 for web4.jpg)
 for web3a.jpg)
2023-04-08 02:18:51
၂၀၂၃ ခုနှစ်၊ဧ ပြီလ (၉) ရက်သန့်ရှင်းသော ရက်သတ္တပတ်တနင်္ဂနွေနေ့၊အဖြူရောင်
ပထမကျမ်း - တမန်တော် ၁၀း၃၄ က၊ ၃၇-၄၃
ဒုတိယကျမ်း - ကော်လော်ဆေ ၃း၁-၄ (ဝါ) ၁ ကော် ၅း၆ခ-၈
ဧဝံဂေလိကျမ်း - ယောဟန် ၂၀း၁-၉ (ဝါ) မာတေဦး ၂၈း၁-၁၀
Reflection by Sr. Florence Yi,SPC
Posted by Sr. Benedetta Myat Hnin Nwe(ISR)
ရက်သတ္တပတ်၏ပထမနေ့နံနက်စောစောမှောင်နေဆဲအချိန်တွင် မာရိယာမာဒလေးနာသည် သင်္ချိုင်းတော်သို့လာ၍ကျောက်တုံးသည်သင်္ချိုင်းဂူဝမှ ရွှေ့ထားလျက်ရှိသည်ကိုမြင်၏။သို့ဖြစ်၍ သူမသည်ပြေး၍ စီမွန်ပေတရုနှင့်ယေဇူးချစ်တော်မူသော တပည့်တော်ထံသို့သွားပြီးလျှင်ထိုသူတို့သည် သခင်ဘုရားကို သင်္ချိုင်းဂူမှယူဆောင်သွားကြပါပြီ။ကိုယ်တော့်ကိုသူတို့ အဘယ်မှာထားကြသည်ကို ကျွန်မမသိပါဟုတပည့်တော်တို့အားဆို၏။ထိုအခါပေတရုသည် အခြားသောတပည့်တော်နှင့်အတူထွက်လာပြီးသူတို့သည်သင်္ချိုင်းတော်သို့သွားကြလေ၏။သူတို့နှစ်ဦးအတူပြေးသွားကြစဥ်အခြားသောတပည့်တော်သည် ပေတရုကိုကျော်လွန်၍သင်္ချိုင်းတော်သို့ ဦးစွာရောက်လေ၏။သူသည်သင်္ချိုင်းဂူအတွင်းသို့ငုံ့လျှိုး၍ကြည့်လျှင်ပိတ်အဝတ်ကျန်ရစ်သည်ကို မြင်ရ၏။သို့သော်လည်း သူသည်မဝင်ဘဲနေလေ၏။သူ၏နောက်မှလိုက်လာသော စီမွန်ပေတရုသည် ရောက်လာ၍သင်္ချိုင်းတွင်းသို့ဝင်သဖြင့်ကျန်နေရစ်သောပိတ်အဝတ်ကိုလည်းကောင်း၊ကိုယ်တော်၏ ဦးခေါင်းတော်ပေါ်မှပုဝါသည်ပိတ်အဝတ်များနှင့်အတူမရှိဘဲ တစ်နေရာတွင်သီးသန့်လိပ်ထားလျက်ရှိသည်ကိုလည်းကောင်း မြင်လေ၏။ထို့နောက် သင်္ချိုင်းတော်သို့ ဦးစွာရောက်ရှိသောအခြားတပည့်တော်သည်လည်းဂူထဲသို့ဝင်၍တွေ့မြင်သောကြောင့်ယုံကြည်လေ၏။အကြောင်းမူကား ကိုယ်တော်သည်သေခြင်းမှရှင်ပြန်ထမြောက်ရမည်ဟူသောကျမ်းစကားကို သူတို့ နားမလည် ကြသေးချေ။-ထောက်ရှုချက်-သခင်ယေဇူး ရှင်ပြန်ထမြောက်ခြင်းအကြောင်းကိုရှင်ပေါလူးက ခရစ်ယာန်ဘာသာဝင်တို့၏ဝိညာဉ်ရေးရာအတွက်နှိုးဆော်ထားပါသည်။ ကျွန်ုပ်တို့၏ဘဝရှင်ပြန်ထမြောက်သည်ဆိုသည်မှာခရစ်တော်၌ အသက်ရှင်ခြင်းဖြစ်သည်။သခင်ယေဇူး၏ ကျေးဇူးတော်ကြောင့်ကျွန်ုပ်တို့သည်ရှင်ပြန်ထမြောက်ခြင်းအကျိုးကိုခံစားခွင့်ရရှိခဲ့ကြသည်။ကျွန်ုပ်တို့ သခင်ယေဇူးကိုမည်ကဲ့သို့ ယုံကြည်လက်ခံကြသနည်း။
