 for web4.jpg)
 for web3a.jpg)
2022-12-24 02:15:51
ခရစ္စမတ်ပွဲတော်ကြီး
ဧဝံဂေလိကျမ်း - ရှင်လုကာ ၂၁-၁၄
Sr. Agnes Hnin Yu Mon(SCCG)
Posted by Sr. Benedetta Myat Hnin New(ISR)
သိုးထိန်းတွေရဲ့ခံစားချက်၊ပျော်ရွှင်မှုထဲမှာသင်ခဏတာဝင်ကြည့်ပါ။ စိတ်လှုပ်ရှားပျော်ရွှင်မှုကိုသင်ခံစားကြည့်ပါ။သူတို့စည်းဝေးနေကြစဉ်တွင်ဘုရားသခင်၏ကောင်းကင်တမန်တစ်ပါးပေါ်လာပြီး ဝမ်းမြောက်စရာသတင်းကောင်းကိုသူတို့အားကြေငြာခဲ့သည်။သူတို့အံ့အားသင်ခဲ့ကြရသည်။ဤနှိမ့်ချသောသိုးထိန်းများသည်မွေးကင်းစဘုရင်အားသွားရောက်နှုတ်ဆက်ရန် ဘုရားသခင်မှ ပထမဆုံးခေါ်ခြင်းခံရသောသူများဖြစ်သည်။ဘုရားသခင်က ဤဆင်းရဲသောသိုးထိန်းများကို ဦးစွာဖေါ်ပြရခြင်းမှာ ကျွန်ုပ်တို့အားလုံးသည်ဘုရားသခင်၏ရှေ့မျက်မှောက်တွင်အားလုံးတန်းတူဖြစ်ကြောင်းဖေါ်ပြနေခြင်းပင်ဖြစ်ပါသည်။လူတိုင်းလူတိုင်း၏ကြီးမြတ်သောတန်ဖိုးနှင့် ဂုဏ်သိက္ခာကိုသာ ကိုယ်တော်မြင်တော်မူပြီးကျွန်ုပ်တို့အားလုံးချမ်းသာသည်ဖြစ်စေ၊ ဆင်းရဲသည်ဖြစ်စေဘုရားသခင်အပေါ်အတိုင်းအဆမဲ့သော ချစ်ခြင်း၊ ကြည်ညိုခြင်းဖြင့် ့ထံလာရန်အလိုရှိသည်။ခရစ္စမတ်ဟာ စိတ်လှုပ်ရှားစရာတွေအများကြီးနဲ့ ပြည့်နက်နေတဲ့အချိန်ပဲဖြစ်ပါတယ်။သို့သော်အခြားအရာများထက် ခရစ္စမတ်သည်ကျွန်ုပ်တို့အားနောက်ပြန်ဆုတ်ကာဤမြင့်မြတ်သောဖြစ်ရပ်၏ နက်နဲပြီးကြွယ်ဝပြည့်စုံသောချစ်ခြင်းမေတ္တာ၏အပါယ်ကို ရယူရန်အချိန်တစ်ခုအဖြစ် ရှုမြင်ရမည့်အချိန်ဖြစ်ပါသည်။သင်၏ကယ်တင်ရှင်အဖြစ်ကြွလာတော်မူသောခရစ်တော်ကိုကြည့်ရှုရန် ကောင်းကင်တမန်ပြောသည့်အတိုင်း မကြောက်ကြနှင့်ဆိုသည့်အတိုင်းသူနှင့်တွေ့ဖို့လာရန်မကြောက်ပါနှင့်။ သူ့ကိုချစ်ပါ၊ သူ့ကိုမြတ်နိုးပြီး သိအောင်လုပ်ပါ။ယနေ့တွင် ဘုရားသခင်သည် ကျွန်ုပ်တို့အားမွေးကင်းစကလေးငယ်အဖြစ် မိမိကိုယ်ကိုပေးအပ်ထားပါတယ်။သေးငယ်တယ်။ အားနည်းတယ်။နုနယ်ပြီးအပြစ်ကင်းစင်တယ်။သူငယ်တော်၏နှိမ့်ချသောမျက်နှာတော်ကိုငေးကြည့်ဖူးမျှော်ရန်မကြောက်ပါနှင့်။ဘုရား၏ကြွလာတော်မူခြင်းအတွက်ဂုဏ်တော်ကိုချီးမွမ်းရန်မကြောက်ပါနှင့်။
