 for web4.jpg)
 for web3a.jpg)
2023-01-24 06:44:05
ဇန်နဝါရီလ ၂၅ (ဗုဒ္ဓဟူးနေ့)
Conversion of St Paul
ရှင်မာကု ၁၆ : ၁၅ - ၁၈
Sr. Theresa Myint Myint Naing(ISR)
Posted by Sr. Benedetta Myat Hnin New(ISR)
“ထို့နောက် ကိုယ်တော်က သူတို့အား မိန့် တော်မူသည်ကားကမ္ဘာအရပ်ရပ်သို့သွားကြ၍ ဝေနေယျသတ္တဝါအပေါင်းတို့အား ဧဝံဂေလိတရားတော်ကိုဟောပြောကြလော့။ယုံကြည်၍ ဆေးကြောခြင်းခံယူသော သူတို့သည် ကယ်တင်ခြင်းခံရလိမ့်မည်။ မယုံကြည်သောသူမူကား အပြစ်စီရင်ခြင်း ခံရလိမ့်မည်။ယုံကြည်သော သူတို့၌ဤနိမိတ်လက္ခဏာများဖြစ်ပေါ်လိမ့်မည်။သူတို့သည် ငါ၏နာမတော်ကိုအမှီပြုလျက်နတ်ဆိုးများကို နှင်ထုတ်နိုင်ကြလိမ့်မည်။ဘာသာစကားအသစ်များကိုလည်း ပြောဆိုကြလိမ့်မည်။သူတို့သည် မြွေဆိုးများကို ကိုင်ဖမ်းကြလိမ့်မည်။သေစေနိုင်သောအရာကိုသောက်မိလျှင်လည်း ၎င်းသည် သူတို့ကို ဘေးဖြစ်စေလိမ့်မည် မဟုတ်။သူတို့သည် လူနာများအပေါ်၌ မိမိတို့လက်ကိုတင်၍ ထိုသူတို့သည်လည်း ပြန်လည်ကျန်းမာလာ ကြလိမ့်မည်ဟု မိန့်တော်မူ၏။”အမြင်မတူသူ၊တဘက်စွန်းရောက်သည်ဟု ကျွန်ုပ်တို့ယူဆသောသူတို့၏သေကြေပျက်စီးခြင်းသည် ဤလောကလူမှုဝန်းကျင်၌ လူသားများအဖြစ်နေထိုင်ရှင်ခြင်း၏အဖြေတစ်ခုမဟုတ်နိုင်ပါ။အချိန်တန်လျင် အချင်းချင်းသတ်စရာမလိုဘဲ ကျွန်ုပ်တို့သေကြရမည်မှာ သေချာသောအရာတစ်ခုဖြစ်ပါသည်။အကြောင်းမှာ ကျွန်ုပ်တို့ကိုယ်ကိုကျွန်ုပ်ဆိုင်ရုံသာဆိုင်ပြီး မပိုင်ပါ။ကျွန်ုပ်တို့၏ရှင်ခြင်း သေခြင်းကို ကျွန်ုပ်တို့၏ဖန်ဆင်းရှင်ဘုရားသခင် ပိုင်တော်မူပါသည်။ကျွန်ုပ်တို့ကို သေမင်းတမန်၏လက်မှ အသွေးတော်သွန်းလောင်းခြင်း၊အသေခံတော်မူခြင်း၊ရှင်ပြန်ထမြောက်တော်မူခြင်းအားဖြင့် ခရစ်တော်သခင်သည်ရွေးနှုတ်ကယ်တင်တော်မူခဲ့ပြီးဖြစ်ပါသည်။ဤသည်မှာ သေမင်းတမန်နတ်ဆိုးကို ကျွန်ုပ်တို့သခင် ခရစ်တော်ရှင်အားဖြင့် ကျွန်ုပ်တို့အောင်နိုင်ခြင်း၏သတင်းကောင်းဖြစ်ပါသည်။ဘုရားရှင်သည် လူသားများ၏သေကြေပျက်စီးခြင်းကိုလိုလားတော်မမူပေ။ပျက်စီးခြင်းများကြားမှ ကျွန်ုပ်တို့နှင့် ထပ်တူခံစားမျှဝေ၍ကျွန်ုပ်တို့ကို ကာကွယ်စောင်မတော်မူသောဘုရားဖြစ်ပါသည်။သင်၏အသင်းတော်ကို လိုက်လံညှဉ်းဆဲ သတ်ဖြတ်ဖျက်ဆီးသူများကိုပင်ရှင်ပေါလုကဲ့သို့ အလင်းတရားမြင်ပြီးအကျင့်ပြောင်းလဲခြင်းဖြင့် ကယ်တင်ခြင်းရရန် လိုလားတော်မူ၍စိတ်ရှည်တော်မူသောဘုရားလည်းဖြစ်ပါသည်။ခက်ခဲကြမ်းတမ်းလွန်းလှ၍ ကြာရှည်လှသည့် ယနေ့အချိန်ကာလတွင် ဤသို့ဖြစ်စေသောသူအပေါ် ဘုရားရှင်မည်သို့အလိုရှိသည်ကို ကျွန်ုပ်တို့မသိနိုင်ပါ။နာကျင် နာကျည်း မုန်းတီး စက်ဆုတ်မှုများကိုဘုရားရှင်၏ကျေးဇူးတော်နှင့် ချေဖျက်နိုင်၍ ကိုယ်တော်၏အလိုတော်သည် အမြန်ဆုံးပြည့်စေရန်သာ မာန်ကိုချ၍ ဆုတောင်းကြရမည်ဖြစ်ပါသည်။
