 for web4.jpg)
 for web3a.jpg)
2023-02-11 07:41:31
ဖေဖေါ်ဝါရီလ ၁၂ ရက်နေ့၊ ၂၀၂၃၊ တနင်္ဂနွေနေ့ ၊ သာမန်ကာလ ဆဌမအပတ်
Mt.5:17-37
Sr. Christine Dah (RGS)
Posted by Sr. Benedetta Myat Hnin Nwe(ISR)
ရှင်မာသေဦး ၅:၂၂-၂၄ သင်တို့အားငါဆိုသည်မှာမည်သူမဆို မိမိ၏ညီအစ်ကိုအပေါ်အမျက်ဒေါသထွက်လျှင် ရုံးတော်၌အပြစ်စီရင်ခြင်းကိုခံထိုက်၏။မိမိ၏ညီအစ်ကိုအား အသုံးမကျသူဟုခေါ်၍ကဲ့ရဲ့စော်ကားသောသူသည် လွှတ်တော်၌အပြစ်စီရင်ခြင်းကို ခံထိုက်၏။ မိမိ၏ညီအစ်ကိုအား အရူးဟု ခေါ်သောသူသည် ဂေဟေ့နာမီးဒဏ်ခံထိုက်၏။ထို့ကြောင့်သင်သည်သင်၏ ပူဇော်သကာကို ယဇ်ပလ္လင်သို့ယူဆောင်လာသောအခါသင်၏ညီအစ်ကိုသည် သင့်၌အပြစ်တင်စရာတစ်စုံတစ်ခုရှိနေသည်ကိုထိုနေရာ၌သတိရလျှင်၊သင်၏ပူဇော်သကာကို ယဇ်ပလ္လင်ရှေ့တွင်ထားခဲ့ပြီးလျှင်သွား၍ သူနှင့်သင့်မြတ်အောင် ပထမဦးစွာပြုလုပ်လော့။ ထို့နောက်မှ ပြန်လာ၍သင်၏ပူဇော်သကာကိုဆက်ကပ်လော့။
#ထောက်ရှုချက်Webinarတခုတွင် မိခင်တဦးကသူ့၏သမီးကို ဆရာမကနှုတ်အားဖြင့်ကြမ်းတမ်းစွာပြောဆိုသည်ကို ထိုဆရာမနှင့်အပြန်အလှန်ဆွေးနွေးသောအခါ "You"statement ခေါ်တဘက်လူနှင့်အမျက်ဒေါသဆွလိုက်ခြင်းမျိုးမဟုတ်ဘဲ"I"Statement ခေါ်တဘက်လူမှ ရန်ညိုးဖွဲ့ခြင်း၊ခုခံကာကွယ်ပြောဆိုခြင်း လျော့ချစေသောအဆိုဖြင့်ဆွေးနွေးရာ ပြသနာသည် ကြီးရာမှငယ်သွားသည်ဟုဝေမျှဖူးခဲ့သည်မှာ မှတ်သားရလေသည်။ခေတ်၏တိုးတက်မှုနောက်မှာ"Abuse"အလွဲသုံးစားမှုပုံစံအမျိုးမျိုးရှိလာသည်။ငွေညှစ်လိုသူတို့အဖို့ အတိတ်ကို အတိတ်၌မထား အစဖော်၍ ငွေညှစ်တတ်သည်။ သို့ဖြစ် အဖွဲ့အစည်းများတို့သည် child safeguarding policy, media policy, စသည်ဖြင့်မိမိတို့ လုံခြုံရေးအတွက် စီမံရေးဆွဲကြသည်။အကြောင်းမှာမသိ၍မရည်ရွယ်ဘဲ၊မလိုအပ်ဘဲ အမှုမကြီးရန်ဖြစ်သည်။ယနေ့ကျမ်းတွင် မသိ၍မဟုတ်၊မရည်ရွယ်၍မဟုတ်၊ သူစိမ်းလည်းမဟုတ် သိသိနှင့်ရည်ရွယ်ချက်ရှိရှိ နှုတ်အားဖြင့်မိမိသွေးချင်းညီအစ်ကိုများအားထိခိုက်စော်ကားခဲ့သောသူကိုရှေ့ဦးစွာညီအစ်ကိုနှင့်ကြေအေးပြီးမှခရစ်တော်ကို ပူဇော်ခြင်းအမှုပြုရန်ခရစ်တော်သွန်သင်သည်။မမှားသောရှေ့နေ၊မသေသောဆေးသမားမရှိဆိုသကဲ့သော မိမိတို့၏ အပြစ်အမှားများကိုနှိမ့်ချ ဝန်ခံရင်း တောင်းပန်ရန်ဖြစ်သည်။ထိုတောင်းပန်မည်ဆိုသောစကားသည် ပြောသလောက် မလွယ်ကူ၍ ခရစ်တော်ထံကျေးဇူးတောင်းခံရင်း အချိန်တခု၌ကြေအေးမှုဖြစ်စဥ်သို့ ရောက်ရမည်။"အဆိုးကိုအကောင်းဖြစ်အနိုင်ယူရန်" အဆိုးကို အဆိုးဖြင့်အဆင့်တူတုန့်ပြန်သောအခါ တူညီသော နှလုံးသားတုန်ခါမှုသည်မိမိတို့၏တည်ငြိမ်သော နှလုံးသားကိုရိုက်ခတ်လာလေရာ စိတ်မငြိမ်မသက်နှင့် မောဟက်လျက် မိမိတို့မိသားစု၊ လူမူရေး၊ စီးပွားရေး၊ကျန်းမာရေး တို့ထိခိုက်နှောက်နှေးရသည်သာအဖတ်တင်မည်။မည်သို့ပင်တိုစေကာမူ ခရစ်တော်၌၊ ခရစ်တော်နှင့်အတူ၊ခရစ်တော်အားဖြင့် အသက်ရှင်လျင် အသိတရားထက်အကျင့်တရား၊အကျင့်တရားထက် မေတ္တာတရားသည်ပိုမိုလုံခြုံစိတ်ချရမည်။တရားလုံကစိတ်လုံသည်။ခရစ်တော်၌တည်နေလျှင် ကိုယ်စိတ်ငြိမ်းချမ်းကြပါစေ။
