 for web4.jpg)
 for web3a.jpg)
2023-01-13 06:21:35
ဇန္နဝါရီလ ၁၄ ရက်နေ့၊ ၂၀၂၃၊ စနေနေ့၊ သာမန်ကာလ ပထမပတ်
(Or) Saturday memorial of the Blessed Virgin Mary
(ရှင်မာကု 2:13-17, ကက်သလစ်သမ္မာကျမ်းစာ CBCM)
Rev. Fr. Bosco Saw Lar Htoo
Posted by Sr. Benedetta Myat Hnin Nwe(ISR)
“13.ယေဇူးသည်ပင်လယ်ကမ်းနားသို့တစ်ဖန်ကြွသွား တော်မူလျှင်လူအစုအဝေးတို့သည် အထံတော်၌ လာရောက်စုရုံးကြသဖြင့်ကိုယ်တော်သည်လည်း သူတို့ကိုသွန်သင်တော်မူ၏။14.ထို့နောက် ကိုယ်တော်သည် ဆက်လက်ကြွသွားတော်မူစဉ်အာလ်ဖေးဦး၏သား လေဝိသည်အခွန်ရုံး၌ထိုင်လျက်ရှိသည်ကို မြင်တော်မူ၏။ထိုအခါကိုယ်တော်ကငါ့နောက်သို့လိုက်လော့ဟုသူ့အားမိန့်တော်မူလျှင်သူသည်လည်းထ၍နောက်တော်သို့လိုက်လေ၏။15.ထို့နောက် ကိုယ်တော်သည်လေဝိ၏အိမ်၌ညစာ သုံးဆောင်တော်မူစဉ်များစွာသောအခွန်ခံသူတို့နှင့်အပြစ်ရှိသောသူတို့သည်ယေဇူးနှင့်အတူသူ၏တပည့်တော်များနှင့်တကွစားသောက်ကြလေ၏။အကြောင်းမူကား ကိုယ်တော်၏နောက်တော်သို့လိုက်သောသူများစွာရှိကြ၏။16.ထိုအခါဖာရီဇေးဦးဂိုဏ်းဝင်ကျမ်းတတ်ဆရာတို့သည် အခွန်ခံသူများ၊အပြစ်ရှိသူများနှင့်အတူကိုယ်တော်စားသောက်နေသည်ကိုမြင်သောအခါအဘယ်ကြောင့်သူသည်အခွန်ခံသူများ၊အပြစ်ရှိသူများနှင့်အတူစားသောက်ပါသနည်းဟုတပည့်တော်တို့အားဆိုကြ၏။17.ယေဇူးသည်လည်း ဤစကားကိုကြားလျှင်ကျန်းမာသောသူသည်ဆေးဆရာကိုမလိုအပ်ပေ။ဖျားနာသောသူမူကားလိုအပ်၏။ငါသည်ဖြောင့်မတ်သောသူတို့ကိုခေါ်ရန်ကြွလာသည်မဟုတ်၊အပြစ်ရှိသောသူတို့ကိုခေါ်ရန်ကြွလာသည်ဟုသူတို့အားမိန့်တော်မူ၏။”
ထောက်ရှုချက်"လေဝိသည် အခွန်ရုံး၌ထိုင်လျက်ရှိသည်ကို မြင်တော်မူ၏။""ဘုရားသခင်၏ ခေါ်တော်မူခြင်း"ဘုရားသခင်ကမိမိရဲ့အမှုတော်ကိုထမ်းရွက်ဖို့ဖိတ်ခေါ်တဲ့အခါအလုပ်လုပ်နေသူတွေကိုသာခေါ်တော်မူပါတယ်။ဘုရားရှင်ရဲ့နောက်တော်သို့လိုက်လိုလျှင်ကျွန်ုပ်တို့ဟာ အလုပ်လုပ်ချင်သူများဖြစ်ဖို့လိုအပ်ပါတယ်။"ငါသည် ဖြောင့်မတ်သောသူတို့ကို ခေါ်ရန်ကြွလာသည်မဟုတ်၊ အပြစ်ရှိသောသူတို့ကိုခေါ်ရန်ကြွလာသည်"ဘုရားရှင်၏နောက်လိုက်ဖို့ဆိုတာအရာရာပြည့်စုံနေဖို့မလိုပါဘူး။လောကလူသားတွေမှာလုံးဝအပြစ်ကင်းသူဆိုတာမရှိဘူး အားလုံးဟာမပြည့်စုံကြတဲ့ လူသားတွေးပါပဲ။ဘုရားရှင်ကမပြည့်စုံတဲ့သင်နဲ့ကျွန်ုပ်ကိုခေါ်တယ်ဆိုတာက အရာရာပြည့်စုံတဲ့ ဘုရားရှင်၌ယုံကြည်အားကိုးခိုလုံကြစေဖို့ဖြစ်ပါတယ်။ဘုရားရှင်၏ နောက်သို့လိုက်ခြင်းအားဖြင့်မပြည့်စုံကြတဲ့ကျွန်ူပ်တို့တွေဟာ ဘုရားရှင်၏အမှုတော်အတွက်ပြည့်စုံလာကြပါတယ်။မပြည့်စုံတဲ့ဘဝမှာ ဘုရားရှင်၌သာအားကိုးခိုလုံလျှက်ဘုရားရှင်၏အမှုတော်မြတ်ကို ထမ်းဆောင်ကြပါစို့။
