 for web4.jpg)
 for web3a.jpg)
2023-02-02 07:35:12
ဖေဖေါ်ဝါရီလ ၃ရက် ၂၀၂၃ သောကြာနေ့
ရှင်မာကု ၆:၁၄-၂၉
Sr. Christine Dah (RGS)
Posted by Sr. Benedetta Myat Hnin Nwe(ISR)
ရှင်မာကု ၆:၂၀အကြောင်းမူကားယောဟန်သည်ဖြောင့်မတ်၍သန့်ရှင်းသောသူဖြစ်သည်ကိုဟေရုဒ်သိသဖြင့်သူ့ကိုကြောက်ရွံ့၍လုံခြုံစွာထိန်းသိမ်းထားလေ၏။ဟေရုဒ်သည်ယောဟန်၏စကားကိုကြားနာရသည့်အခါတိုင်း စိတ်ရှုတ်ထွေးသော်လည်း သူ့စကားကို လိုလိုလားလားနားထောင်လေ့ရှိ၏။"အမှန်တရားဟူသည်နားခါးသည်"။အမှန်ပြောရင် အသက်တိုသည်။ဟေရုဒ်မင်းသည်အာဏာရှိသော်လည်း အညတရ ဟောဟန်ပတ္တိစတားကိုကြောက်ခြင်းမှာလူပ္ပိုလ်ကိုကြောက်ခြင်းမဟုတ်အမှန်တရားကိုကြောက်ခြင်းဖြစ်သည်။လောကတွင် အဓ္ဓမသားတို့သည် ဓမ္မသားတို့ကို ကြောက်စမြဲပါ။ထိုကြောက်ခြင်းကိုဖုံးလွမ်းစေသောအလို့ငှာ ဓမ္မသားကိုလုံခြုံစွာထိန်းသိမ်းထားပေးသည်ဟူသော အငုံစိတ်၊သူရဲဘောကြောင်လုပ်ရပ်မှာ ကနဦးကတည်ခဲ့သည်ကိုယနေ့ကျမ်းစာတွင် သက်သေဖော်ဆောင်သည်။ဥပမာပေးသော်..တောင်ပေါ်တိုင်းရင်းသားတို့၏နာရေးတွင်ရရှိရင်ရှိသလို နွား၊ဝက်တို့သတ်လျက်ကျင်းပသည်။တနေ့နာရေးတခုတွင်လာရောက်ကူညီသောသူတယောက်ကမလင်းမမှောင်ထဲ့မှာအမဲခုတ်လိုက် ပလိုင်းထဲထည့်လိုက်၊အာလူးကောက်လိုက် ပလိုင်းထဲထည့်လိုက်နှင့်သန်ခေါင်ယံချိန်တွင်ပလိုင်းလွယ်၍အိမ်ပြေးပြန်တော့သည်။ လမ်းတဝက်ရောက်သော် မာသာဝိညာဥ်လိုက်လာပြီး ခြေဖနှောက်ကိုခဲနှင့်ပေါက်သည် အထင်နှင့်ပြေးလေတော့သည်။ပြေးလေ ပေါက်လေဖြစ်သည်။အိမ်ရောက်တော့ ပလိုင်းပေါက်တွင် အာလူးဖြုတ်ကျကုန်လေသတည်း။အပြစ်လုပ်သူတိုင်းအတွက် မောင်းထုတ်ဖို့ရာမလို ပြေးနေရသည်။အတွင်းစိတ်သည် အမြဲပင်အချုပ်အနှောင်ဖြစ်နေသည်။ယောဟန်ပတ္တိစတားသည်ရှေးပြေးအမှန်တရားလမ်းခင်းသူဖြစ်သည်။သူ၏တဝမ်းကွဲ ခရစ်တော်သည် အမှန်တရားလမ်းမဖြစ်သည်။ခရစ်တော်လျှောက်သောလမ်းကိုယုံကြည်ခြင်းအပြည့်ဖြစ်တို့တွေရွေးချယ်ကြသည်။ခရစ်တော်၏လမ်းပြမူနှင့်ဝိညာဉ်တော်၏အလင်း ပြမှုအောက်မှာ အသိတရားမှသည်အတွင်းစိတ်ထိလွတ်လပ်သန့်ရှင်းစေလျက်အမှန်တရားလက်ချင်းဆက်ကာဤလောက၌ ကောင်းမူသည်သာမကောင်းမှုကိုစိုးမိုးအောင်နိုင်သော ကျေးဇူးတော်ကောင်းကြီးမင်္ဂလာကိုတောင်းလျှောက်ကြပါစို့။
