 for web4.jpg)
 for web3a.jpg)
2023-04-28 03:23:09
၂၀၂၃ ခုနှစ်၊ဧ ပြီလ (၂၉) ရက် ပါစကားတတိယပတ်စနေနေ့စီအဲန်နာမြို့မှ သံတာကက်သရင်း (ကညာစင်၊ ဓမ္မအာဇာနည်) အဖြူရောင်
ပထမကျမ်း ။တမန်တော် ၉း၃၁-၄၂
ဧဝံဂေလိကျမ်း ။ ယောဟန် ၆း ၆၀-၆၉
Reflection by Sr. Florence Yi,SPC
Posted by Sr. Benedetta Myat Hnin Nwe(ISR)
များစွာသောတပည့်တော်တို့သည် ဤအကြောင်းအရာကို ကြားကြလျှင်ဤသွန်သင်ချက်သည် ခက်ခဲလှပေ၏။မည်သူသည်ဤအချက်ကို နာယူနိုင်မည်နည်းဟုဆိုကြလေ၏။ကိုယ်တော်မူကားဤအကြောင်းအရာအပေါ် မိမိ၏တပည့်တော်များ ဝေဖန်ပြောဆိုနေကြသည်ကိုသိသောကြောင့်သူတို့အားမိန့်တော်မူသည်ကားဤစကားကြောင့်သင်တို့စိတ်ပျက်ကြသလော။သို့ဖြစ်လျှင်အကယ်၍လူသားသည်မိမိယခင်ကရှိတော်မူခဲ့သောအရပ်သို့တက်ကြွသွားသည်ကိုသင်တို့မြင်ကြရပါကမည်သို့ရှိမည်နည်း။ဝိညာဉ်သည်အသက်ကိုပေး၏။ကာယသည်ကားမည်သို့မျှမတတ်နိုင်။သင်တို့အားငါပြောသောစကားများသည်ဝိညာဉ်နှင့်အသက်ဖြစ်ကြ၏။သို့သော်သင်တို့အလယ်တွင်မယုံကြည်သောသူအချို့ရှိ၏ဟုမိန့်တော်မူ၏။အကြောင်းမူကားမည်သူတို့သည်မယုံ ကြည်သောသူများဖြစ်ကြ၍မည်သူသည်မိမိကိုသစ္စာဖောက်မည်ကိုအစဦးကပင်ယေဇူးသိတော်မူ၏။သို့ဖြစ်၍ကိုယ်တော်ကဤအကြောင်းကြောင့်ငါ၏ခမည်းတော်အခွင့်ပေးတော်မမူလျှင်မည်သူမျှ ငါ့ထံသို့မလာနိုင်ကြောင်းသင်တို့အားငါဆိုခဲ့ပြီဟုမိန့်တော်မူ၏ထိုအချိန်စမှ၍များစွာသောတပည့်တော်တို့သည်ထွက်ခွာသွားကြ၍ကိုယ်တော်နှင့်အတူသွားလာခြင်းမရှိကြတော့ချေ။ထိုအခါ ယေဇူးကတပည့်တော်တစ်ဆယ့်နှစ်ပါတို့အား သင်တို့သည်လည်းထွက်ခွာသွားရန်အလိုရှိကြသလောဟုမေးတော်မူလျှင်၊စီမွန်ပေတရုကသခင်ဘုရား၊တပည့်တော်တို့သည်မည်သူ့ထံသို့သွားရပါမည်နည်း။ကိုယ်တော်၌ ထာဝရအသက်နှင့်ဆိုင်သောစကားရှိပါ၏။ကိုယ်တော်သည်ဘုရားသခင်ထံမှကြွလာသည့်သန့်ရှင်းမြင့်မြတ်သောသူဖြစ်တော်မူသည်ကိုတပည့်တော်တို့ယုံကြည်သိမှတ်ခဲ့ကြပါပြီဟုပြန်လျှောက်လေ၏။*ထောက်ရှုချက်*လူသားများနှင့် သက်ရှိသတ္တဝါတို့သည် ဘုရားသခင်ကြောင့် အသက်ရှင်ကြရသည်။ ပုဂ္ဂိုလ် သုံးပါး ဘုရားတစ်ဆုသည် တစ်လုံးတစ်ဝတည်းရှိကြသည်။သန့်ရှင်းသောဝိညာဉ်တော်ဘုရားသည် ထွက်သက်ဝင်သက် ဖြစ်သည်။လူသားများသည်ဘုရားသခင်ကိုနားထောင်ရုံမက ဘုရားသခင်နှင့်စကားပြောကြသည်။ဤအခြင်းအရာကိုဆုတောင်းခြင်းဟုခေါ်သည်။ဘုရားသခင်နှင့်ဆက်သွယ်မှု ရှိလျှင်လူ၏အသက်တာသည်ဘုရားရှိရာနေရာသို့ခေါ်ဆောင်ခြင်း၊ဖိတ်ခေါ်ခြင်းခံရသည်။ထို့ကြောင့်ရှင်ပေတရုသည်ကိုယ်တော်ရှင်ကိုဤအချက်ကိုနားလည်သဖြင့်ကိုယ်တော်နှင့် ပြောသည်ကား“သခင်ဘုရားတပည့်တော်တို့သည် မည်သူထံသို့သွားရပါမည်နည်း။ကိုယ်တော်၌ထာဝရအသက်နှင့်ဆိုင်သောစကားရှိပါ၏”ဟူ၍ ကိုယ်တော်ကိုပြောလေ၏။ကျွန်ုပ်တို့မည်သူ့ထံသို့သွားမည်နည်း။လွတ်လပ်စွာ ရွေးချယ်ခွင့်ရှိပါသည်။
