 for web4.jpg)
 for web3a.jpg)
2023-05-01 05:04:20
၂.၅.၂၀၂၃ - ပါစကားကာလ၊စတုတ္ထအပတ်အင်္ဂါနေ့ ၊St. Athanasius ပွဲနေ့
ရှင်ယောဟန် ၁၀:၂၂- ၃၀
Reflection by Rev. Fr. Dominic (CSSR)
Posted by Sr. Benedetta Myat Hnin Nwe(ISR)
ထိုအချိန်၌ဂျေရုဆလင်မြို့တွင်ဗိမာန်တော်ကိုဆက်ကပ်သည့်ပွဲတော်ကျင်းပလျက်ရှိ၍ ဆောင်းကာလလည်းဖြစ်၏။ယေဇူးသည် ဗိမာန်တော်အတွင်း၌ရှိသောဆောလမွန်မုခ်ဦးဆောင်တွင်စင်္ကြံလျှောက်လျက်နေတော်မူ၏။ထိုအခါဂျူးလူမျိုးတို့သည်ကိုယ်တော့်ကိုဝန်းရံလျက်သင်သည် မည်မျှကြာအောင်အကျွန်ုပ်တို့၏စိတ်ကိုမရေမရာဖြစ်စေမည်နည်း။သင်သည် ခရစ်တော်ဖြစ်ပါလျှင်အကျွန်ုပ်တို့အားအတိအလင်းပြောပါလော့ဟုဆိုကြ၏။ယေဇူးကသူတို့အားပြန်ဖြေတော်မူသည်ကားသင်တို့အားငါပြောဆိုခဲ့လေပြီ။သို့သော်သင်တို့သည်မယုံကြည်ကြ။ငါ့ခမည်းတော်၏နာမတော်၌ငါလုပ်ဆောင်သောအမှုတို့သည်ငါ့ကိုသက်သေခံလျက်ရှိ၏။သို့သော်သင်တို့သည် မယုံကြည်ကြ။အဘယ်ကြောင့်ဆိုသော် သင်တို့သည်ငါ၏သိုးစုတွင်မပါဝင်ကြသောကြောင့်ဖြစ် ၏။ငါ၏ သိုးတို့သည်ငါ့အသံကိုနားထောင်ကြ၏။ငါသည်သူတို့ကိုသိ၍သူတို့သည်လည်း ငါ့နောက်သို့လိုက်ကြ၏။ငါသည်သူတို့အား ထာဝရအသက်ကိုပေး၏။သူတို့သည်မည်သည့်အခါမျှပျက်စီးခြင်းသို့ ရောက်ကြလိမ့်မည်မဟုတ်။မည်သူမျှသူတို့ကိုငါ့ထံ မှမလုယူနိုင်။သူတို့ကို ငါ့အားပေးတော်မူသောခမည်းတော်သည် အားလုံးထက်ကြီးမြတ်တော်မူသည်ဖြစ်၍မည်သူကမျှသူတို့ကိုခမည်းတော်၏လက်မှမလုယူနိုင်။ခမည်းတော်နှင့်ငါသည်တစ်လုံးတစ်ဝတည်းဖြစ်သည်ဟု မိန့်တော်မူ၏။*ထောက်ရှုချက် **ဘုရားသခင်နှင့်တစ်လုံးတစ်ဝတည်းရှိခြင်းသည်ကိုယ်တော်၏ကရုဏာမေတ္တာ၌တည်ကြည်ရန်ဖြစ်သည်။ကျွန်ုပ်တို့အားလုံးသည်မိမိတို့ချစ်ရသောသူ၊မိသားစု၊ဆွေမျိုးများ၊သူငယ်ချင်းများ၊မိမိနှင့်ဆက်စပ်သောအဖွဲ့အစည်းတွင်အကောင်းဆုံးသောအရာကိုသာဖြစ်စေချင်သည်။သို့သော် ကျွန်ုပ်တို့၏အလိုဆန္ဒနှင့်မျှော်လင့်ချက်မှာမျှော်လင့်သလိုဖြစ်မလာပေ။ကျွန်ုပ်တို့သည်အရာတစ်ုခုကိုမယုံလျှင်ဖြစ်စေ(သို့မဟုတ်) သံတယရှိလျှင်ဖြစ်စေ၊ကျွန်ုပ်တို့၏မျက်စိရှေ့တွင်ရှိသောအရာများသည်တည်ရှိသည်ဟု မအောက်မေ့နိုင်။လက်မခံနိုင်၊အသိအမှတ်မပြုနိုင်ပေ။သခင်ယေဇူးသည်မိမိ၏တပည့်တော်ကြီးများအားထင်ရှားပြသော်လည်း သူတို့သည်ကိုယ်တော်ကိုမေးခွန်းများဆက်လက်ထုတ်နေကြသည်။ကျွန်ုပ်တို့မည်မျှကြာအောင်ဆက်လက်သည်းခံရမည်နည်း။ယေဇူးသည်ကြိမ်ဖန်များစွာထင်ရှားပြသော်လည်းတပည့်တော်တို့မှာမယုံကြည်နိုင်ခဲ့ကြပေ။သခင်ယေဇူးကတပည့်တော်တို့၏အားနည်းချက်ကိုကျော်လွှားသွားနိုင်ရန်ကူညီပေးနိုင်သည်ကိုသိရှိကြသည်။ဘုရားသခင်၏မေတ္တာတော်နှင့်ကရုဏာသက်ရောက်မှုကြောင့်သူတို့၏ယုံကြည်ခြင်းခိုင်ခံ့စေခဲ့သည်။တပည့်တော်ကြီးများနှင့်ယနေ့ကျရောက်သော St. Athanasiusတို့၏စံနမူနာကောင်းကိုအတုယူ၍ကျွန်ုပ်တို့ယုံကြည်ခြင်းကိုကာကွယ်ပေးသူကျွန်ုပ်တို့၏ကျောထောက်နောက်ခံအဖြစ်စစ်မှန်သောယုံကြည်ခြင်းပြောင်းလဲပေးတော်မူပါစေဟုဆုတောင်းပေးလိုက်ပါသည်။
