 for web4.jpg)
 for web3a.jpg)
2022-12-27 03:26:59
ခရစ္စမတ်ကာလ ဗုဒ္ဓဟူးနေ့
ဧဝံဂေလိကျမ်း - ရှင်မာဘဲ ၂။ ၁၃-၁၈
Sr. Agnes Hnin Yu Mon(SCCG)
Posted by Sr. Benedetta Myat Hnin New(ISR)
ဤယနေ့တွင်အသင်းတော်ကသန့်ရှင်းသောကလေးသူငယ်များ၏ပွဲနေ့ကိုကျင်းပကြပါသည်။ဟေရုဒ်၏မနာလိုမုန်းတီးစိတ်ကြောင့် မရေမတွက်နိုင်သောကလေးသူငယ်များသည် သတ်ဖြတ်ခြင်းကို ခံခဲ့ကြရပါသည်။ထိုနေ့ကဖြစ်ပျက်သည့်အဖြစ်ပျက်တွင် ကလေးငယ်များ၏မိဘများခံစားရသည့်နာကြင်မှုကို သင်ခံစားကြည့်ပါ။တဖက်မှာ ဘုရားသခင်ကထိုအရာကိုခွင့်ပြုခဲ့တာလားလို့ သင်ထင်ကောင်းထင်ပေလိမ့်မည်။အခြားတဖက်တွင် နက်နဲသောယုံကြည်ခြင်းဖြင့်အပြစ်မဲ့သောကလေးငယ်များကပေးခဲ့သည့်သက်သေခံချက်ကိုနားလည်ရန်ကျွန်ုပ်တို့ ကြိုးစားရမည်ဖြစ်သည်။ဤအဖြစ်အပျက်သည်ပြောမပြနိုင်သောရဇဝတ်မှုနှင့် မကောင်းမှုတစ်ခုဖြစ်သော်လည်းလောကုတ္တရာအမြင်အရ၎င်းကိုတစ်နေ့မှာ ဘုရားသခင်ကခွဲထုတ်မည်ဖြစ်သည်။ ကောင်းကင်ဘုံတွင်ဤအပြစ်မဲ့သောသားကောင်များသည်အာဇာနည်သရဖူကိုဝတ်ဆင်ကြရမှာဖြစ်ပြီးသူတို့သည်မွေးကင်းစဘုရင်၏ ပထမဦးဆုံးသောသက်သေများအဖြစ်ကောင်းကင်တမန်တော်များနှင့်သူတော်စင်များကဂုဏ်ပြုချီးမြှင့်မည်ဖြစ်သည်။ သူတို့၏သက်သေခံချက်သည်ကျွန်ုပ်တို့၏ဘဝအတွက် ထောက်ရှူစရာများစွာကိုဖေါ်ပြပေးနေပါသည်။ ကျွန်ုပ်တို့ယုံကြည်ရမည်မှာဘုရားသခင်သည် အမှားတိုင်းကို အဆုံးတွင် ပြုပြင်ပေးမည်ဖြစ်သည်။ ယနေ့တွင် ဘုရားသခင်သည် ဤအဖြစ်ဆိုးကို ဘုန်းကြီးသည့်အရာအဖြစ်ပြောင်းလဲသည့်အနေဖြင့်ဤကလေးငယ်များကိုဂုဏ်ပြုသောအားဖြင့် ကြီးကျယ်ခန်းနားသောပွဲကိုကျွန်ုပ်တို့နှင့်အတူကျင်းပနေကြပါသည်။ကျွန်ုပ်တို့၏ဘဝတွင်လည်း ကြေကွဲဝမ်းနဲစရာများမည်မျှပင်ရှိစေကာမူဘုရားသခင်၏သားတော်သည်အရာခပ်သိမ်းကမှန်ကန်စေရန်အတွက်ကျွန်ုပ်တို့၏နိမ့်ကျသောလူ့ဇာတိကိုခံယူကာ ကျွန်ုပ်တို့၏ကမ္ဘာထဲသို့ဝင်ရောက် ခဲ့ကြောင်းသင်သတိပြုပါ။ယနေ့ခရစ္စမတ်ကာလမှာသင့်အတွက်အနာကြင်ဆုံးအရာကိုသင်ပြန်တွေးကြည့်ပါ။ကလေးငယ်များကိုဆုံးရှုံးခဲ့ရတဲ့ မိဘများရဲဝမ်းနဲခြင်းနဲ့ယနေ့သင့်ရဲ့နာကြင်ပူဆွေးမှုတွေကို နှိုင်းယှဉ်ကြည့်ပါ။ထို့နောက် ဘုရားသခင်အားသင့်ဘဝအသက်တာကို သူ့အလိုကျပြုပြင်ခွင့်ပေးပါ။သူ၏လူ့ဇာတိခံယူခြင်း၊ သေခြင်းနှင့်ရှင်ပြန်ထမြောက်ခြင်းသည်သင်၏ဒဏ်ရာကို အာဇာနည်သရဖူအဖြစ်ပြောင်းလဲစေပါ။နောကဆုံးတွင်သင်သည်သူ့ကိုခွင့်ပြုလျှင်သင်၏အသက်တာ၌ သခင်ဘရားကိန်းဝပ်တော်မူလိမ့်မည်။
