 for web4.jpg)
 for web3a.jpg)
2023-05-02 06:20:17
၃.၅.၂၀၂၃ - ပါစကားကာလ၊စတုတ္ထအပတ်ဗုဒ္ဓဟူးနေ့St.Philip and James Feastday
ရှင်ယောဟန် ၁၄:၆- ၁၄
Reflection by Rev. Fr. Dominic Vuong(CSSR)
Posted by Sr. Benedetta Myat Hnin Nwe(ISR)
ယေဇူးကငါသည်လမ်းခရီးဖြစ်၏။သမ္မာတရားလည်းဖြစ်၏။အသက်လည်းဖြစ်၏။ငါ့ကိုအမှီမပြုဘဲ မည်သူမျှခမည်းတော်ထံသို့မလာနိုင်။သင်တို့သည်ငါ့ကိုသိကြပါလျှင်ငါ၏ ခမည်းတော်ကိုလည်းသိကြလိမ့်မည်။ယခုမှစ၍ သင်တို့သည်ငါ၏ ခမည်းတော်ကိုသိကြ၍ဖူးမြင်ကြရလေပြီဟုသူ့အားမိန့်တော်မူ၏။ဖိလိပုကလည်း သခင်ဘုရား၊ခမည်းတော်ကိုတပည့်တော်တို့အားပြတော်မူပါလျှင်တပည့်တော်တို့စိတ်ကျေနပ်ကြပါလိမ့်မည်ဟုကိုယ်တော်အားလျှောက်လေ၏။ယေဇူးကသူ့အားမိန့်တော်မူသည်မှာ ဖိလိပုငါသည် သင်တို့နှင့်အတူ ဤမျှကြာအောင်နေခဲ့ပါသော်လည်းသင်သည်ငါ့ကိုမသိသလော။ငါ့ကိုမြင်ရသောသူသည်ခမည်းတော်ကိုလည်း ဖူးမြင်ရ၏။အဘယ်ကြောင့် သင်သည်ခမည်းတော်ကိုတပည့်တော်တို့အားပြပါဟုဆိုရသနည်း။ငါသည်ခမည်းတော်၌တည်ရှိ၍ ခမည်းတော်သည်လည်း ငါ၌တည်ရှိကြောင်းကိုသင်မယုံကြည်သလော။သင်တို့အားငါပြောသောစကားများကိုငါသည်ငါ၏အခွင့်အာဏာဖြင့်ပြောသည်မဟုတ်။ငါ၌တည်ရှိတော်မူသောခမည်းတော်သည် မိမိ၏အမှုတော်များကို ဆောင် ရွက်ခြင်းသာဖြစ်၏။ငါသည်ခမည်းတော်၌တည်ရှိ၍ ခမည်းတော်သည်လည်းငါ၌တည်ရှိသည်ကိုယုံကြည်ကြလော့။ဤသို့မဟုတ်လျှင်လည်း ငါပြုသောအမှုအရာများကိုထောက်၍ ငါ့ကိုယုံကြည်ကြလော့။သင်တို့အား ငါဧကန်အမှန်ဆိုသည်ကားငါ့ကိုယုံကြည်သောသူသည်ငါပြုသောအမှုအရာများကိုလည်းပြုလိမ့်မည်။သူသည်ယင်းထက်ကြီးမြတ်သောအမှုအရာများကိုလည်းပြုလိမ့်မည်။အကြောင်းမူကား ငါသည်ခမည်းတော်ထံသို့သွားမည်ဖြစ်သောကြောင့်တည်း။သားတော်အားဖြင့်ခမည်းတော်၏ ဘုန်းတော်ထင်ရှားစေရန်ငါ၏နာမတော်၌သင်တို့တောင်းလျှောက်သမျှကိုငါပြုမည်။သင်တို့သည်ငါ၏နာမကိုအမှီပြု၍တစ်စုံတစ်ရာကိုတောင်းလျှောက်လျှင်ငါသည်ထိုအရာကိုပြုမည်။*ထောက်ရှုချက်*ငါ့ကိုသိကြပါလျှင် ငါ၏ခမည်းတော်ကိုလည်းသိကြလိမ့်မည်။ငါ၌ကိန်းဝပ်တော်မူသောခမည်းတော်သည်အမှုတော်တို့ကိုဆောင်ရွက်တော်မူမည်။မည်သူမျှသားမပါပဲအဖေမဖြစ်နိုင်သလိုအဖေမပါပဲသားမဖြစ်နိုင်ပါ။ဆိုလိုသည့်အဓိပ္ပါယ်မှာ ကျွန်ုပ်တို့ဘုရားသခင်ကိုဝတ်ပြုဆုတောင်းရာတွင်ခမည်းတော် ဘုရားနှင့်သားတော်ဘုရားကိုပါရှစ်ခိုးကိုးကွယ်ရမည်။ခွဲခြားရှစ်ခိုး၍မရနိုင်ပါ။သားတော်ဘုရားသည်ခမည်းတော်ဘုရားထံမှလာသည်။ခမည်းတော်ဘုရားနှင့်သားတော်ဘုရားတို့၏ရင်းနှီးဆက်ဆံမှုကိုသူတို့နှစ်ပါးကလွဲ၍မည်သူမျှမသိနိုင်။အချင်းချင်းစည်း လုံးညီညွတ်မှုရှိကြသည်။တနည်းအားဖြင့်မိသားစုတွင် မိဘများတစ်ဦးကိုတစ်ဦး ချစ်ခင်လေးစားမှုရှိသောအခါသူတို့သည်စည်းလုံးမှုရှိလာကြသည်။ဤနေ့ဧဝံဂေလိကျမ်းစာတော်၌ကျွန်ုပ်တို့အား သားတော်မှတဆင့်ခမည်းတော်ကိုသိနိုင်သည်ဟုဖော်ပြပေးထားသည်။ “ငါ့ကိုမြင်ရသော သူသည် ခမည်းတော်ကိုလည်းဖူးမြင်ရ၏။ ငါ့ကိုသိကြပါလျှင် ငါ၏ ခမည်းတော်ကိုလည်း သိကြလိမ့်မည်”ဟု ယေဇူးအမိန့်တော်ရှိခဲ့သည်။ခရစ်တော်နောက်လိုက်ကြသောတပည့်တော်ကြီးများတို့သည်လည်း တခါတရံသူတို့၏အခက်ခဲကန့်သတ်ချက်များနှင့်ရင်ဆိုင်နေကြရသည်။ယေဇူးသည် ဖိလိပ္ပုအားငါသည်သင်နှင့်အတူရှိနေသည်မှာကြာပြီဖြစ်သော်လည်းသင်တို့သည်ငါ့ကိုမသိကြသေးပေ။ဖိလစ်နှင့်ဂျိမ်းစ်တို့၏ဘုရားသခင်အပေါ်ထားရှိသောယုံကြည်ခြင်းအတိုင်း “ငါ၏နာမတော်မြတ်၌တောင်းလျှောက်ရာဟူသမျှကိုငါနားညောင်းတော်မူမည်”ကျွန်ုပ်တို့၏နေ့စဥ်ဘုရားသခင်အပေါ်ထားရှိသောသဒ္ဒါကြည်ညိုခြင်းသည်တစ်ရက်ထက်တစ်ရက် ဘုရားနှင့်နီးစပ်လာပါစေ။အဘယ်ကြောင့်ဆိုသော်ခမည်းတော်ဘုရားကိုသိရှိရန်သားတော်ဘုရားမှတဆင့် ခမည်းတော်ဘုရား၏ရွှေစိတ်တော်ကိုတွေ့ရန်ဖြစ်သည်။
