 for web4.jpg)
 for web3a.jpg)
2023-04-04 04:57:36
၂၀၂၃ခုနှစ်၊ ဧပြီလ (၅) ရက် သန့်ရှင်းသော ရက်သတ္တပတ် ဗုဒ္ဓဟူးနေ့၊ခရမ်းရောင်
ပထမကျမ်း - ဟေရှာယ ၅၀း၄-၉
ဧဝံဂေလိကျမ်း - ယောဟန် ၂၆း ၁၄-၂၅
Reflection by Sr. Florence Yi,SPC
Posted by Sr. Benedetta Myat Hnin Nwe(ISR)
ထိုအခါ တစ်ဆယ့်နှစ်ပါးထဲမှတစ်ဦးဖြစ်သောဂျူဒအစ္စကာရီယုဒ်သည် ရဟန်းအကြီးအကဲများထံသို့သွား၍၊ထိုသူကိုသင်တို့လက်သို့ အကျွန်ုပ်အပ်ပေးလျှင်သင်တို့သည် အကျွန်ုပ်အားမည်သည့်အရာကိုပေးမည်နည်းဟုဆိုသော်သူတို့သည်သူ့အားငွေဒင်္ဂါးသုံးဆယ်ပေးလိုက်ကြ၏။ထိုအချိန်မှစ၍ သူသည်လည်းကိုယ်တော့်ကိုအပ်နှံခြင်းငှါအခွင့်ကောင်းကိုရှာကြံလျက်နေ၏။တဆေးမပါသောပေါင်မုန့်ပွဲတော်၏ပထမနေ့၌တပည့်တော်တို့သည်ယေဇူးထံတော်သို့ချဉ်းကပ်ကြပြီးလျှင်၊ကိုယ်တော်သည်ပါစကားပွဲညစာကိုသုံးဆောင်ရန်တပည့်တော်တို့ကိုမည်သည့်နေရာတွင်ပြင်ဆင်စေလိုသနည်းဟုမေးလျှောက်ကြ၏။ကိုယ်တော်ကလည်းမြို့ထဲရှိ ဤမည်သောသူထံသို့သွားကြ၍ ဆရာသခင်မှာလိုက်သည်ကားငါ၏အချိန်နီးပြီ၊ငါ၏တပည့်တော်တို့နှင့်အတူသင် ၏အိမ်၌ ပါစကားပွဲကိုကျင်းပမည်ဟူ၍ သူ့အားပြောကြားကြလော့ဟုမိန့်တော်မူ၏။ထိုအခါတပည့်တော်တို့သည် မိမိတို့အားယေဇူးမိန့်မှာတော်မူသည့်အတိုင်းပြုလုပ်ကြ၍ပါစကားပွဲကိုကျင်းပရန်ပြင်ဆင်ကြလေ၏။ညနေအချိန်ရောက်သောအခါ ကိုယ် တော်သည် တပည့်တော်တို့တစ်ဆယ့်နှစ်ပါးတို့နှင့်အတူစားပွဲ၌ထိုင်တော်မူ၏။ထို့နောက်သူတို့သည် ညစာစားလျက်နေကြစဉ်၊ယေဇူးက သင်တို့အားငါအမှန်ဆိုသည်ကားသင်တို့ထဲမှတစ်ဦးသည်ငါ့ကိုသစ္စာဖောက်လိမ့်မည်ဟုမိန့်တော်မူ၏။ထိုအခါ သူတို့သည်အလွန်ပင်ဝမ်းနည်းကြသဖြင့် သခင်တပည့်တော်ဖြစ်သလောဟုအသီးသီးမေးလျှောက်ကြ၏။ကိုယ်တော်ကလည်း ငါနှင့်အတူပန်းကန်တွင်လက်နှိုက်သောသူသည် ငါ့ကိုသစ္စာဖောက်လိမ့်မည်။လူသားသည်မိမိနှင့်ပတ်သက်၍ကျမ်းစားတော်မြတ် ၌ရေးသားထားသည့်အတိုင်း သွားရသည်မှန်၏။သို့သော် လူသားအပေါ်၌သစ္စာဖောက်သောသူသည် အမင်္ဂလာရှိ၏။ထိုသူသည်မွေးဖွားခြင်းမခံခဲ့ရလျှင်သာ၍ကောင်း၏ဟုမိန့်တော်မူ၏။ကိုယ်တော်ကို သစ္စာဖောက်သောဂျူဒကလည်း၊သခင်ဘုရား၊ တပည့်တော်ဖြစ်သလောဟုမေးလျှောက်လျှင်ကိုယ်တော်က သူ့အားသင်ဆို လေပြီဟုမိန့်တော်မူ၏။ထောက်ရှုချက်*သခင်ယေဇူးနောက်တော်သို့လိုက်သောတပည့်တော်ကြီးဂျူဒ၏ရည်ရွယ်ချက်သည်မသန့်ရှင်းပေ။သူနေရာရချင်သည်။အာဏာရချင်သည်။ဂျူဒသည်သခင်ယေဇူးကို ခုတုံးလုပ်၍ အိတ်ဖောင်းရန်အတွက်ကြိုးစားခဲ့သည်။သခင်ယေဇူးသူ့အပေါ်ထားသောမေတ္တာ၊စေတနာ၊ခင်မင်မှု၊ယုံကြည်မှုကိုအသုံးပြု၍ ကိုယ်တော်ကိုရောင်းစားခဲ့သည်။ကျွန်တော်ကျွန်မတို့အနေဖြင့်သခင်ယေဇူး၏ ကျေးဇူးတော်ကိုတန်ဖိုးထားတတ်ကြသလောသို့မဟုတ်ကျေးဇူးတော်ကို ဖြုန်းတီးနေကြသလော။
