 for web4.jpg)
 for web3a.jpg)
2023-04-02 09:11:24
၂၀၂၃ ခုနှစ်၊ ဧပြီလ (၃) ရက် သန့်ရှင်းသော ရက်သတ္တပတ် တနင်္လာနေ့ (ခရမ်းရောင်)
ပထမကျမ်း ။ ။ ဟေရှာယ ၄၂း၁-၇
ဧဝံဂေလိကျမ်း ။ ။ ယောဟန် ၁၂း၁-၁၁
Reflection by Sr. Florence Yi,SPC
Posted by Sr. Benedetta Myat Hnin Nwe(ISR)
ပါစကားပွဲတော်မတိုင်မီခြောက်ရက်အလိုတွင်ယေဇူးသည် လာဇရုရှိရာဘက်သနီရှာသို့ကြွလာတော်မူ၏။လာဇရုသည်ကားသေရာမှယေဇူးပြန်ရှင်စေတော်မူခဲ့သောသူဖြစ်၏။ထိုရွာတွင်သူတို့သည်ကိုယ်တော်ကိုညစာဖြင့်တည်ခင်းဧည့်ခံကြရာမာဿက ဧည့်ဝတ်ပြု၍လာဇရုမှာမူ ကိုယ်တော်နှင့်အတူစားပွဲ၌ထိုင်သူတို့အနက်တစ်ဦးအပါအဝင်ဖြစ်၏။မာရိယာသည်ကား အလွန်အဖိုးထိုက်တန်သောနာဒုဆီမွှေးစစ်စစ်တစ်ပေါင်ကိုယူ၍ယေဇူး၏ခြေတို့ကို လိမ်းကျံပေးပြီးနောက်၎င်းတို့ကိုမိမိ၏ဆံပင်နှင့်သုတ်လေ၏။ဆီမွှေး၏မွှေးကြိုင်သောရနံ့သည်လည်းတစ်အိမ်လုံး၌ သင်းပျံ့လျက်ရှိ၏။တပည့်တော်တို့တွင်တစ်ဦးအပါအဝင်ဖြစ်ပြီး၊ကိုယ်တော့်ကိုအပ်နှံမည့်သူဖြစ်သောဂျူဒအစ္စကာရီယုဒ်ကမူ၊အဘယ်ကြောင့်ဤဆီမွှေးကိုဒေနာရီသုံးရာဖြင့်ရောင်းချပြီးဆင်းရဲ သားတို့အားမစွန့်ကြဲသနည်းဟုဆိုလေ၏။ဤသို့သူဆိုခြင်းမှာ သူသည်ဆင်းရဲသားတို့အားစာနာထောက်ထားခြင်းကြောင့်မဟုတ်ဘဲသူခိုးတစ်ယောက်ဖြစ်သောကြောင့်တည်း။သူသည်ငွေအိတ်ကိုင်သောသူဖြစ်ပြီး၊ထိုအိတ်၌ထည့်ထားသောငွေကို ယူ၍ သုံးစွဲလေ့ရှိ၏။ယေဇူးကလည်း သူမအလိုရှိသည့်အတိုင်းပြုပါစေ။ငါ့ကိုသင်္ဂြိုဟ်ရမည့်နေ့အတွက် သူမသည်ဤအမှုကိုပြုပါစေ။ဆင်းရဲသားတို့သည် သင်တို့နှင့်အစဉ်ရှိကြ၏။ငါမူကားသင်တို့နှင့်အစဉ်ရှိလိမ့်မည်မဟုတ်ဟုမိန့်တော်မူ၏။ထိုအရပ်၌ ကိုယ် တော်ရှိတော်မူကြောင်းကိုများစွာသော ဂျူးလူမျိုးအစုအဝေးတို့ကြားသိကြသောအခါ သူတို့သည်ယေဇူးကို တွေ့ရန်အတွက်သာမဟုတ်၊သေရာမှ ကိုယ်တော်ပြန်ရှင် စေခဲ့သောလာဇရုကိုလည်းတွေ့ရန်လာကြ၏။ထို့ကြောင့် ရဟန်းအကြီးအကဲတို့သည် လာဇရုကိုလည်းသတ်ရန်ကြံစည်ကြလေ၏။အဘယ်ကြောင့်ဆိုသော် များစွာသောဂျူးလူမျိုးတို့သည် လာဇရုကိုအကြောင်းပြု၍သူတို့ထံမှ ထွက်သွားကြပြီးယေဇူးကိုယုံကြည်ကြသောကြောင့်ဖြစ်၏။*ထောက်ရှုချက်* အပေါ်ယံကိုသာလျင်ကြည့်လျှင်ဂျူဒသည်ဆင်းရဲသားများကိုဂရုစိုက်ဟန်တူသည်။အမှန်တကယ်မှာသူသည်အခွင့်အရေးများစွာရယူလိုသူဖြစ်သည်။ချစ်ခြင်းမေတ္တာတွင်အပေးအယူမရှိပါ။ကိုယ့်အတွက်ဘာပြန်ရမလဲဟုမစဉ်းစားဘဲဘဝတစ်ခုလုံးကိုလုံးလုံးလျားလျား အပ်နှံခြင်းကိုဆိုလို သည်။ချစ်ခြင်းမေတ္တာသည် တစ်ဘက်သား၏ပြန်လည်တုန့်ပြန်မှုကိုမမျှော်လင့်ပါ။နေ့စဉ်ဘဝတွင်မည်သည့်လုပ်ငန်းကိုဆောင်ရွက်စေကာမူသင်၏နှလုံးသားနှင့်ခွန်အားကိုထည့်ပြီးစေတနာပါပါလုပ်ဆောင်မှသာလျှင်သင်၏အကြီးမားဆုံးသောအချစ်ကို ပေးဆပ်ခြင်းဖြစ်သည်။
