 for web4.jpg)
 for web3a.jpg)
2023-04-27 05:02:47
၂၀၂၃ ခုနှစ်၊ ဧပြီလ (၂၈) ရက်ပါစကားတတိယပတ်သောကြာနေ့၊ သံပီတာချာနဲလ် (ရဟန်း၊ ဓမ္မအာဇာနည်)အဖြူရောင်
ပထမကျမ်း ။ ။ တမန်တော် ၉း ၁-၂၀
ဧဝံဂေလိကျမ်း ။ ။ ယောဟန် ၆း၅၂-၅၉
Reflection by Sr. Florence Yi,SPC
Posted by Sr. Benedetta Myat Hnin Nwe(ISR)
ထိုအခါ ဂျူးလူမျိုးတို့ကဤသူသည် အကျွန်ုပ်တို့အားသူ၏အသားကိုစားရန်မည်ကဲ့သို့ပေးနိုင်မည်နည်းဟူ၍မိမိတို့အချင်းချင်းငြင်းခံကြလေ၏။ယေဇူးကလည်းသူတို့အားမိန့်တော်မူသည်မှာ သင်တို့အား ငါဧကန်အမှန်ဆိုသည်ကား လူသား၏ အသားကိုသင်တို့မစား၊သူ၏သွေးကိုလည်းသင်တို့မသောက်ကြလျှင်သင်တို့၌ အသက်မရှိနိုင်ရာ။ငါ၏အသားကိုစား၍ငါ၏သွေးကိုသောက်သောသူသည် ထာ၀ရအသက်ကိုရ၏။ငါသည်လည်း ထိုသူကို နောက်ဆုံးသောနေ့၌ရှင်ပြန်ထမြောက်စေမည်။အကြောင်းမူ ကားငါ၏အသားသည်စားစရာအမှန်ဖြစ်၏။ငါ၏သွေးသည်လည်းသောက်စရာအမှန်ဖြစ်၏။ငါ၏အသားကိုစား၍ ငါ၏သွေးကိုသောက်သောသူသည်ငါ၌တည်နေ၏။ငါသည်လည်းထိုသူ၌တည်နေ၏။အသက်ရှင်တော်မူသောခမည်းတော်သည်ငါ့ကိုစေ လွှတ်တော်မူသည့်အတိုင်း ငါသည်ခမည်းတော်အားဖြင့်အသက်ရှင်၏။ငါ့ကိုစားသောသူသည်လည်း ငါ့အားဖြင့်အသက်ရှင်လိမ့်မည်။ဤသည်ကား ကောင်းကင်မှဆင်းသက်လာသောမုန့်ဖြစ်သတည်း။ဤမုန့်သည်သင်တို့၏ဘိုးဘေးများစားခဲ့ကြ၍သေဆုံး ခဲ့ကြသောမန္နာမုန့်ကဲ့သို့မဟုတ်။ဤမုန့်ကိုစားသောသူမူကား အစဉ်ထာဝရအသက်ရှင်လိမ့်မည်ဟုမိန့်တော်မူ၏။ကိုယ်တော်သည် ဤအကြောင်းအရာများကိုကာဖာနာအုမ်မြို့ရှိတရားဇရပ်၌သွန်သင်တော်မူခြင်းဖြစ်၏။**ထောက်ရှုချက်**စိန့်သြဂုတ်စတင်းက“ငါ (ခရစ်တော်)သည်အင်အားကြီးသောမုန့်ဖြစ်၏။ငါ့ကိုပင့်ယူကြလော့။ဒါပေမဲ့ သင်ငါ့ကိုကြေညက်အောင်လုပ်နေခြင်းမဟုတ်ပါ။ကျွန်ုပ်သာလျှင် သင့်ကိုကြေညက်စေမည့်သူဖြစ်ပါသည်”ဟူ၍ကိုယ်တော်မြတ်စက္ကမင်တူးနှင့်ပတ်သက်သောအဆိုကိုဖွင့်ဆိုခဲ့ပါသည်။ထိုမုန့်သည်ကောင်းကင်ဘုံမှမုန့်တော်ဖြစ်သည်။ကိုယ်တော်မြတ်ကိုပင့်ယူခြင်းဖြင့်ကိုယ်တော်နှင့်တစ်လုံးတစ်ဝတည်းဖြစ်လာသည်။ဤအရာသည် တန်ဖိုးတော်ဖြစ်သည်။ကျွန်ုပ်တို့၏ကိုယ်တော်မြတ်စက္ကရမင်တူးပေါ်ထားရှိသော ယုံကြည်ခြင်းသည်တဖြည်းဖြည်းရင့်ကျက်လာ၍ခရစ်တော်နှင့်ပေါင်းစည်းကြပါစို့။
