 for web4.jpg)
 for web3a.jpg)
2023-02-16 02:45:12
ဖေဖော်ဝါရီလ ၁၇ ရက်၊ ၂၀၂၃ ခုနှစ် သောကြာနေ့ ထောက်ရှုချက်Mark 8:34-9:1
Ref: Cut The Rope, Mark Batterson)
✍Sr. Christine Dah (RGS)✍
Posted by Sr. Benedetta Myat Hnin Nwe(ISR)
၁၈၅၃ခုနှစ်က အမေရိကန်၊နယူးယော့ခ် စီတီးတွင်ကမ္ဘာ့ကုန်စည်ပြပွဲကြီးတစ်ခုတွင် ဓာတ်လှေကားကိုပထမဆုံးတီထွင်သူ အလိုင်းရှာအောတစ်(Elisha Otis)ဆိုသူသည်သူ၏ဓါတ်လေကားကိုအများပြည်သူယုံကြည်ဖို့ အစွမ်းပြလေသည်။အောတစ်သည် အမြင့်ရှိ ဓာတ်လှေကားထဲတွင် ရဲဝံ့စွာ ရပ်နေသည်။ထို့နောက် သူ့အထက်မှလူကို အမိန့်ပေးလိုက်သည်။"ဖြတ်လိုက်ဟေ့"ဓာတ်လှေကားကို ဆိုင်းထားသောကြိုးအားအထက်မှလူက ကြိုးဖြင့် ဖြတ်ချလိုက်သည်။သူတီထွင်ထားသော ဓာတ်လှေကားသည် ကြိုးပြတ်ကျသွားသည့်တိုင်အောင်အန္တရာယ်မရှိနိုင်ကြောင်း လက်တွေ့သက်သေပြလိုက်နိုင်သည်။ကိုယ်တော်သည် မိမိတပည့်တော်များတို့အားမိန့်တော်မူသည်ကားငါ၏နောက်သို့လိုက်လိုသောသူသည်မိမိကိုယ်ကိုငြင်းပယ်စေ။မိမိ၏ လက်ဝါးကပ်တိုင်ကိုလည်းထမ်း၍ ငါ၏နောက်သို့လိုက်စေ။အကြောင်းမူကားမိမိ၏ အသက်ကိုကယ်တင်လိုသော သူသည်အသက်ဆုံးရှုံးလိမ့်မည်။ငါ့အတွက်နှင့်ဧဝံဂေလိတရားတော်အတွက်ကြောင့် အသက်ဆုံးရှုံးရသောသူသည် မိမိ၏ အသက်ကိုကယ်တင်လိမ့်မည်။လူသည်စကြဝဠာတစ်ခုလုံးကိုအစိုးရသော်လည်း မိမိ၏အသက်ဝိညာဉ်ဆုံးရှုံးလျှင်အဘယ်အကျိုးရှိမည်နည်း။ရှင်မာကု ၈:၃၄-၃၆သေချာတွေးကြည့်လျှင်ခရစ်တော်သည် ပြီးပြည့်စုံသော အထက်ဘုံကောင်းကင်ရွေပြည်မှလူ့လောကကမ္ဘာသို့ ဓာတ်လှေကားမပါ ဗလာနတ္တိ စွန့်လွတ်စွန့်စားဆင်းသက်လာသည်။သူတပည့်တော်များကိုလည်း သူနောက်လိုက်လျှင်"ငါ"ဆိုသောအတ္တကိုဖျောက်၊ ကိုးလို့ကန့်လန့် လေးလံခက်ခဲသောကားတိုင်ကိုထမ်းရမည်ဟုသွန်သင်သည်။လောကစည်းစိမ်၊ဇိမ်ခံဖို့ဟူသည် အလှမ်းဝေးပေသည်။မည်သို့ပေးဆပ်ရမည်ကိုသာ သွန်သင်လိုက်သေးသည်။ခရစ်တော်နောက်လိုက်လို့ ခေါင်းဆောင်ပြုမည်ဘဲဆိုဆို၊တိုင်းပြည်နှင့်လူမျိုးတွက်သမ္မတလုပ်မည်ဘဲပြောပြော အောတစ်ကဲ့သို့ လူယုံကြည်လက်ခံထိုက်အောင်ငါ့အတွက်၊ငါ့မိသားစုအတွက်၊ငါ့လူမျိုး၊ငါ့ဘာသာဆိုသော အတ္တစိတ်ကို ဖြတ်လိုက်ဟေ့ အော်ရဲ့လား၊ဖြတ်ရဲပြီလား။ထိုသို့မဟုတ်ဘဲ"မင်း"ပြုလျှင် သင်သည်လည်း စကြဝဠာတစ်ခုလုံးကို အစိုးရ၍သင့်အသက်ဝိညာဉ်ဆုံးရှုံးခြင်းသို့ရောက်ပေမည်။
#Photo credit Pinterest
