 for web4.jpg)
 for web3a.jpg)
2023-02-08 04:57:46
ဖေဖေါ်ဝါရီလ ၉ ရက်နေ့၊ ၂၀၂၃၊ကြာသပတေးနေ့ ၊ သာမန်ကာလ ပဥ္စမအပတ်
Mk. 7:24-30
Sr. Christine Dah (RGS)
Posted by Sr. Benedetta Myat Hnin Nwe(ISR)
အကြောင်းမူကား ညစ်ညူးသောနတ်ဆိုးပူးနေသည့် သူငယ်မတစ်ဦး၏ မိခင်သည်ကိုယ်တော်၏အကြောင်းကိုကြားလျှင်ချက်ချင်းလာ၍ ခြေတော်ရင်း၌ပျပ်ဝပ်ရှိခိုးလေ၏။ဤမိန်းမသည်ကားဂရိလူမျိုးဆီရိုဖွေနိစိယအနွယ်ဝင်ဖြစ်ပြီးမိမိသမီးတွင် ပူးကပ်နေသောနတ်ဆိုးကိုနှင်ထုတ်ပေးပါရန် ကိုယ်တော်အားတောင်းပန်လေ၏။ကိုယ်တော်ကလည်း သားသမီးတို့သည် ဦးစွာဝအောင်စားကြပါစေ။သားသမီးတို့၏ အစားအစာကိုယူ၍ခွေးတို့အားချမကျွေးသင့်ဟုသူမအားမိန့်တော်မူ၏။သို့သော်သူမကမှန်ပါ၏အရှင်သခင်၊သို့ရာ တွင် စားပွဲအောက်မှခွေးတို့ပင်လျှင် သားသမီးတို့ ထံမှမုန့်အစအနများကို စားကြရပါသေးသည်ဟုလျှောက်လေ၏။ထိုအခါ ကိုယ်တော်က သင်ဤသို့ဆိုသောကြောင့်အိမ်သို့ပြန်လော့။နတ်ဆိုးသည် သင့်သမီးထံမှ ထွက်ခွာသွားလေပြီဟုမိန့်တော်မူ၏။(ရှင်မာကု ၇:၂၅-၂၉)အလယ်တန်းကျောင်းဘဝက မဟောသဓာတရားစီရင်ခန်းမှာသားကိုချစ်သောအမေက သားနာကျင်မှာစိုး၍ လက်လွန်လိုက်သည်။ချစ်သောအခါ တစုံတရာမနာကျင်စေလို။ကျမ်းစာလာသည်မှာသမီးနာကျင်သည်ကို ချစ်သောမိခင်ကမရှုရဲ၍လူမျိုးဘာသာမတူ၊ အယူအဆကွဲခြင်း ဟူသောတံတိုင်းကိုကျော်လျက် အများကဲ့ရဲမှု၊သိက္ခာချမှု တို့ကိုရင်ဆိုင်ကာခရစ်တော်ဆီကို တိုးဝင်ချဥ်ကပ်သည်မှာနှိမ့်ချသောစိတ်၊ယုံကြည်အားကိုးသောစိတ်၊ပြင်းပြသောစိတ်၊အတွင်းကလာသောမပြတ်မလတ်တောင်းဆိုသည့်စိတ်တို့သည်ပေါ်လွင်လှသည်။လူသည် ခွေးထက်မြင့်မြတ်ကြောင်း၊ခွေးတို့မည်သည် အစာကျွေးအလျှင်အဘယ်ကြောင့် သားသမီးလိုအင်အဝဝကိုမဖြည့်စွက်အံ့နည်းဟူသောခရစ်တော်နှင့်အပြန်အလှန်ပြောဆိုသည်မှာယုံကြည်ခြင်းကြီးမားခြင်းသည်သာမကမိန်းခလေးတယောက်၏လိမ္မာပါးနပ်ထက်မြက်မှုနှင့်ခရစ်တော်၏ လျှင်မြန်စွာ၊ကြင်နာမှုများစွာတုန့်ပြန်ကုသမှုများတွေ့မြင်ရသည်။လောကကြီးတွင်မကောင်းမှုနှင့်နတ်ဆိုးလမ်းစဥ်အားပြင်းလာသောအခါ အမျိုးသမီး၊ခလေး၊အပြစ်မဲ့သူတို့သည်အသုံးချခံ၊ဓားစာခံ၊မြေစာပင်ဖြစ်ရစမြဲပင်။ပျက်စီးခြင်း သဘောတရားများအတွက်ရင်ဆိုင်ရသောအခါယနေ့ထောက်ရှုရသော မိခင်တဦး၏ချစ်ခြင်း တုန့်ပြန်မှုများကို စံပြုလျက်ခရစ်တော်ရှင်၏ကြင်နာသနားခြင်းကိုတိုးဝင်ချဥ်ကပ်ရယူကြပါစို့။မိမိကိုယ်၌လည်း နတ်ဆိုးစွဲကပ်ခြင်းမရှိစေရန်နှင့်မကောင်းမှုဟူသမျှမှကင်းလွတ်ပါမည့်အကြောင်းတောင်းလျှောက်ကြပါစို့။
