 for web4.jpg)
 for web3a.jpg)
2023-02-07 04:08:02
ဖေဖေါ်ဝါရီလ ၈ ရက်နေ့၊ ၂၀၂၃၊ဗုဒ္ဓဟူးနေ့ ၊ သာမန်ကာလ ပဥ္စမအပတ်
Mk. 7:14-23
Sr. Christine Dah (RGS)
Posted by Sr. Benedetta Myat Hnin Nwe(ISR)
အကြောင်းမူကားလူ့အတွင်းရှိ စိတ်နှလုံးထဲမှမကောင်းသောအကြံအစည်များ၊ကာမဂုဏ်ကျူးလွန်ခြင်း၊သူတစ်ပါး၏ပစ္စည်းကိုခိုးယူခြင်း၊လူ့အသက်ကိုသတ်ခြင်း၊သူတစ်ပါးသားမယားကိုပြစ်မှားခြင်း၊လောဘကြီးခြင်း၊ကောက်ကျစ်စဉ်းလဲခြင်း၊လိမ်လည်လှည့်ဖြားခြင်း၊ကိလေသာစိတ်ပြင်းပြခြင်း၊မနာလိုခြင်း၊အသရေဖျက်ခြင်း၊မာနထောင်လွှားခြင်းနှင့်မိုက်မဲခြင်း စသည်တို့ထွက်ပေါ်လာကြ၏။မကောင်းသောဤအရာအားလုံးသည်လူ၏အတွင်းမှထွက်လာ၍လူကိုညစ်ညူးစေကြ၏ဟုမိန့်တော်မူ၏။(ရှင်မာကု ၇:၂၁-၂၃)အဖိုးနှင့်မြေးညအိပ်ပုံပြင်တစ်ပုဒ်၏ အဆုံးပိုင်းကိုဆက်စပ်မိသည်။အဖိုးပြောသည်မှာ"ထိုလူ၏ဝမ်းဗိုက်ထဲတွင်သိုးကလေးတစ်ကောင်နှင့်မြေခွေးကလေးတစ်ကောင်ရှိသည်"။အဖိုးစကားကိုမြေးကဖြတ်မေးသည်။"အဖိုးရေအာ့ သိုးကလေးနဲ့မြေခွေးလေးဟာ ဘယ်အကောင်က ပိုခွန်အားကြီးလဲ"တဲ့။ အဖိုးက"ငါ့မြေးရယ်..အစာကြွေးတဲ့အကောင်ဘဲ ပိုခွန်အားကြီးတာပေါ့ကွယ်"တဲ့။လူတစ်ဦးတစ်ယောက်ချင်းစီတွင်ဘုရားဇာတိ၊လူဇာတိ၊အဖြူအမည်း အလင်းအမှောင်၊အားနည်းချက်၊အားသာချက်တို့ပေါင်းစပ်ဖြစ်တည်ကြသည်။လူ့၏အတွင်းစိတ်တို့သည်ပြုံးရင်ပြုံးသလို၊ပုပ်ရင်ပုပ်သလိုပေါ်လွင်လှသည်။အဆိုးအကောင်းတို့သည် အပြင်ဘက်ရိုက်ခတ်မှုထက်အတွင်းဘက်က ရွေးချယ်မှုနှင့်ရှင်သန်ရပ်တည်မှုသည်ပို၍အရေးကြီးသည်။နှလုံးသားတို့သည်အမှန်တရားတို့တည်နေရာ၊မိမိတို့ဖြစ်တည်မှု၊မိမိတို့ရှင်သန်ရာ၊သေခြင်းနှင့်အသက်၊ဘုရားသခင်နှင့်တွေ့ဆုံဆည်းရာနေရာ၊ပဋိညာဉ်ဖွဲ့ရာနေရာဖြစ်သည်။ # CCC no 2563သို့ဖြစ်ဘုရားဇာတိပါသိုးသူငယ်လေးကိုသာ အစာကျွေးပြုစုပျိုးထောင်ရင်းပတ်ဝန်းကျင်ကိုရနံ့သင်းပျံ့စေသူဖြစ်ရန်ဆုတောင်းရင်း ကြိုးစားကြပါစို့။
