 for web4.jpg)
 for web3a.jpg)
2023-04-30 04:45:30
May 1, 2023 - The feast day of St. Joseph the Worker(စိန့်ဂျိုးဇက် အလုပ်သမားပွဲနေ)
Matthew 13:54-58၊ ရှင်မာသေဦး ၁၃:၅၄-၅၈
Reflection by Rev. Fr. Dominic (CSSR)
Posted by Sr. Benedetta Myat Hnin Nwe(ISR)
မိမိ၏နေရင်းမြို့သို့ရောက်တော်မူလျှင်ကိုယ်တော်သည်လူတို့ကိုသူတို့၏တရားဇရပ်၌သွန်သင်တော်မူသဖြင့်သူတို့သည်လွန်စွာအံ့ဩကြလျက်ဤသူသည်ဤပညာနှင့်ဤအံ့ဖွယ်တန်ခိုးများကိုအဘယ်ကရသနည်း။သူသည်လက်သမား၏သားမဟုတ်လော။သူ၏အမိကိုမာရိယာဟုခေါ်သည်မဟုတ်ပါလော။ယာကုပ်၊ဂျိုးဇက်၊စီမွန်နှင့်ဂျုဒတို့သည်သူ၏ညီများမဟုတ်သလော။သူ၏နှမတို့သည်လည်း ငါတို့အနီးအနားတွင်နေထိုင်ကြသည်မဟုတ်လော။သို့ဖြစ်လျှင်ဤသူသည် ဤအရာအားလုံးတို့ကို အဘယ်ကရသနည်းဟုဆိုကြ၍၊ကိုယ်တော့်ကိုလက်မခံလိုကြချေ။ယေဇူးကလည်းပရောဖက်သည် မိမိ၏မြို့နှင့်မိမိ၏ အိမ်မှတစ်ပါးအခြားသောအရပ်၌ဂုဏ်သရေမဲ့သည်ဟူ၍မရှိဟုမိန့်တော်၏။ကိုယ်တော်သည် ထိုသူတို့၏ယုံကြည်ခြင်းကင်းမဲ့မှုကြောင့်ထိုအရပ်၌တန်ခိုးလက္ခဏာများစွာပြတော်မမူချေ။***ထောက်ရှုချက် **ယနေ့သည်အပြည်ပြည်ဆိုင်ရာအလုပ်သမားပွဲနေ့ဖြစ်ပါသည်။စိန့်ဂျိုးဇက်၏ပုံပမာနှင့်ကျွန်ုပ်တို့၏အသက်တာတွင်လုပ်သားများ၏လုပ်အားကိုတန်ဖိုးထားတတ်ရန်အလို့ငှာစိန့်ဂျိုးဇက်၏ ပုံစံနာမူနာကို အတုယူရန်အတွက်အသင်းတော်သည်ယနေ့ကိုရွေးချယ်သတ်မှတ်ရခြင်းဖြစ်သည်။လူ့ဘဝတွင် မတူညီသောဘဝ လျှောက်လှမ်းရာ၌ အမျိုးမျိုးသောအဖြစ်အပျက်ကို ဖြစ်ပေါ်စေခဲ့ပါသည်။ မိသားစုအချို့သည် စားဝတ်နေရေးအတွက်ရုန်းကန်နေကြရသည်။အချို့မှာသူဌေး၏ကျွန်အဖြစ်အတင်းအကြပ်စေခိုင်းခံရသည်။အချို့မှာ ဘုရားသခင်၌ ယုံကြည်ခြင်း၊မေတ္တာကရုဏာအတွက် စိတ်အားထက်သန်ပြီးလွတ်လပ်စွာလုပ်ကိုင်နိုင်ကြသည်။ဤကဲ့သို့ဝမ်းစာအတွက်လုပ်ကိုင်ရင်း အချို့တို့သည် ကုမ္ပဏီမှထုတ်ပယ်ခြင်းခံရသည််။ထို့ကြောင့် ကျွန်ုပ်တို့သည်အလုပ်လုပ်သောအခါတာဝန်ကျေပွန်အောင် ထမ်းဆောင်ရန်လိုအပ်ပါသည်။ မိသားစုကိုတန်ဖိုးထားရပါမည်။ မိမိ၏အလုပ်၊ မိမိ၏အသိုင်းအဝိုင်း နှင့်ဘုရားသခင်အပေါ်သစ္စာရှိရပါမည်။မိမိတို့ကိုယ်ကိုတန်ဖိုးထားရမည်။ကျွန်ုပ်တို့ဖန်ဆင်းခံသတ္တဝါများအနေဖြင့်မိမိတို့ကိုယ်ပိုင်စွမ်းရည်၊အစွမ်းအစများကို ကမ္ဘာကြီးအားစောင့်ရှောက်ရာတွင် ဘုရားနှင့်အတူပူးပေါင်းဆောင်ရွက်ရန်လိုအပ်ပါသည်။ကျွန်ုပ်တို့သည်ခရစ်တော်နှင့်တူလေလေ နှုတ်တော်ထွက်စကားများကို နားထောင်နိုင်ပြီး ကိုယ်တော်၏စံနမူနာကို လိုက်နာလေလေဖြစ်သည်။ဂါလာဆီးကျမ်း- ၅း၁၇ တွင် “ကျွန်ုပ်၏အဖသည်ယခုတိုင်အလုပ်လုပ်သည့်အတိုင်း ငါသည်လည်းအလုပ်လုပ်သည်”ဟု ဖော်ပြထားသည့်အတိုင်းစိန့်ဂျိုးဇက်သည် နေ့စဥ်အလုပ်လုပ်ရာတွင်ဘုရားသခင်၏အလိုတော်ကိုနားထောင်ပြီးလိုက်နာခဲ့သောသူရဟန္တာတစ်ပါးဖြစ်သည်။ထို့ကြောင့်စိန့်ဂျိုးဇက်၏စံနမူနာကိုအတုယူကြပါစို့။
