 for web4.jpg)
 for web3a.jpg)
2023-02-09 08:36:02
ဖေဖေါ်ဝါရီလ ၁၀ ရက်နေ့၊ ၂၀၂၃၊ သောကြာနေ့ ၊ သာမန်ကာလ ပဥ္စမအပတ်
Mk. 7:31-37
Sr. Christine Dah (RGS)
Posted by Sr. Benedetta Myat Hnin Nwe(ISR)
ထိုအခါနားပင်း၍စကားမပြောနိုင်သူတစ်ဦးကိုလူတို့သည် အထံတော်သို့ခေါ်ဆောင်ခဲ့ကြပြီးသူ့အပေါ်၌လက်တော်ကို တင်တော်မူပါမည့်အကြောင်းကိုယ်တော်အားတောင်းပန်လျှောက်ထားကြ၏။ကိုယ်တော်သည်လည်းသူ့ကိုလူအစုအဝေးထဲမှသီးခြားခေါ်ဆောင်သွားပြီးလျှင်မိမိလက်ချောင်းကိုသူ၏နားထဲသို့သွင်းတော်မူ၏။ တစ်ဖန်ကိုယ်တော်သည်တံတွေးထွေးလျက်သူ၏လျှာကိုတို့တော်မူ၏။ထို့နောက်ကိုယ်တော်သည်ကောင်းကင်သို့ မျှော်ကြည့်၍ သက်ပြင်းချကာအက်ဖဲတာဟုမိန့်တော်မူ၏ အဓိပ္ပာယ်ကားပွင့်စေလော့ဟူသတည်း။ထိုခဏချင်းတွင်သူ၏နားတို့သည်ပွင့်လာပြီးသူ၏လျှာသည်လည်း ဆွံ့အခြင်းမှကင်းဝေးကာသူသည်ပီသစွာစကားပြောလေ၏။ရှင်မာကု၇:၃၂-၃၅ထောက်ရူချက်"လူတွေဟာကြည့်ပေမယ့်မမြင်၊နားထောင်ပေမယ့် မကြား၊ပြောပေမယ့် အဓိပ္ပါယ်မဲ့၊သီချင်းသံစဥ်ပြုပေမယ့်ဝေမျှခြင်းမရှိ"Paul Simon မျက်လုံးကွယ်လျင် ခန္ဓာကိုယ်အစိတ်အပိုင်းမျှသာဆုံးရှူံးသည်။မျက်လုံးကွယ်ပေမယ့်လူသားကောင်းကျိုးပြုနိုင်ကြသည်မှာHellen Kellerသက်သေပြခဲ့သည်။အသိဥာဏ်ကွယ်လျင် လူ့ကလောကတွင် အံဝင်ဂွင်မကျ။စိတ်ဝိညာဥ်ကွယ်လို့ အမှောင်ဖုံးလျင် အားလုံး မှောင်အတိရောက်သည်။နှလုံးသား လှောင်ပိတ်သောအခါ လူတစ်ယောက်၏ အတွင်းကျဆုံးဖြစ်တည်မှုသည်ထိခိုက်စေသည်။ ခရစ်တော်ကြွလာခြင်းသည်ထိုလှောင်ပိတ်ခြင်းကိုဖွင့်ရန်၊လွတ်မြောက်စေရန်၊လူသားနှင့်ဘုရားတို့ပေါင်းသင်း ဆက်နွယ်ခြင်းဖြင့်ပြည့်ဝသောဘဝပိုင်ဆိုင်ရန်ဖြစ်သည်။Benedict (XVI) ယနေ့အသက်ပေးနှုတ်ကပတ်တော်တွင်နှလုံးသားမဟုတ်နှုတ်နှင့်အကြားအာရုံသာချို့တဲသောသူသည် ခရစ်တော်ကို ယုံကြည်စွာချဥ်းကပ်သည်ကိုထောက်ရှု့လျက် လှောင်ပိတ်နေသော ကျွန်ုပ်တို့စိတ်ဝိညာဥ်ကို ဖွင့်ပေးရန်တောင်းလျှောက်လိုက်ရင်းလူလောကတွင် အသက်ရှင်ရသည်မှာ နားထောင်သောအခါ ကြားသောသူ၊ကြည့်သောအခါမြင်သောသူ၊ပြောသောအခါအနှစ်ရှိသူ၊အသံပြုသောအခါအကျိုးပေးသောသူဖြစ်ရလေအောင် ကြိုးစား၊ဆုတောင်းရင်းပြည့်ဝသောအသက်တာကိုရယူကြပါစို့။အားလုံးပေါ်ဘုရားရှင်ကောင်းကြီးပေးပါစေ။
