 for web4.jpg)
 for web3a.jpg)
2023-02-04 07:39:29
၅.၂.၂၀၂၃ ပဥ္စမအကြိမ်မြောက် သာမန်တနင်္ဂနွေနေ့
ကျမ်းစာထောက်ရှုချက် (Mt.5:13-16)
Sr. Christine Dah (RGS)
Posted by Sr. Benedetta Myat Hnin Nwe(ISR)
သင်တို့သည် လောက၏ ဆားဖြစ်ကြ၏။ဆားမူကား ၎င်း၏အရသာကင်းမဲ့ခဲ့လျှင်ထိုအငံဓာတ်ကိုမည်ကဲ့သို့ပြန်လည် ရရှိနိုင်မည်နည်း။၎င်းသည်မည်သို့မျှ အသုံးမဝင်တော့ဘဲအပြင်သို့ ပစ်လိုက်၍ လူတို့နင်းခြေခြင်းခံရရုံသာ ရှိပေတော့မည်။သင်တို့သည် လောက၏ အလင်းဖြစ်ကြ၏။တောင်ပေါ်တွင် ထားသောမြို့ကိုဝှက်ကွယ်ထား၍ မရနိုင်။မည်သူကမျှဆီမီးကိုထွန်း၍တောင်းဇလားအောက်၌ ထားလေ့မရှိ။၎င်းကိုဆီမီးခုံပေါ်၌သာတင်ကြသဖြင့်၎င်းသည် အိမ်သူအိမ်သား အားလုံးကိုအလင်းပေးလေ၏။ဤနည်းတူပင်လူတို့သည် သင်တို့၏ကောင်းသောအကျင့်များကို မြင်ကြ၍ ကောင်းကင်ဘုံ၌ ရှိတော်မူသော သင်တို့အဖ၏ဘုန်းဂုဏ်တော်ကို ချီးမွမ်းစေခြင်းငှာသင်တို့၏အလင်းကို လူတို့ရှေ့တွင်ထွန်းလင်းစေကြလော့။ရှင်မာသေဦး ၅:၁၃-၁၆ ထောက်ရူချက်-ဆားဟူသည် ပိုးမွားတို့ကို သန့်ရှင်းစင်ကြယ်သော ဓာတ်ခံရှိသည်။ဆားဟူသည် မပုတ်မသိုးအောင် ထိန်းထားနိုင်သောဓာတ်ခံရှိသည်။ဆားဟူသည်ဟင်း အရသာတို့ကို ကြွယ်ဝသည်။သို့သော်“အငံဓာတ်ကုန်ခန်းလျင်ပြင်သို့ပစ်ထုတ်၍ခြေနှင်းကုန်၏”။Mt ၅:၁၃အလင်းဟူသည် အမှောင်ကိုခွင်းသည်။အတွင်းပိုင်းက အနူစိတ်ဆန်သောအရာကို ပေါ်လွင်စေသည်။အလင်းဓာတ်ထုတ်ပေးသောဖယောင်းတိုင်ပင်လျင် အရည်ပျော်ခံ၊လောင်ကျွမ်းခံရင်းအကြွေးမဲကုန်ဆုံးရသည်။သို့သော်အလင်းတို့၏ ဖျာကျမူအောက်မှာလုပ်ရှားသွားလာခြင်း၊အသုံးပြုခြင်းမှအပ အလင်းဓာတ်ထုတ်ပေးသော ဖန်းချောင်း၊မီးသီးမျာကို မည်သူကမျှ စိုက်မကြည့်အား။သို့ဖြစ် ဆားနှင့်အလင်းပမာ အသက်ရှင်ခြင်းတွင်"Ego"ခေါ်“ငါ”ဆိုသောအတ္တကိုဘေးဖယ်ကာ"Eco"ဆိုသော လူသတ္တဝါ၊သဘာဝပတ်ဝန်ကျင်အားလုံးတို့နှင့် သဟဇတဖြစ်ခြင်း၊ကောင်းကျိုးပြုခြင်း၊ကရုဏာစိတ်ပွားခြင်း၊ထိန်းသိမ်းစောင့်ရှောက်ခြင်း၊ပေးကမ်း မျှဝေခြင်း၊ကိုယ်ကျိုးစွန့်ခြင်း၊ပါဝင်ကူညီအားဖြင့် လုပ်ဆောင်ရာ၌ ဆားနှင့်ဖယောင်တိုင်ကဲ့သို့ပြီးပြည့်စုံစွာ ပေးဆပ်နိုင်ရန်ခရစ်တော်တဖန်ပြန်၍ဖိတ်ခေါ်ခြင်းဖြစ်သည်။သို့မှသာလျင် ပထမကျမ်းတွင်ဆိုထားသည့်အတိုင်း“မွတ်သိပ်သောသူကိုအစာကျွေးခြင်း၊နေစရာမရှိသူကိုအိမ်ရာပေးခြင်း၊ဝတ်စရာမရှိသူကို အဝတ်ပေးကြလော။သို့ပြုလျင် သင်၏အလင်းသည်မိုးသောက်သောအလင်းကဲ့သို့ ပေါ်ထွန်းမည်”ဟေရှာယ ၅၈:၇-၈ လူသားတိုင်းကိုယ်ကျင့်တရားနှင့်လုပ်ဆောင်မူတို့သည်အလင်းဖြစ်ပါစေ။
