 for web4.jpg)
 for web3a.jpg)
2023-04-24 04:04:42
၂၀၂၃ ခုနှစ်၊ဧ ပြီလ (၂၅) ရက်ပါစကားတတိယပတ်အင်္ဂါနေ့ ၊သံမာကု (ဧဝံဂေလံကျမ်းရေးပုဂ္ဂိုလ်)ပွဲနေ့
ပထမကျမ်း-၁ပီတာ ၅း၅ခ-၁၄
ဧဝံဂေလိကျမ်း-မာကု ၁၆း၁၅-၂၀
Reflection by Sr. Florence Yi,SPC
Posted by Sr. Benedetta Myat Hnin Nwe(ISR)
ထို့နောက် ကိုယ်တော်ကသူတို့အားမိန့်တော်မူသည်ကားကမ္ဘာအရပ်ရပ်သို့သွားကြ၍ဝေနေယျသတ္တဝါအပေါင်းတို့အားဧဝံဂေလိကတရားတော်ကိုဟောပြောကြလော့။ယုံကြည်၍ ဆေးကြောခြင်းခံယူသောသူတို့သည် ကယ်တင်ခြင်းခံရလိမ့်မည်။ မယုံကြည်သောသူမူကား အပြစ်စီရင်ခြင်းခံရလိမ့်မည်။ယုံကြည်သောသူတို့၌ ဤနိမိတ်လက္ခဏာများဖြစ်ပေါ်လိမ့်မည်။သူတို့သည်ငါ၏နာမတော်ကိုအမှီပြုလျက်နတ်ဆိုးများကို နှင်ထုတ်နိုင်ကြလိမ့်မည်။ဘာသာစကားအသစ်များကိုလည်းပြောဆိုကြလိမ့်မည်။သူတို့သည်မြွေဆိုးများကိုကိုက်ဖမ်းကြလိမ့်မည်။သေစေနိုင်သောအရာကိုသောက်မိလျှင်လည်း၎င်းသည်သူတို့ကိုဘေးဖြစ်စေလိမ့်မည်မဟုတ်။သူတို့သည်လူနာများအပေါ်၌ မိမိတို့လက်ကိုတင်၍ထိုသူတို့သည်လည်းပြန်လည်ကျန်းမာလာကြလိမ့်မည်ဟုမိန့်တော်မူ၏။ဤသို့ဖြင့်ယေဇူးသခင်သည်သူတို့အားမိန့်မှာတော်မူပြီးသည့်နောက်ကောင်းကင်ဘုံသို့ဆောင်ယူခြင်းကိုခံတော်မူ၍ဘုရားသခင်၏ လက်ယာဘက်၌ ထိုင်တော်မူ၏။တပည့်တော်တို့သည်လည်း ထွက်သွားကြ၍ တရားတော်ကို အရပ်ရပ်၌ဟောပြောကြ၏။သခင်ဘုရားသည်လည်း သူတို့နှင့်အတူလုပ်ဆောင်တော်မူ၍သူတို့ဟောပြောသောတရားတော်မှန်ကန်ကြောင်းကိုသက်သေပြရန်တန်ခိုးလက္ခဏာများဖြင့်ကူညီစောင်မတော်မူလေ၏။*ထောက်ရှုချက်*ဆေးကြောခြင်းခံယူပြီးသော ညီအစ်ကိုမောင်နှမတိုင်းသည် ဧဝံဂေလိသတင်းကောင်းဟောပြောရန်တာဝန်ရှိကြသည်။မိမိ၏ကောင်းသောပုံသက် သေဖြင့်သတင်းကောင်းဟောပြောနိုင်သည်။သူတစ်ပါးကျွန်ုပ်တို့ကို မြင်လျှင်ဘုရားကိုမြင်နိုင်သည်။“ကိုယ်တော်ကတပည့်တော်ကြီးတို့ အား“ကမ္ဘာအရပ်ရပ်သို့သွားကြ၍ဝေနေယျသတ္တဝါအပေါင်းတို့အားဧဝံဂေလိတရားတော်ကိုဟောပြောကြလော့။ကျွန်ုပ်တို့သည်သခင်ယေဇူး၏“တပည့်”ဖြစ်စေ၊“တမန်တော်”ဖြစ်စေမည်သည့်အခြေအနေတွင်မဆိုသခင်ယေဇူး၏တရားတော်ကိုလူအများသိစေရန်ဟောပြောရန်တာ၀န်ရှိကြသည်။လိုအပ်သောဆုကျေးဇူးတော်ကိုတောင်းလျှောက်ကြပါစို့။
