေကြေး လဲလှယ် သူများကို တွေ့တော်မူလျှင်၊- 15. ကြိုးများကိုစည်း၍ ကျာပွတ်ပြုလုပ်ပြီး ထိုသူအားလုံးတို့ကို သိုးများ၊ နွားများနှင့် အတူ ဗိမာန်တော်အပြင်သို့ မောင်းထုတ်တော်မူ၏။ ကိုယ်တော်သည် ငွေလဲလှယ်သူတို့၏ငွေများကိုလည်း သွန်ချ၍ သူတို့၏စားပွဲများကို မှောက်ပစ် တော်မူ၏။ -16.ကိုယ်တော်က ခိုရောင်းသောသူတို့အား ဤအရာများကို ယူသွားကြလော့။ ငါ့ခမည်းတော်၏ အိမ်တော်ကို ဈေးတန်း မဖြစ်စေကြနှင့်ဟု မိန့်တော်မူ၏။- 17. ကိုယ်တော်၏ တပည့်တော်တို့သည်လည်း အရှင်၏အိမ်တော်အတွက် စိတ်အားထက်သန်ခြင်းသည် အကျွန်ုပ်ကို လောင်ကျွမ်းလျက် ရှိပါ၏ဟု ရေးထားသောကျမ်းချက်ကို သတိရကြ၏။- 18. ထိုအခါ ဂျူးလူမျိုးတို့က သင်သည် ဤသို့ပြုလုပ်ပိုင်ခွင့်ရှိကြောင်းကို ငါတို့အား မည်သည့်အမှတ်လက္ခဏာဖြင့် ပြမည်နည်း ဟု ကိုယ်တော်အား မေးကြ၏။- 19. ယေဇူးကလည်း ဤ ဗိမာန်တော်ကို ဖြိုဖျက်ကြလော့။ ၎င်းကို သုံးရက်အတွင်း ငါပြန်လည်တည်ဆောက်မည်ဟု သူတို့အား ဖြေကြား တော်မူ၏။- 20. ထိုအခါ ဂျူးလူမျိုးတို့က ဤဗိမာန်တော်ကို နှစ်ပေါင်းလေးဆယ့်ခြောက်နှစ်တိုင်တိုင် တည်ဆောက်ခဲ့ကြရ၏။ သင်သည်ကား ၎င်းကို သုံးရက်အတွင်းတည် ဆောက်နိုင်ပါမည်လောဟု ဆိုကြ၏။- 21. သို့သော် ကိုယ်တော်သည် မိမိခန္ဓာကိုယ်တည်းဟူသော ဗိမာန်တော်ကို ရည်ညွန်းပြောဆိုခြင်းဖြစ်၏။- 22. ထို့ကြောင့် ကိုယ်တော် ဤကဲ့သို့ မိန့်တော်မူခဲ့ကြောင်းကို သေခြင်းမှ ကိုယ်တော် ရှင်ပြန်ထမြောက်ပြီးသောအခါ တပည့်တော်တို့ သတိရကြသဖြင့် ကျမ်းစာတော်မြတ်ကိုလည်းကောင်း၊ ယေဇူး မိန့်မြွက်တော်မူခဲ့သော နှုတ်တော်ထွက်စကား ကိုလည်းကောင်း ယုံကြည်ကြ၏။”
***ထောက်ရှုချက်*** “ အိုဘုရားရှင်၊ ကျွန်ုပ်သည်ကိုယ်တော်အတွက် စိတ်အားထက်သန်ပါ၏'' ခမည်းတော်၏အိမ်တော်အတွက်စိတ်အားထက်သန်မှုကြောင့်သာယေဇူးသခင် ယခုကဲ့သို့ပမှုကို ပြုတော်မူခြင်းဖြစ်သည်။သူကလူတွေကိုမသက်မသာဖြစ်စေတဲ့အမှန်တရားတခုကိုပြန်လည်ဆန်းစစ်စေချင်တယ်။ဘုရားသခင်အပေါ်သူတို့ရဲ့ယုံကြည် စိတ်အားထက်သန်မှုဆီတဖန် ပြန်သွားဖို့လိုအပ်နေပါတယ်။
ယနေ့ယေဇူးသခင် သည်ဘုရားသခင်အားစိတ်နှလုံးအကြွင်းမဲ့၊ အစွမ်းသတ္တိရှိသမျှနှင့်ချစ်ရန် ကျွန်ုပ်တို့ကို ပြန်လည်ခေါ်ယူနေပါသည်။ ဘုရားသခင်ကိုချစ်ခြင်းသည်တနင်္ဂနွေနေ့များ၌ မစ္ဆားတရား ပွဲကျင်းပခြင်းအတွက် သာလျင် မဟုတ်ပါ၊ တနင်္လာနေ့မှစနေနေ့အထိကျွန်ုပ်တို့တွေ့ဆုံသူများအားချစ်ခြင်းမေတ္တာပြခြင်းသာလျင် ဘုရားသခင်ကိုချစ်သည်ဟုဆိုလိုသည်။ ကျွန်ုပ်တို့သည်လူ့ဘောင်အဖွဲ့အစည်းမှဆင်းရဲနွမ်းပါးသူများကိုဂရုစိုက်သည် (သို့) ချစ်စရာမကောင်းသောလူတစ်ယောက်နှင့်စိတ်ရှည်သည်းခံရန်ကြိုးစားသောအခါ (သို့)အလုပ်ခွင်၌မဟုတ်ဘဲ ကျွန်ုပ်တို့၏မိသားစုများနှင့်အတူနေရန်အချိန်ယူသောအခါ၊ ထိုသို့ပြုခြင်းက ကျွန်ုပ်တို့ ၏စိတ်နှလုံးသားများ ဘုရားသခင်နှင့်အတူရှိခြင်းကိုပြခြင်း ဖြစ်သည်။ ယနေ့ကျွန်ုပ်တို့သည် အမှန်အကန် လုပ်သင့်သည့်အရာကို ဦးစားပေးကြပါစို့။ ထောက်ရှုရန် အတွက်မေးခွန်း (ဘုရားသခင်ကိုချစ်ကြောင်းသက်သေပြရန် ယနေ့ကျွန်ုပ် မည်သို့ကြိုးစားလုပ်ဆောင်မည်နည်း။)
