 for web4.jpg)
 for web3a.jpg)
2022-12-26 06:20:45
ခရစ္စမတ်ကာလ အင်္ဂါနေ့
ဧဝံဂေလိကျမ်း- ရှင်ယောဟန် ၂၀း ၂-၈
Sr. Agnes Hnin Yu Mon(SCCG)
Posted by Sr. Benedetta Myat Hnin New(ISR)
ယနေ့သည် စိန့်ဂျွန်းပွဲနေ့ဖြစ်ပါသည်။ စိန့်ဂျွန်းသည် ခရစမတ်ကာလ၏မြင့်မြတ်ခြင်းအကြောင်းကို ကျွန်ုပ်တို့အားလုံးလေးနက်စွာသိစေရန် ခရစ်ဝင်ကျမ်းလေးစောင်အနက် တစ်စောင်ကိုရေးသားခဲ့သောကြောင့် သူ့အားဂုဏ်ပြုရန်အထူးထိုက်တန်လှပါသည်။စိန့်ဂျွန်းသည် သူ့ကိုယ်သူ ယေဇူးချစ်တော်မူသောတပည့်တော်အဖြစ်ရည်ညွှန်းထားသည်မှာစိတ်ဝင်စားစရာ ကောင်းလှပါသည်။ ယေဇူးသည် … သူ၏တပည့်အားလုံးကိုချစ်သည်။ သို့သော် ယောဟန်၏ခရစ်ဝင်ကျမ်းတွင် ဤထူးခြားသော … ချစ်လှစွာသောတပည့်တော်၏ဘွဲ့ကို ယောဟန်အားပေးထားသည်။ နောက်ဆုံးညစာစားပွဲတွင် ယေဇူး၏ဘေးတွင်လျောင်းနေသောအခါ ယေဇူးနှင့်သူ၏ အထူးရင်းနီးမှုနှင့် ချစ်ခင်မှုကိုတွေ့ရပါသည်။ ထို့နောက် ယေဇူး၏မိခင်မာရီယာနှင့်အတူ လက်ဝါးကပ်တိုင်ခြေရင်း၌ရပ်နေသောသူမှာ ယောဟန်တစ်ဦးသာဖြစ်ပြီး ယေဇူးသည် သူ၏မိခင်အား ယောဟန်ထံသို့လည်းကောင်း၊ ယောဟန်အား သူ၏မိခင်ထံသို့လည်းကောင်း အပ်နှင်းခဲ့ပါသည်။ ဆက်လက်ပြီး မာရိယာမာလေးနာသည် ယေဇူး၏ရှင်ပြန်ထမြောက်ခြင်းအကြောင်းကို သူ့အားပြောပြပြီးသည်နှင့် သင်္ချိုင်းသို့ ဦးစွာပြေးသူမှာလည်း ယောဟန်ဖြစ်ကြောင်းသမ္မာကျမ်းစာတွင် ဖေါ်ပြထားပါသည်။ ထို့ပြင် ပညာရှင် အများအပြားက … ယောဟန်သည်တပည့်တော်များထဲတွင် အငယ်ဆုံးဖြစ်သည်ဟု ယုံကြည်ကြသည်။ ငယ်ရွယ်သောတပည့်တော်တစ်ဦးအနေနှင့် သူသည်ကျွန်ုပ်တို့သခင်ထံမှ အထူးဂရုစိုက်မှုကိုခံရပေလိမ့်မည်ယောဟန်သည် သခင်ယေဇူးနှင့် အလွန်ရင်နီးကြောင်းကို သူ၏သမ္မာကျမ်းစာများအားဖြင့်ဖေါ်ပြပေးနေ ပါသည်။ သူ၏အသက်တာဆုံးခါနီးတွင် သူ၏ဧဝံဂေလိကျမ်းစာရေးသားသောအခါ သူ၏စိတ်နှလုံးသည် ဝိညာဉ်တော်ကျေးဇူးနှင့် ပြည့်ဝလျှက် ကောင်းကင်ဘုံ၌ရှိသော သူ၏သခင်နှင့် အပြည့်အဝပေါင်းစည်းခွင့်ရရန် ပြင်းပြစွာ မျှော်လင့်နေသောကြောင့် သူ၏နှလုံးသားသည် မြင့်မြတ်သောချစ်ခြင်းမေတ္တာများဖြင့် တောက်လောင်နေခဲ့ပါသည်။ကျွန်ုပ်တို့သည်လည်း ယေဇူးသခင်နှင့် ပိုမိုရင်းနှီးရန်နေ့စဉ်ကြိုးစားအားထုတ်ရင်း ထိုသခင်၏ပြီးပြည့်စုံသောမေတ္တာတရားကို … ကျွန်ုပ်တို့နှလုံးသား၌ရှုမြင်နိုင်လျှင် ကျွန်ုပ်တို့ကိုယ်တိုင်လည်း ယေဇူး၏ ချစ်သောတပည့်များဖြစ်လာနိုင်ပေသည်။
